الأربعاء، 26 مايو، 2010

كراكيب


يا قلبي مالك مهزوم

ومالك يا سما متكدرة

صاحية الصبح زعلانة ومكشرة

ومالك يا دنيا لونك حزين؟

مش لسه في ناس طيبين

ولا احنا بين الوجوه تايهين

حلمنا هناك وسط الضباب

زي طفل وليد لسه مش شايف

حلمنا جوه قلوبنا بيصرخ وبيبكي وبيصلي

بيتألم وسط الشموع والبخور والوحدة

الروح ماشية وسط السحاب

والقلب ماله مدفون في التراب

22/5/2010

هناك 5 تعليقات:

قلم رصاص يقول...

فعلا المره دي انا شايف ان فيه كراكيب

ليه الصوره سوداويه عندك النهارده؟
لعل القادم خير ان شاء الله

بس بعيد عن جوهر الكلام
كلامك حلو جدااااا

بس احب اقولك قول مأثور دايما بحث نفسي واحفزها بيه:

لاتفكر في المفقود ، حتى لاتفقد الموجود

تقبلي مروري وتحيتي

الشـوكة الــنـاعـمـة يقول...

استفهامات كتير
قد اكون اعجز انسان على وجه الارض
فى الاجابه عنها
امتلك من تلك الاستفهامات كثيرا
ولا اجد لها اى اجابه
تحياتى

لجين أبو الدهب يقول...

ليه الحزن ده :(((

وحشتينننننى

عاملة ايه فى امتحاناتك ياجميلة ؟؟

mrmr يقول...

روحك جميله قوى
وخيالك اجمل
كلماتك معبره
شكرا يا قمر

محمود(باحث عن حب) يقول...

ولا احنا بين الوجوه تايهين

حلمنا هناك وسط الضباب

زي طفل وليد لسه مش شايف

حلمنا جوه قلوبنا بيصرخ وبيبكي وبيصلي

بيتألم وسط الشموع والبخور والوحدة


انا مش باينين مش ظاهرين علشان
نحلم
قتلوا الحلم
فى قلوب الشباب

الدنيا
كده
شويه حلوة جدا
وشويات وحشه خالص
احترت فيها والله
(الدنيا سجن المؤمن)
موضوع جميل