الجمعة، 14 مايو 2010

يا بكرة


دلوقتي بس أقدر أقول زي أغنية أم كلثوم : " اه كم أخشى غدي هذا وأرجوه اقترابا ، كنت أستدنيه لكن هبته لما اهابا "

بكرة المفروض أسلم مشروع قصة ليجيا اللي فات معاد تسليمه من أسبوع ومسلمتوش ليه؟ نقدر نقول سوء حظ

بكرة كمان هحاول أخلي الطفلة الخوافة اللي جوايا متظهرش وتغير رأيي

بكرة يارب يبقى يوم حلو

جمعة مباركة علشان النهاردة الجمعة وبكرة السبت :)

بالمناسبة وكلام ملوش علاقة بالموضوع خالص جبت اول امبارح كتاب عن اللغة اللي بحبها - ايطالي- وعرفت ان لاتيه يعني لبن وباللغة العربية الفصحى حليب ومن هنا نعرف ان اللاتيه قهوة باللبن ايطالية :)

الى هنا يتوقف الارسال لغاية بكرة اللي عايزاه يجي بقى وفي نفس الوقت مش عايزاه يجي :)

هناك 8 تعليقات:

العلم نور يقول...

ربنا يوفقك .. وقد أصبحت لا أخشى غدي هذا .. تحياتي لك

غير معرف يقول...

الله معاك يوفقك ان شاء الله دوما
ان شاء الله بكره يكون احسن يوم عندك ودعواتك يوم الاثنين عليا امتحان

فراشة يقول...

يارب يارب تسلميها للدكتر ويقراها ويفرح بشغلك ويديكي تقدير عالي يارب

ومتخافيش ربنا معاكي

Selfmeaning يقول...

بتمنى أن يكون بكرة يوم لطيف فى حياتك

و يعدى بسرعة من غير خوف ولا تردد

ان شاء الله

mrmr يقول...

ربنا معاكى ويحافظ عليك
بكره احلى من النهارده
تحياتى

غير معرف يقول...

ربنا معاكى ويديكى تعبك واكتر
مشكوره ع الاضافه
تحياتى

قلم رصاص يقول...

كنت كاتب لك رد طوووووويل شويه على البوست اللي فات ، رغم اني دخلت يومها نت باعجوبه نظرا لشوية مشاغل ، وفجأة ........ هوب ، النت فصل والجهاز فقد الوعي تماما واضطريت ادخله اوضة العميات ونزلت له ويندوز جديد !
________

نرجع بقى لهذا البوست

يبدو لي انك من النوع اللي بيخشى المجهول ، مش مهم شكله ولا وقته .. قد يكون المجهول شيئ عظيييييم وقد يكون شيئ عااااااااادي جدا ولايستحق خوفا منه او مواجهه معه ..... مش عارف توقعي دا حقيقي ولا ايه ؟!

يقال ان ممارسة الرياضه بانتظام والنوم والاستيقاظ مبكرا بيحدوا من هذه المسألة.. واظن انه كلام حقيقي فعلا ^_^

أتمنى لك التوفيق النهارده في تقديم المشروع ^_^

بخصوص تنويهك عن اللبن باللغه الإيطاليه ، فكرتيني بموقف حلو كان مدرس الفرنساوي في ثانوي قاله لنا :

يااولاد لبن بالفرنساوي يعني ليه

فمره واحد بيسأل واحد تاني بيقول له : لبن بالفرنساوي يعني ايييييييه؟

قال له : ليه ؟
قال له : بسأل !

هههههههههه

مش عارف النكته دي واضحه ولا ايه

المهم اتمنى لك التوفيق ويبقى لينا الحلاوه بقى لما المشروع يتقبل ان شاء الله

تقبلي مروري وتحيتي

Selfmeaning يقول...

مش طمنتينى عملتى ايه!!!!

و ياترى عدى عليكى اليوم ازاى