الخميس، 16 أكتوبر 2008

تاج البرينسس ليدي الأول




بما اني عندي ارق من فترة طويلة وبقى مستحيل اعرف انام بالليل وبدام انا قاعدة مخنوقة ومش عارفة اذاكر وشوية وهعيط قولت اعمل ايه احل واجب من الواجبين المتأخرين عليا بقالهم فترة لدرجة اني لخبطت مين بعتلي تاج ايه بس فاكرة ان اول بنوتة دبستني في التاج هي كيارا حبيتبتي مع انها عارفة و متأكده اني بحتاس في موضوع الاسئلة ده بس ما علينا وتاني بنوتة اهدتهولي هي منوش الجميلة صاحبة مدونة ساعات ساعات وكان نفسها حد يجاوب التاج انتي تامري بس يا منوش مقدرش ارفضلك طلب يا قمرايا

بسم الله أبدأ

بدأت تدون من امتي ؟ و دخلت العالم ده ازاي ؟

بدأت ادون في المفكرة بتاعتي من فترة طويلة جدا تمتد بإمتداد سنين عمري
وكنت بقرأ كتير من التدوينات بتاعتي في الاذاعة المدرسية ودايما كنت باخد شهادات تقدير لتميزي في الاذاعة وكمان كنت بشارك في مسابقات في الكتابة بين المدارس ده غير اني كنت بحب اسلوبي في كتابة مواضيع التعبير وبتأثر أوي وبعيط لو نقصت نص درجة في التعبير (بس مش عارفة الاسلوب الحلو ده راح فين)

وبدأت التدوين عالنت في منتدى دراسي وانا في ثانوية عامية وكانت المواضيع اللي بكتبها في منهجنا الدراسي
وبعديها عرفت منتدى جميل جدا بدأت تدوين فيه من 3 سنين وبعدين شوفت مدونة عضو من اعضاء المنتدى وبدأت ادور وابحث يعني ايه بلوج وكنت مترددة اني ادخل عالم التدوين واخدت فترة كبيرة جدا في اتخاذ القرار وبدأت تدوين فعلا الصيف اللي فات


ايه كان انطباعك في البداية ؟
كنت سعيدة ان في حاجة ملكي بتعبر عني وأأقدر اتكلم فيها بحرية وقلقانة ومترقبة ردود الأفعال وخصوصا انه كان عالم جديد عليا وكانت كيارا حبيبتي بتشجعني كل بوست وبتعلق وبتقوللي رأيها
وطبعا كنت مضايقة ان لسه مفيش حد عرف البلوج بس كنت بقول هيعلقوا ازاي وهما مش عارفين البلوج اصلا وبعدين جت فترة وزهقت وكنت هقفل المدونة بس تراجعت عن قر
اري لما المدونة بدأت تتعرف
ولسه بيجي في بالي قرار حذف المدونة بين كل فترة والتانية بس مش قادرة احذفها وانسى المدونين الرائعين اللي بالنسبالي اكتر من اخواتي

يمن اكتر واحد بتهتم بتعليقه علي بوستك الجديد ؟
مش هتكلم بدبلوماسية

في مدونين بجد بتجنن ومودي بيبقى وحش لو مشافوش البوستات اللي بكتبها وقالوا رأيهم وهما كيار وكيكي وRANONواميرة انا و دماغي , منوش ساعات ساعات , ايمي e_emy
دكتر عمرو بلو ويف
appy ,Magnolia

وباقي المدونين او غير المدونين اللي بيحبوا يتابعوا مدونتي واكيد كمان التعليقات الجديدة بكون متشوقة جدا اني اشوفها وبفرح بيها بس انا ذكرت المدونين دول لأني ارتبطت بتعليقاتهم لما مش بيردوا بحس ان في حاجة ناقصاني

&&&&&&&&&&&&&&&&&&&

ايه أهم حاجة اتعلمتها من عالم التدوين ؟

اتعلمت اني اكون انا اعبر عن رأيي اكتر واتفاعل مع العالم الخارجي اكتر بدل الوحدة اللي بحب اكون فيها كتير مع نفسي

ايه أكتر حاجة كرهتها ؟

ياااااه كرهت حاجات كتير جدا منها المدونات اللي بتسب الله جل جلالة وللأسف المسلمين مش عارفين يعملوا حاجة وكمان كرهت ان مفيش بلوك عالمدونة ااقدر من خلاله امنع اي حد مش لطيف من دخول مدونتي

حاسس ان التدوين له تأثير ؟

أكيد ليه تأثير ده بيقولوا على التدوين صحافة المستقبل ده غير تأثيره عليا شخصيا
لما بيكون مودي وحش او مضايقة او محتارة في حاجة بلاقي ناس بحبها معايا
اه ونسيت اقول بالنسبة للتدوين في حد كلمني عالايميل من كام يوم بيقول انه معد برامج وعايزيني ابقى من ضمن الضيوف بإنهم هيتصلوا بيا عالتليفون علشان اشارك برأيي في موضوع عن الشباب بيتجوز ليه
لأني كاتبة بوست عن الجواز ومش عارفة ليه مش مستريحة للموضوع ده مع ان الشخص اللي كلمني انسان اسلوب كلامه محترم جدا هي القناة اسمها قناة( أنا) لسه جديد ة التردد بتاعها 11555 عمودي انا دورت وملقيتهاش
لو اي حد يعرف عنها معلومات يقوللي

&&&&&&&&&&&&&&&&&

تهدى التاج لمين ؟

بأهديه لكل حد بيحب مدونتي ومتابعها يعني اي حد هجاوبه هعرف انه بيحب مدونتي
ولو عايزين اسماء ههدية

للبنوتة مانجوليا لو مكنتش حلته قبل كده
وبهديه لكيكي
وبهدية لأميرة ( أنا ودماغي)
ولدكتر شهاب صاحب مدونة ابلة نظيرة
ولمستر هاني زينهم لو مكانش حل التاج



هناك 19 تعليقًا:

إيمان قنديل يقول...

سلامتك من الآرق ، أسلوبك حلو وإن شاء الله تكوني صحفية وكاتبة بارعة

☼♫♪ عمــاد الدين يــوسف ☼♫♪ يقول...

اختي الكريمه

اجاباتك متواضعه وبتعكس شخصيتك خفيفة الظل
تحياتي لكي

mohamed ghalia يقول...

ربنا يحفظك من الأرق والتعب
ودايما يارب تكونى فى راحة بال وسعادة.
اجباتك واضح إنها خارجة من القب وكويس إنك سيبتى الدبلوماسية
تحياتى ودمتى بود

كـــيــــــــارا يقول...

مبروك للاستايل اولا بجد رقيق زيك ياقمورتي

ثانيا انا مدياكي التاج من زماااااااااااان

جايه تحليه الوقتي ماااااااااااااشي لينا كلام

ثالثا بقي ياقمر انتي لا مش قمر بقي

بتصل عليكي يقولي الرقم غير مووووووووجود شغليه وحشاني ياوحشه وياغلسه بس هه

blue-wave يقول...

ياااااااااااااة
انا مكسوف منك اوىىىىىىىىىىىىى
بقالى فترة مش جيت هنا
بجد انا مش عارف هاتسامحينى ازاى
بس بجد اجاباتك على التاج تعكس شخصيتك الجميله اللى عرفناها واتعودنا عليها
ومبروك على الإستايل الجديد للمدونه واللى بجد بجد تحفه
وسماح بقى على تقصيرى الفترة اللى فاتت

محمود حسن العدل يقول...

السلام عليكم
انا اول مرة ادخل مدونتك كنت فاكرك لسة جديدة فى التدوين لانى مش شفت ليكى تعليقات .
بس استغربت لما داخلت وعرفت انك بسم اله ماشاء الله من فترة وليكى قرائك
بجد انا شوفت اجابتك على التاج وعجبتنى جدا انتى انسانة بسيطة واجابتك تمتاز بالوضوح التام والصراحة
سعيد انى عرفت مدونتك بجد
تحيااااااااااااااااااااااااااااااتى

e_emy يقول...

ايه الجمال ده (:
اجاباتك جميلة اووى زيك بالظبط (:

ميرسى اووى انك بتهتمى بتعليقى
فرحت اووووى بجد *-:

ربنا يكرمك يـــــــــــــــارب

Lady E يقول...

كباريه : تسلميلي يا قمرايا انتي اللي عيونك حلوين علشان كده شوفتي اسلوبي حلو
ربنا يسلمك من كل شر ويبعد عنك الأرق
شكرا على زيارتك الجميلة

Lady E يقول...

☼♫♪ عمــاد الدين يــوسف ☼♫ : متشكرة جدا على كلامك الجميل
وتواجدك الرائع دائما
دمت في حفظ الرحمان

Lady E يقول...

mohamed ghalia : اللهم أمين
ربنا يكرمك ويجزيك خير
دمت في حفظ وعناية الرحمان

Lady E يقول...

كيارا : انا سعيدة ان الاستايل عجبك يا حبيبتي وخصوصا ان ذوقك حلو ورقيق
ثانيا : يا كوكي انا استأذنت منك احل التا ج بعد رمضان وانتي وافقتي
نسيتي ولا ايه عااااااا عااااااا
ثالثا : اتصلتي بيا امتي يا كوكي
انا شغلت الخط من اول ثانية وصلت فيها للبسبوسة
يمكن نسيتي رقم تليفوني عااااا

Lady E يقول...

blue-wave : لا لا لا لن أ قبل سماح مين
عليك غرامة 2.95 جنيه مصري علشان ركنت عربيتك صف تاني
أأقصد علشان مش بتيجي المدونة يا دكتر مع اني متابعة مدوناتك الاتنين
وزعلانه علشان فرح اللي بقت اسم على غير مسمى يا عيني
ولا أقولك سماح يا دكتر علشان فرح بس برضه هتدفع الغرامة
بجد حاجة تسعدني انك متابع مدونتي المتواضعة يا دكتر

Lady E يقول...

محمود حسن العدل : وعليكم السلام ورحمة الله وبركاته
أهلا بحضرتك ده من حسن حظي ان حضرتك عرفت مدونتي علشان
قدرت اعرف مدونة حضرتك الأكثر من رائعة
وبالنسبة للقراء فأنا بعتبرهم اخوات اكتر من قراء
متشكرة جدا على كلامك الجميل
وان شاء الله الزيارة تتكرر تاني

romansy يقول...

ايه يا اميره التاج الجميل دا
يارب دايما كده تحققى احلامك يارب

Lady E يقول...

e_emy: تسلميلي يا حبيبتي

وانا اللي بجد عايزة اشكرك لأن تعليقاتك دايما جميلة زيك وانا بستناها مع كل بوست جديد

ربنا ميحرمنيش منك يا قمرايا ويا رب دايما تكوني فرحانة

Lady E يقول...

romansy : الله يكرمك اخجلتم تواضعنا

بس انا مش اسمي اميرة ولو علشان كاتبة برينسس يعني دي تعتبر صفة مش اسم

دمت بخير دائما

Mona Shereif يقول...

يعنى لازم الارق هو اللى يخليكى تحلى التاج؟
ماشى ماشى ماشى
اهم حاجه انك وفيتى بوعدك
ربنا يخليكى يا ليدى يارب
بجد احرجتينى بذوقك
تسلمى يارب

انا مسمعتش عن القناة
بس جميل خطوة حلوه اوى ربنا يوفقك يارب

بقولك ايه ما تقوليلى انت بتاخدوا ايه السنه دى مسرحيات ولا روايات اصلى عايزه اقرا اى حاجه علشان الانجليزى بتاعى بقى بعافيه اوووووووى
فقلت اقرا معاكى

ربنا يخليكى ليا يا قمر وما يحرمنيش منك ابدا

Lady E يقول...

Sometimes: أهلا أهلا أهلا يا قمرايا
انا كنت فقدت الامل انك تيجي وزهقت من الوقفة في البلكونة
وبعدين يا حبيبتي لازم اقبل الهدية وخصوصا لما تكون من حد عسول وكميل زيك

وتصدقي انا كمان مسمعتش عن القناة وقلت للمعد كده وقاللي انها لسه في مرحلة البث التجريبي وهيبدأ البث بتاعها في بداية شهر11
وانا منتظرة بث القناة اما اشوف الكلام ده صح ولا لأ

واحب ابشرك اننا بناخد السنة دي ميكس روايات كتير ومسرحية للحج شكسبير وكل الناس اللي في الروايات والمسرحية بيتقتلو غم غم يعني مش اي حاجة
واوعدك ان لما تنزل باقي الكتب هقولك على اسمائها كلها ان شاء الله
ولو حبيتي كمان ابعتلك نسخة من الكتب مفيش مشكلة مش هتغلى عليكي بس انا مشفقة عليكي نفسك هتتسد من الانجليش

كيكى عوووووو يقول...

نونتى
يالهووووووووووووووووى انا فاتنى كل دة
معلش اعذرى كتكوتك صح كدة ولا انا كاتبها غلط؟
يالهوى نونتى كانت مضايقة وانا مش موجودة
يالهوى ياشماتة ابلة ظاظا فينا
ليك شوق يا قمر كبيرة اوى والله
حبيبتى بجد مبروك علينا انتى
وهقتلك لو فى يوم فكرتى تقفلى المدونة هجيبلك حمو العفريت والسعك بالكبريت
هههههههههههههههههههههه
يااااااااااااااااااة وحشانى اوى لادك على تعليقاتى
امواااااااااااااااااااة
عوووووووووووووووو