الخميس، 27 مايو 2010

قررت تموت

كان دايما بيهددها انه هيسيبلها البيت ويمشي ومتشوفوش تاني

فضلت خايفة عليه وقلقانه ليالي كتير ودموعها على خدها وعنيها متورمين وقلبها بيدق بعنف

الحياة مش جنة في قربه لكن الحياة من غيره مخيفة

وفي أخر مرة قال لها انه هيسيبها قالتله بعينيها انا اللي هسيب الخوف عليك وكفاية لحد كده ، كفاية ضغطت على اعصابي كتير واستحملت تهديدك لو هتسيبني بإرادتك ف ده مكتوب ولو هتسيبني بالموت ف دي ارادة ربنا لكن مش معنى كده انك تهددني طول الوقت
مبقاش بينفع معايا التهديد وكلامك مبقاش يجيب معايا نتيجة

الوحدة خلاص اتعودت عليها وبقت صديقتي الوحيدة ، وطالما انت مش فاهمني ومش قادر تحتويني وطالما هنا وحدة وهناك وحدة
طلعت علبة اسبرين منوم وأخدتها كلها بهدوء واحدة ورى واحدة وكأنها بتودع الحياة ببطئ ، الثواني فاتت معاها سنين ، كتبتله رسالة علشان لو جه يقرأها وبعد ساعات كانت رحلت عن الدنيا كلها بهدوء

ولما جه يقرأ الرسالة لقى مكتوب فيها

سيبتلك الدنيا كلها

انت اللي وصلتني لكده

متلومش غير نفسك

هناك 10 تعليقات:

غير معرف يقول...

للأسف ..
خسرت نفسها عشان تعلمه درس حياته ..
عشان واحده غيرها تعيش !

سَارةٌ يقول...

ليه بس كده ؟

ليه تضحي بنفسها عشان واحد معرفش يقدرها ..

ليه تخسر دنيتها وحياتها .. عشانه ؟

ليه مسابتوش بهدوء بس تعيش حياتها

وتكتشف ان لسه في حلو زي ما في وحش ..

اعتقد انها هيا اللي خسرت كده مش هو

بس اهي كسبت راحتها ..

" أول زياره ليا للمدونه الجميله دي .. وبإذن الله مش الأخيره "

بسمة انور يقول...

انا كنت جايه اسلم وامشى
واقولك وحشتيييييييييينى
-----------

ردا على البوست بقى
تفتكرى الهروب هو الحل
دى مش هتخسرو بس دى هتخسر نفسها وكل حاجه حلوة فى حياتها كمان

Ana keda يقول...

انا مش موافقة
اعترض بشدة
ليه يعنى تاخد المنوم وتنتحر عشان ايه
تروح قتابل ربنا ازاى دى
معلش يعنى حتى لو بتحبه بصى انا ضد كل حب يذل صاحبه ويخلي عنده مفيش كرامة
ويخليه يتنازل اوى كده
ما هى لو بتفكر صح مكنتش وصلت نفسها لكده
لا لا لا
ضد الحكاية
اليأس ده منها مش منه والواحدة تقدر تعمل حدود حتى لاقرب الناس ليها

غير معرف يقول...

ياه لدرجه دى هى كانت مقهوره
بس بجد مافيش استغراب دى اخره الوحده
الوحده مره جدا
اصعب حاجه ان اللى المفروض يكون لك اقرب حد
يكون ابعد حد عنك
ومصدر خوفك وتعبك
تحياتى

AHMED SAMIR يقول...

ممكن حد ينتحر علشان اي حاجة في الدنيا دي؟
تفتكري الدنيا تستاهل؟

فراشة يقول...

:( :((

انا هعيط زعلانه قوووي عليها

غير معرف يقول...

صح
صح
متلومش غير نفسك
!!!
***بقيتى تكبرى..فاهمه**
عووووووو

الزهرة البرية (Joudy) يقول...

ياه صعب أووى إن الانسان يوصل للحالة دى من حد بيحبه حاجة مش سهله على الانسان مش عارفة أقول ايه بس المشهد اللى انتى صورتيه يتوقف عنده الكلام

بحيي كلماتك اللى رسمت مشهد بالتأثير ده

دمتى بكل الخير والحب والسعادة

Diyaa' يقول...

ليه العنف ده بس يا ستي

بس عموماَ المضمون وصل

وبعد الشر على الكل من الانتحار

لكن فعلاً الضغط الطفولي قد يولد انفجار طفولي

وكله هيبقى ظالم لنفسه :)

المهم كنت فهمت من رسالة بعتتها سما إنك هتشرفي في إسكندرية بكره !!

فلو الكلام ده صحيح هيكون شيء رائع طبعاً :) بقالنا كتير مش قعدنا مستنيينك تاكلي آخر واحدة فينا
:D

هو التفاصيل عند خالد همس الأحباب
لسه مكان التجمع عند قلعة قايتباي الساعة 10 -11 :)

المهم كوني بخير
كنت بس بعبر عن ترحيبي لو هتشرفيني بمقدمكم الكريم :)
ويا ريت سما كمان تقدر تيجي
سلام ^^