الاثنين، 17 نوفمبر 2008

ياااااااارب صبرني


تعمل ايه لما الضربة تجيلك من اقرب الناس ليك؟؟؟؟؟؟؟؟!!!!!
تعمل ايه لما تشوف الحب في عيونهم وبكل ود تحبهم ويكون جزائك انهم يطعنوك في ظهرك؟؟؟؟؟؟؟؟؟؟؟؟!!!!!!!!!
تعمل ايه وانتا في حضن بلدك وحاسس بالغربة؟؟؟؟؟؟؟!!!!!!!!
تعمل ايه في الدنيا اللي معنداك وكل ما تقوم توقعك وتفضل مذهول وشريد؟؟؟؟؟؟؟!!!!!!
تعمل ايه لما تحس ان فات 20 سنة من عمرك وانتا لسه واقف مكانك؟؟؟؟؟؟؟؟!!!!!!
تعمل ايه لما تلاقي الحياة من حواليك سودا وكلما تنور شمعة الدنيا بتطفيها؟؟؟؟؟؟؟؟!!!

هناك 15 تعليقًا:

Kiara يقول...

حبيبتي

اول اما تحسي بكل ده

بصي للسما وقولي يارب انا محتجالك

هتحسي برااااااااحه وهدوء

Lady E يقول...

مولان : اهلا بيكي يا حبيبتي

احنا ملناش حد غير ربنا سبحانه وتعالى

يارب انا محتجالك في كل حال

نورتي مدونتي يا قمرايتي

هانى زينهم يقول...

هو فعلا انتى مش عايزة تكبرى !!
س ـ تعمل ايه لما الضربة تجيلك من اقرب الناس ليك؟
ج ـ طبيعى ان الضربة تيجى من اقرب الناس لانك فى ايديهم انما ابعد الناس عمرهم ما هيطولوكى ." احذر عدوك مرة واحذر صديقك الف مرة فلربما انقلب الصديق فكان اعلم بالمضرة " .
س ـ تعمل ايه لما تشوف الحب في عيونهم وبكل ود تحبهم ويكون جزائك انهم يطعنوك في ظهرك؟
ج ـ الحب ما بيتشافش فى العين الحب بيتحس بالقلب والتصرفات . ونبقى غلطانين لما ندى لحد ضهرنا اصلا . الطبيعى انك تعاملى الناس وانتى عنيكى فى وسط راسك وبوشك مش بضهرك ولا تستثنى من ذلك احدا الا بابا وماما وبس .
س ـ تعمل ايه وانتا في حضن بلدك وحاسس بالغربة؟
ج ـ ومين قال ان الغربة بالبلد ؟؟ الغربة بالاهل والصحاب . لو اهلك واصحابك فى موريشيوس يبقى بلدك هناك . انتى بس عشان اتعودتى تعيشى برة فحاسة هنا بالغربة . انما لو رجعتى هينتهى الاحساس ده . انا باتكلم على الاحساس مش ان كان ده صح ولا غلط .
س ـ تعمل ايه في الدنيا اللي معنداك وكل ما تقوم توقعك وتفضل مذهول وشريد؟
ج ـ دى وظيفة الدنيا من ساعة ما ربنا خلقها امال اسمهم دنيا ليه ؟؟؟ دورنا بقى اننا نعافر ونعافر ونقع مرة ونقوم مرة وكدة يعنى . الدنيا مش زبادى فى الخلاط الا فى الافلام العربى القديمة بس اللى هى بتنتهى غالبا بان البطل يتجوز البطلة وده بقه ما بيحصلش فى الدنيا الحقيقية . لا فى الجواز ولا فى غيره . الدنيا اصلا بتشوف انتى عينك هتطلع على ايه وتقف تقولك انتى هتموتى على ده ؟ طب وحياة امى ما انتى واخداه . عادى .
س ـ تعمل ايه لما تحس ان فات 20 سنة من عمرك وانتا لسه واقف مكانك؟
ج ـ فاضل 20 زيهم كمان وبعدين مش هتشتكى لانك هتبقى اتعودتى على كدة .
س ـ تعمل ايه لما تلاقي الحياة من حواليك سودا وكلما تنور شمعة الدنيا بتطفيها؟
ج ـ الدنيا ما بتطفيش شموع ولا بتأيدها احنا الى بنحمل الامور دايما فوق طاقتها وبنتعشم زيادة عن اللزوم ولما العشم ما يبقاش فى محله نلوم ع الدنيا .
انا عارف ان تعليقى دمه تقيل بس بجد الدنيا وحشة ومحتاجة منك شوية نضج وانك تقرررى انك تكبرى بقه والنضج هو الرضا بانصاف الحلول . يعنى مش لازم كل حاجة تبقى فى مكانها اوى . لو جت كدة شوية او كدة شوية ما يهمش عادى . لما توصلى لعادى دى هتبقى كبرتى . سلامتك من الوجع والاه . وزى ما مولان قالتلك ربنا هو الملجأ الاول والاخير .

mohamed ghalia يقول...

فى ايه يابنتى هيا نقصه سواء بس
لا انا مش شايفها سوده بقى
ودايما كل حاجة بحاول أشوف فيها الجانب المضىء فيها
عودت نفسى على كده
دايما اى موقف او اى حدث حواليا وحش اشوف الميزة الى فيه
حتى اصحابى بيستغربوا قوى لما بقلهم على حاجة حلوة الحكومة عملتها
أنا كده بشوف الحاجة الحلوة فى وسط بلاوى تانية.
أما عن الطعنات والضربات فالحمد لله معنيتش منها وربنا يكملها كده على طول
بس لو حصلى حاجة من دى هقول ياااااااااااااااااااااارب
تحياتى أختى العزيزة
دمتى بكل الود

e_emy يقول...

ليه بس كده ):

قلبتى المواجع .........

ياااااااااارب صبرنى انا كمان ):

فكيها بقه والبوست الى جاى لازم يكون حاجه تفرح .. لالالالالالالازم

ربنا يهديكى ويهدينا للخير ياااارب

اشوفك البوست الى جاى فرحانه ... انا قولت اهو ... عارفه انك بنوته مطيعة (:

سلالالام ياجميل

blue-wave يقول...

تتوضى
وتصلى ركعتين لله
وتجرى لحضن اهلك واصحابك الللى بجد
تحياتى

غير معرف يقول...

تعمل إيه بعد ما تقرا البوست ده
تروح ترمى نفسك و لا تولع فيها؟؟؟؟؟









بس و الله بوست فى الجون على رأى كيارا هو صحيح فكرنى بكل المواقف الزبالة اللى حصلتلى بس معلش كفاية انه أنتى اللى كتباه
موووووووووووه
وحشانى

موناليزا يقول...

ألجأ سريعا الى الله لعله يرفع هذا البلاء عنى

☼♫♪ عمــاد الدين يــوسف ☼♫♪ يقول...

اقول / يارب
ما اخذ مني إلا ليعطيني

كيكى عوووووو يقول...

نونتى
حبيبة قلبى مالك بس
حصل اية ؟
نونتى مين ضايقك بس؟
نونتى استهدى بالله كدة
وبكرة احلى
وكيكى ديما جانبك
وحشتينى
بجد
عوووووووووووووووووووووووو

شفـقــة و إحســــان يقول...

تعرفى يا ليدى اسئلتك فى الجون واحنا كلنا بنسال نفس الاسئلة دى بس يا ترى تفتكرى حد هيجاوب عليها؟؟
وحشتينا بجد

kochia يقول...

كنت عاوزة اقولك كلام كتير بس قريت التعليقات
لقيت هاني زينهم قال كتير من اللي كنت هقوله

وبعد كدة اللي عمرو قاله
صلي
واترمي في حضن حد متاكدة انه بيحبك بجد

تحياتي

غير معرف يقول...

انا مش عارفه اقولك ايه..
ربنا يفك كربك يارب
ويارب تكوني بخير قريب..
خدي بالك من نفسك
ومتنسيش ان ربك كبير اوي
:)
تحياتي

عايش علي الهامش يقول...

تبتسم قائلا تلك هي الحياه
وتقف من جديد وتفكر كيف عليك ان تبدا


شكرا لك

mohamed talaat يقول...

لما الشمعة تنطفي نوري شمعة تانية...
و لو مفيش شمعة انزلي في عز البرد اشتري شمعة..
و لو مش معاكي فلوس تشتري شمعة..اشتغلي و اتعبي..ساعتها حد هايديلك شمعة هدية :)