السبت، 21 فبراير 2009

اللي جوزها يحبها

عااااااااااااااااااا وكمان عااااااااااااااااااا عاااااااااااااااااااااااا

بيقولو اللي جوزها يحبها الشمس تطلع لها عاااااااااااااااا

امبارح قولت اساعد مامتي حبيبتي في شغل البيت وامري لله يلا اهو نكسب ثواب برضه

وفعلا فضلت اغسل في الغسيل 10 ساعات ونص من غير مبالغة مع ان في الوقت ده كله الناس ممكن تغسل غسيل جمهورية مصر كلها

ومع ان كمان مكنش في هدوم كتير عايزة تتغسل يعني الغسالة مكنتش مليانه اصلا

ودلوقتي اوفاجأ بمطر مطر يعني سيووووووووووول نازله عالغسيل وهو منشور عاااااااااااا يا خسارة العشر ساعات ونص يا غسيل

ليه كده يا غسيل يعني انا قصرت معاك في ايه ؟؟ ده انا حتى غسلتك ب بونكس نضافة ريحة توفير بريحة الياسمين
وبكلوركس الوان بريحة الورد يعني جنينة يقوم المطر ينزل عالهدوم ويبوظها عاااااااااا يا الهي رحمتك

دايما لما ماما بتطلب مني حاجة بقولها هنشر البوست وأجي
فبتقولي مفيش مرة تقوليلي انشر الغسيل
اديني غسلت الغسيل والدنيا مطرت عاااااااااااااااااااااااا عااااااااااا
وفي النوهاية احب أقول اللي جوزها يحبها الدنيا تمطر لها - غيرت المأثورة-
والا كده يبقى سيادة جوز المستقبل المجهول مش بيحبني اومال انا ليه حاسة انه بيحبني
ما علينا
سلام

هناك 17 تعليقًا:

مسدس صغير يقول...

حتى اليوم اللى تفكرى تنشرى الهدوم فيه الدنيا تمطر عليها؟؟

اقول ايه بس يا اخواتى؟

اكيد ماما هتقولك من النهاردة ملكيش دخل بأى حاجه تخص البيت ارحملها لانها كده هتغسل الهدوم بنفسها تانى ..

ربنا يستر على جوز المستقبل

مسدس صغير يقول...

ايه ده؟

هو انا اول تعليق؟؟

خلاص ع البراكة

blue-wave يقول...

ههههههههههههههههههههههه
هيا بتبقى اقدام اصلها:))

Lady E يقول...

مسدس صغير : ايه نظرة الشماتة دي يا مسدس عاااااا

واضح ان السحاب مطر علشان اتأثر علشاني غسلت هدوم :)

وجوز المستقبل اكيد مامته داعيه عليه في ساعة اجابة بالدوخة المستعجله

Lady E يقول...

blue-wave : ياااااااه فرحان فيا اوي كده ليه يا دكتر عااااااا

ماشي ماشي الله يسامحك

ستيتة يقول...

قليل البخت يلاقي المطرة مع الغسيل

ما ينوب اللي بيغسل الا بلبلة هدومه

يادي الشيلة ويادي الحطة راح على غسالة ورجع على مطرة

كفاية كده ونشاطركم الغسيل وربنا يجعله اخر نشير في جو مطير

KEBLAWYAT يقول...

ماهى دى ميزة حب الزوج بقى

إللى جوزها يحبها الشمس تطلعلها و تنشف الغسيل

إيمان يقول...

يا بنتى المطره مش عاجبها غسيلك
شكلك كنت غسلاه من غير نفس
علشان كده قالت تأكد على الغسيل
زياده ميه يعنى

لجين أبو الدهب يقول...

معلش ياليدى ..

ممكن يكون المطر حس ان العشر ساعات مش كفاية ..:D

وان شاء الله زوجك هايكون بيحبك ..

دُمتِ وغسيلك طيبين ..

Lady E يقول...

ستيته حسب الله الحمش : تسلميلي يا دكتر على المشاركه الوجدانيه
هو ممكن يكون اخر نشير ليا نياهاهاهاها

Lady E يقول...

قبلاوى : نو ابسلوتلي اللي جوزها يحبها الدنيا تمطر لها :)

Lady E يقول...

إيمان : فكرة برضه
انا فعلا كنت بغسل الغسيل من غير نفس زي ما بيقولو تقضية واجب عرفتي منين؟؟ :)

Lady E يقول...

لجين أبو الدهب : تقريبا هو ده احساس المطر ساعتها :)

وياااارب ربنا يستجيب دعوتك ويرزقني بزوج يحبني ويتقي الله فيا

دمت بخير وفي حفظ الله

بنوتة يقول...

ههههههههههه
ده كله زعل وعياط
هو الظاهر ان السحاب هو ايللي عيط لما لقى الغسيل بعد عشر ساعات ونص نفسى اعرف ازاى
شكله كده كان عايز يكمل ال24 ساعة
ههههه يا سيتى جت على عشر ساعات ونص تانين
سلام يا قمر

Ahmed يقول...

(وش بيشمت وبيطلع لسانه)
هئ هئ هئ هئ هئ

متتخيليش مدى السعاده لما الموقف ده بيحصل لاي حد

أصل انا بصراحه بحس ان اللي بيغسل ده بيعمل مجهود كبير والعمليه في الحقيقه مش محتاجه ده كله

يعني لو يدوبك بيدور مفتاح الغساله ويحص مسحوق وخلاص
ونشير الغسيل مش بياخد 5 دقايق
طبعا ده كلام واحد بره الموضوع
هئ هئ هئ هئ

بس لما بيكون في غسيل بيكون في حالة طوارئ غريبه انا مش فاهمها لغاية دلوقتي

عشان كده لما الدنيا تمطر أو يقوم تراب بحس بالشماته (وش شيطان صغغن)
هئ هئ هئ هئ
نيهاااااااااااااااااهاهاها

Lady E يقول...

بنوتة : اومال ايه هو الغسيل ااقل منها لما اهتم بيه 10 ساعات ونص ههههه
نورتيني يا قمر

Lady E يقول...

Eng. Ahmed Abo El-Ella هيء هيء ونياهاهاها كمان فين طنط مامتك تشوف ردك ده

ع العموم ربنا يوعدك وتجرب تغسل وتشوف الغسيل هيبقى سهل ولا صعب

على فكرة طول ما انتا بره الموضوع بتفتكره سهل ومش عايزة افكرك بكوباية الليمون نياهاهاها