الخميس، 4 نوفمبر 2010

سبب ونتيجة

معرفة معاد انتهاء الحياة على الأرض يؤدي الى " جحيم"

معرفتنا بالغيب أو الأقدار المخبأه لينا يؤدي الى " ملل"

عدم معرفتنا بطبيعة الناس انهم مختلفين في كل حاجة تؤدي الى " الجهل"

نسيان ان ربنا سبحانه وتعالى خلقنا شعوبا وقبائل لنتعارف مش لنتحارب تؤدي الى " فوضى"

تصديق كل ما نسمعه ونراه وأحيانا نشعر به "سذاجة "

أن تمشي في ذات الطريق وأنت تعلم أن النهاية ستتكرر " غباء"

------------------------------------------

اللي فات ده كلام كاتباه من أول امبارح وعايزة انشره عالمدونة بس يال الهول عايزة أرد على تعليقات البوستات اللي فاتت الأول وبما اني بتلاكع في الرد على التعليقات فقلت هنشر البوست الجديد وهرد على تعليقات ال3 بوستات في نفس الوقت ان شاء الله ولما ارد على التعليقات هشيل الملحوظة دي

في حاجتبن كمان عايزة أقولهم :

لقد اتخذت قرارا أريدكم ان تُعينوني عليه

انا لسه مبطلة شوكولاته النهاردة ولمدة شهر كبداية وده قرار حاسم وصارم وقاسي وفوق الفظيع لأن أنا والشوكولاته بيننا علاقة حب وصداقة قوية من زمان ف اني ابعد عنها دي حاجة مش سهلة ولسه بقى لما ان شاء الله اروح الهايبر وأشوف قسم الشوكولاته أكيد هاخد معايا مناديل :) وبالتأكيد لما بتبطل حاجة بتفضل تفكر فيها طول الوقت فمن الصبح كل أنواع شوكولاته من جلاكسي بأنواعها لكادبوري لكيت كات الأحمر اللي ينفع هدية عيد الحب المصري النهاردة :) وتوبليرون وتويكس :'( على بالي

ع الهامش : اللي يلاقي حبيبو مقرب منه واللي يلاقي حبيبه بيسأل عنه ملهوش حق يخاف ، كل عيد حب وانتوا في هنا وحب

هناك 19 تعليقًا:

Ramy يقول...

تصديق كل ما نسمعه ونراه وأحيانا نشعر به "سذاجة

لأنى حاسس نفسى و بالذات اللى بأشعر بيه


كل سنة و انت طيبة (:(:

FAW يقول...

انا لسه مبطلة شوكولاته النهاردة

أول ما قريتها إنفجرت ضحك , وبعدين إفتكرت رواية ربع جرام , مع الفارق الرهيب . .

The illusionist يقول...

اقول اوال بقى شعان عيب كده

The illusionist يقول...

طيب مش اول يعنى

بس الشوكلاته

هههههههههههههههههههههههه

ولا مين هيعرف يعينك

عليكى ان تضعى صاعق كهربى جنب اى شوكلاتيه
ولو فكرتى تاكليها

تصعقى نفسك الاول

فحتحرمى بعدها

مممممممممممممممم

مش مهم تردى

المهم انك عايشه يا ستى

VÖltaa يقول...

الله يعينك وتبطلى شوكلاتة بس ليه الناس بتبطلها , ريجيم يعنى؟

بمناسبة اننا بنفكر فى حاجة الى بنبطلها
مرة بطلت سجاير اسبوع
قعدت تلات ايام بعدها احلم انى بشرب سجاير لأ وايه السجاير الغالية اللى مش بشتريها اساسا واصحى احس طعمها فى بقى

ادمان
هههههههههههههههه

انا بقول كده علشان متحلميش بالشوكلاتة
P:

MaNoO يقول...

كلامك صح وعشان كدا نملك ان نتعامل مع الدنيا على انها لحظات واننا ناخد من الماضى اللى يفيدنا ومنفكرش فى المستقبل كتير عشان منتعبش
ندخل فى الشيكولاته بقى بصى بصراحه توبليرون محدش يقدر يبعد عنها دى خاصه يعنى لكن طالما قررتى يبقى عندك سبب متفكرش فى الشيكولاته اكتر ما تفكرى فى السبب دا حتى لو استدعى انك تكتبيه على ايدك انسيها اشغلى بالك بحاجه تانيه( قررى) انك تطنشى التفكير فيها وانتى تطنشيها فعلا

mrmr يقول...

كل عيد حب وانتى طيبه
واحيكى على شجعتك واصرارك على التخلى عن الشيكولاته
يارب يعطنى ايضا الاصرار والعزيمه دى علشان ابطلها انا كمان
تحياتى

ودى دعوه للمشاركه وابداء رايك فى الفكره اتمنى تنول اعجابك http://sahrdodo.blogspot.com/

Tears يقول...

عجبنى اوى البوست ده بكل النقاط اللى طرحت

الجمل اللى كاتباها فوق صح اوى

و اقولك حاجة كمان...كثرة العلم بتتعب القلب....الجهلة عايشيين مرتاحيين و مش خايفيين من بكرة و لا فاهمين المصايب اللى ح تحصل و لا عندهم وعى عن الامراض و بيعرفوا يناموا بسرعه

.........
اما عن الشيكولاته فانا اشاركك نفس الحب ليها و بجيب انواع عظيمة و كبيرة و بحس ان اهميتها فى كونها مهدىء للاعصاب بيخفف حدة التوتر

ليه عايزة تبطليها؟ ممكن بس تقلليها او تاكلى منها و تقللى اكلك التانى عشان يحصل توازن فى السعرات لكن ليه تحرمى نفسك

~ISLAM~ يقول...

هههههههههه
انتى بتفكيرنى بنفسى لما بقول هبطل تدخين
اكيد الشوكولاته ارحم بكتير من التدخين
بس انك تحرمى نفسك من حاجه انتى متعوده عليها دى حكايه صعبه اوى
يلا ربنا يوفقك وتقدرى تبطليها
وكل عيد حب وانتى طيبه

R-H-S يقول...

هي بتخن الشيكولاته يعني انتي مبطلاها دايت يعني
اصل انا كل اما اكل الشيكولاتات دي نفسي بتنسد مش عارف ليه ؟

Lady E يقول...

Ramy : وانت طيب وبخير وصحة وسعادة

Lady E يقول...

FAW : وانا بكتب كان في دماغي رواية ربع جرام برضه وكنت ببتسم وتعليقك ضحكني :)

Lady E يقول...

The illusionist : ههههههههه تصدق فكرة حلوة

ثانكيو ولو قولت ستي دي تاني هخلي البودي جارد حراس المدونة يحطو السيخ المحمي في صرصور ودنك

Lady E يقول...

VOltaa : أمين

هههههههههه لأ حبي للشوكولاته موصلش للإدمان ده :)

بجد فكر تبطل سجاير لأن مفيش فيها اي فايدة ليك أساسا وبتضرك

Lady E يقول...

MaNoO : الله على كلامك

نصيحتك عجبتني جدا وممكن تطبق مش بس في الشوكولاته لأ دي في حاجات تانيه أهم في الأهداف اللي عايز تحققها في حياتك

Lady E يقول...

mrmr : وانتي طيبة وأيامك كلها حب في حب

عجبتني جدا

Lady E يقول...

Tears : كلامك شهادة بعتز بيها يا تيرز بجد

صح جدا

عن الشوكولاته النص بالنص :)

Lady E يقول...

iـــــــــــsــــــــــlــــــــــــaـــــــــm : طبعا مفيش مقارنه بين الشوكولاته والسجاير

ربنا يعينك على السجاير وتبطلها

وانت طيب وربنا يجعل حياتك هنا وحب

Lady E يقول...

R-H-S : معقول نفسك بتتسد من الشوكولاته متسكتش على نفسك بجد :) بهزر طبعا

طبيعي ان نفسك تتسد بعد الشوكولاته زي أي سكريات