السبت، 12 سبتمبر 2009

انا صار لازم ودعكم



مساء وصباح الخير والسلام عليكم وهاي _ في تحية أكتر من كده _ أي خدعه :)


حد شاف القمر النهاردة ؟ القمر النهاردة ليه طعم تاني حسيته مكسور وحزين وبيبكي ما علينا مش موضوعنا


انا جايه النهاردة علشان أقول اني ان شاء الله مش هكتب بوستات جديدة في المدونة فترة لسه محددتش هي اد ايه يمكن يوم يمكن اتنين يمكن اسبوع او اسبوعين يمكن شهر بس اكيد مش شهرين نياهاهاهاهاها ف ليا رجاء عند صحباتي الانتيخ متعملوش زي المرة اللي فاتت وتقلقوا عليا وتقلقوني عليكوا هي حاجه لذيذة لما تحس ان حد مهتم وبيحبك وبيقلق عليك وانا بحبكو جدا بس محتاجه اقعد شوية مع نفسوياتي واحسم شوية حاجات جوايا واحدد هرجع للبسبوسة امتى ان شاء الله وكذا حاجه تانيه ومش هقفل موبايلي لكن مش هستخدمه تمام؟ علشان محدش منكن يزعل مني

بالنوسبة للمدونة انا أسفة يا ديدي انا شيلت الغير معرف ودي خطوة كنت مأجلاها من فترة واتمنى انك تعملي اكونت علشان تتواصلي معايا في المدونة لأني بحب تعليقاتك وكلامك وانتي من اصدقاء المدونة الغاليين بالنسبة لي

وكمان شيلت الموديريشن بس ده ميمنعش ان اي كومنت هتضايقني لما ادخل عالمدونة هحذفها وعلى فكرة انا مش بمسح تعليق الا لو كان مضايقني سواء اسلوبه مش حلو بالنسبة لي او مجاملة زيادة عن اللزوم وانا مش بحب المجاملة الOVER

وأخيرا ده بوست مفتوح لأي حد عايز يقول اي حاجه عن المدونة والبوستات اللي فيها


كل سنة وانتم طيبين وعيد سعيد - كده انا اول حد يهنئكم بالعيد - هيييييييييييييييه

دمتم في حفظ الرحمان

هناك 45 تعليقًا:

بـــــسمة انـــــــــور يقول...

هو انا اول تعليق؟؟؟

بـــــسمة انـــــــــور يقول...

اااااااااااااه
اول تعليق

بـــــسمة انـــــــــور يقول...

مش هرغى كتير انا بس بطمن على مكانى كاول تعليق

بـــــسمة انـــــــــور يقول...

بصى بقى يا ليدى يا قمرة انتى

هتوحشيييييييييييييييييييييييييييييييييييييييييييييييينى اكتر واكتر

خدى وقتك ياقمر بس المهم ترجعى لينا بالسلامة

وخدى بالك من نفسك

شوكولاتة يقول...

هاتوحشيني كتييييييييييييييييييييييييييييييييييييييييييييييييييييييييييييييييييييير ويارب الغيبة ماتطولش ويكون سببها خير بس إحنا هانفضل قلقانين عليكي لحد ماترجعي بالسلامة

أمووووووووووه
في رعاية الله

قبلاوى يقول...

ليه كده ؟

أحمـــــــــــــد أبو العلا يقول...

كل سنه وانتي طيبه
انتي قلتي, أكيد مش شهرين
منتظرين

youssif يقول...

مفيش مشاكل خدي راحتك

عيدي حسباتك ...
و متغبيش علينا ...
و ارجعي بسرعة احسن من الأول

كل سنة وانتي طيبة ...

eyad يقول...

ترجعي بالسلامه بقي

عاشقه الرومانسيه يقول...

القرار ده بالنسبه للمدونه والموبايل
طيب اخبار الشات والايميلات ايه معاكى؟
بلاش تختفى تماما يعنى
وعموما احنا فى انتظارك
ترجعى لنا بالسلامه

مدحت محمد يقول...

اجازة تدوينية سعيدة ان شاء الله

dramaqueen يقول...

تروحى وتيجى بالسلامة يا قمر
هتوحشينى مووووووووووت

كل سنة وانتى طيبة

كيكى عوووووو يقول...

مش هتستخدمى الموبايل خااااالص
ومش ملاحظة ان احنا بقالنا فترة كبيرررررررررررررة اوى متكلمناش وانا لمة جيت بيتنا واستقريت من ناحية النت انتى هتشمى طب بصى بجد عشان انا عندى اعراض ضغط الايام دى بجد وبقيت لمة بتوتر بتعب مش هضايق ولا حاجة من الاخر براحتك شوفى هتستريحى لحد امتى؟؟
سلام ياليدى

Selfmeaning يقول...

خدى وقتك و ارتاحى شوية

يس متنسيش ان ليكى اصحاب هنا

و ليكى بلوج محتاجك دايما

مي يقول...

يالهوى هى فرة وحصلت فى المدونات
طااااايب يا قمر يارب متطوليش علينا وترجعيلنا بالف سلامة ان شاء الله
وهتوحشيييينا اوى
وكل سنة وانتى طيبة

Sometimes يقول...

براحتك يا ليدى
اهم حاجه تكونى مرتاحة
كل سنة وانتى طيبة يارب

hager za3bal يقول...

مستنينك .. :)

الشعب لابد له من حكومه تشكمه يقول...

ايه يابنتى انا مبقتش بشوفك غير بتقولى انا مسافره هتأخر شويه فى الكتابه لاانا هعتزل التدوين لا انا هقفل البلوج والمرادى صار لازم اودعكن..انتى احسن حل ليكى نربطك بحبل فى باب البلوج:))
هتوحشينا يا جميله متتاخريش الله يخليكى..
وهتفكرى فى ايه الفتره دى اه اعترفى؟؟؟؟؟

mahasen saber يقول...

طب معرفش هتقرى التعليق ده بعد ما ترجعى ولاا قبل ما تمشى
المهم رمضان كريم عليكى وعلى كل من تحبين

وايام مباركه دايما ان شاء الله

أميرة علي كوكب مهجور يقول...

انا صار لازم اودعكم اغنية الوداع دي انا بعشقها لفيروز بجد من احلي اغانيها

وبعدين تعالي هنا يا هانم راحة فين وليه ومع مين وامتي وازاي وازاي تختفي كده وكما الموبايل لا اعمل فيكي ايه اكل دراعك مثلا علشان متكتبيش الحاجات دي لو عاملة كده علشان تهربي من طقم الكاكاو احب اقولك كان غيرك اشطر انا نايمة ع باب المطار:) مستنياكي ومتتأخريش علشان مش اقلق عليكي

MǿиY El-Shreef يقول...

وحشااااااني ياليدي اوي

خساره مالحقتكيييش :(

هتوحشيني لحد ماتيجي يابطتي

موااااااه

Half Heart يقول...

مدونتك كميله و لذوذه كده و حاجه لولو خالص بصراحه ,, و روحك بجد تحفه ,, و مش قادره اقولك بقا انا مبسوطه ازاي من كلامك علي كيكي ,, هي كميله اوي كده ازاي ,, ماشاء الله طبعا مش بحسد انا بس بئووووووور :)
ربنا يخليكوا لبعض ,, انا اول مره اعمل كومنت على اي مدونه و اصلا مش عارفه هيوصل و لا لأ
المهم انك بجد رائعه و ربنا يجزيكي كل خير

شاب فقرى يقول...

كل سنة وانتى طيبة

وان شاء الله ترجعى للتدوين مرة تانية

لك منى اطيب تحية


ولنا عودة بعد العيد

شاب فقرى :$

لا تـــشـــتــــاق يقول...

اوعى تكونى ناويه تخلعى
هزعل
اوعى
عموما خد وقتك بس متنساناش ياجميل
وهنستناك
عيد سعيد

Lady E يقول...

بسمة : ههههههه مبروك عليكي أول تعليق يا بسومة يا سكرة

وانتي كمان وحشتيني الكام يوم اللي فاتو

تسلميلي يا حبيبتي

Lady E يقول...

شوكولاتة : تسلميلي يا حبيبتي

Lady E يقول...

قبلاوي : انا قولت ليه كده في البوست :)

Lady E يقول...

الانجينير : وانتا طيب وبخير يا انجينير

ومكملتش شهر كمان :)

Lady E يقول...

يوسف : تم بالفعل :)

كل سنة وانتا طيب وبخير يا يوسف

Lady E يقول...

اياد : شكرا

Lady E يقول...

عاشقة الرومانسية : انتي تأمري يا قمر :)

Lady E يقول...

مدحت محمد : ربنا يكرمك

Lady E يقول...

دراما كوين : تسلميلي يا قمرايا

وانتي طيبة وبخير وصحة وسعادة

Lady E يقول...

كيكي : بعد الشر عليكي من الضغط يا حبيبتي :)

Lady E يقول...

selfmeaning : اقولك سر

انا حبيت الكومنت بتاعتك اوي شبهتي البلوج بتاعي كإنه بيبي وصعب عليا اسيبه لواحده بصراحه :)

Lady E يقول...

مي : اهلا بيكي يا قمرايا

وكل سنة وانتي بخير وصحة وسعادة يا مي

نورتيني

Lady E يقول...

sometimes : تسلميلي يا منوش

وانتي طيبة وبخير وصحة وسعادة

بجد بتوحشيني

Lady E يقول...

هاجر زعبل : استنيتوا كتير ؟ :)

Lady E يقول...

شيما حبيبتي : في ناس قعدوا مع نفسوياتهم برضه وسابو مدونتهم شوية اول حرف من اسمهم شيما :)

واذا كان عالأفكار فهي كتير بسم الله ما شاء الله :)

Lady E يقول...

أ محاسن صابر : بفرح جدا كل ما بشوف تعليق ليكي في مدونتي

انا شوفت التعليق في المرتين :)

ربنا يكرمك وكل سنة وحضرتك طيبة وبخير وصحة وسعادة

Lady E يقول...

مرمر صبحتي : ايوة فيروز بالتفاح ولا الأناناس :)
لأ دي مطلعتش فيروز اللي بتتشرب دي طلعت فيروز اللي بتتسمع اها
طبعا فيروز رائعة واغانيها جميلة جدا جدا جدا

وايه اسئلة وكيل النيابة دي يا اوختشي :)

ياريتك تجيلي في المطار فعلا هو انا اطول :)

Lady E يقول...

موني العسولة : تسلميلي يا وزتي :)

Lady E يقول...

HALF HEART: اهلا بيكي يا قمرايا

وبجد الكومنت بتاعتك حاجه لولو خالص :)

وبعدين تعبتي نفسك بجد كان ممكن تئوري من غير كومنت ههههههههه

ربنا يكرمك ويسعدك وبجد بجد سعيدة بتعليقك وان دي اول مرة تكتبي كومنت لأي مدونة وان شاء الله متكونش اخر مرة و تنوري المدونة بإستمرار

Lady E يقول...

شاب فقري : وانتا طيب وبخير

دمت بخير

Lady E يقول...

لا تشتاق : هخلع ليه بس هو انا دكتورة اسنان :)

عيد سعيد عالجميع ان شاء الله