الجمعة، 17 يوليو 2009

closed

حاسة اني انشغلت في العالم الافتراضي اوي لدرجة اني نسيت حاجات كتيرة جميلة بره النت وبره العالم اللي صنعناه من خيالنا

جميل اننا نصنع احلام وعالم في خيالنا لكن لما الخيال دا يطغى على الواقع يبقى لازم نفكر ان في اولويات في حياتنا اهم من المدونة وساعتها لازم نبعد علشان نعرف ايه الحقيقة وايه الخيال

اتمنى الاقي ليدي اللي بقت غريبة عني ووحشتني جدا

هناك 32 تعليقًا:

Rannon يقول...

طب ايه؟؟
الفترة دي قد ايه؟؟

مستنيينك متتأخريش علينا
وإبقى طلي علينا

mohamed ghalia يقول...

لالالالالالالالالالا
بقى مش هنسمحلك تبعدى
ترتبى أوراقك وترجعى أوك
فى إنتظارك

MǿиY El-Shreef يقول...

:S

في ايه ياليدي ايه الكلام ده يابنتي

:(

لا ماينفعش بجد هزعل منك اوي وكلنا هنزعل على فراقك

بالله عليكي بلاش :(

احساس طفلة محبة للرومانسية بس واقعية يقول...

بتهزرى اكيد صح
طيب احنا مش فى ابريل
ولا دى مفاجئة
لو مفاجئة يبقى غير سعيدة نهائيا

بجد يا ليدى العالم دا صحيح احنا صنعناه
بس لية خيالى انتى بتعبرى عن رأيك وحياتك وعمر دا مكان خيال
اذا كان الحكاية اولويات فانتى عندك حق بس رتبى اولوياتك بحيس ان يكون فى وقت للمدونة كل فترة
بلاش تكتبى بوستات كتير وتعلقى على بوستاتنا كتير خليها كل فترة بس متغبيش نهائي كدا

وفى كل الاحوال ربنا يوفقك
تقبلى مرورى

قلم رصاص يقول...

والله نفس الاحساس بتاعي لما اندمجت اوي في عالم الانترنت وبحاره العميقه ووديانه الفسيحه ، حسيت اني توهت عن نفسي شوية
لكن مش لدرجة اني اتغيرت الحمدلله

لكن للأسف الأثر السلبي للاندماج ده كان على حساب بعض الملكات والمواهب التي انعم الله بها علي ومنها الرسم والكاريكاتير والكتابه بشكل طبيعي بالورقه والقلم بدل النقر على لوحة المفاتيح التي تفتقد لأي احساس في الدنيا

عموما فكرة كويسة ان الانسان يقف مع نفسه كل فترة كده ويراجع حساباته لتقييم ما فات منها حتى يستطيع المواصلة في مشواره على ارض صلبه

واهو كله تغيير جو وتجديد نشاط

المهم ان حضرتك لاتبتعدي عن التدوين

دمتي في حفظ الله

بسمة انور يقول...

ليدى انا بحبك اوى بليز بلاش تقفلى المدونة خليها مفتوحه واكيد هترجعى
كل واحد فينا بيبقى محتاج وقت يعيد فيه حسابته ومن حقك تاخدى الوقت دة بس بلاش تتاخرى علينا
هتوحشينى

تحيـ بسبس ـاتى

كيكى عوووووو يقول...

الله ع المفاجاة احلوة دى!!!!!
بصى ياستى انا فاهماكى كويس اوى اوى ليه؟؟؟؟
عشان انا عندى الحاله وفعلا بعدت فترة لقيت نفسى بعمل حاجات كتير اوى والحمد الله دلوقتى رجعت خليت انا الى اسيطر ع العالم ده مش هو الى يسيطر عليه!!!!!
وفعلا جاه فى بالى انى احجب المدونة لاول مرة لكن بالتدريج لقيت ان المدونة ليها جوانب مشرقه
هو احنا ممكن تقولى نضجنا تدوينين***
بس دى الحدوتة ياستى ولمة تخرجى من الحاله دى هتقولى كيكى كان عندها حق!!
ربنا يحفظك يانونتى

أميرة علي كوكب مهجور يقول...

طيب هتغيبي عننا اد ايه وليه يارب تكوني بخير وياريت تطمنينا عليكي بسرعة ومستنينك

MaNoOoSh يقول...

ايوة هو صحيح عالم افتراضي
بس بنقول فيه افكارنا وبنشارك الناس افكارها

لو حاسة انه اخدك من حياتك يبقى حددي اوقات معينة للمدونة علشان متسرقكيش من حياتك
لكن مش تسيبيها كده خالث مالث يا ليدي

بنجاواتى يقول...

الشوطة وصلت حداكم ولا اييييييييه

ان شاء الله هتلاقى ليدزى اللى غايبة عنك من زمان وساعتها هتقولك مش هتخسرى حاجة لو توازنى بين عالمك الواقعى وعالمك الخيالى

ديالا يقول...

ليدي

صدقيني عالم النت احسن كتير من عالم الي بره

العالم الي بره وحش اوي

ياريت ترجعلنا من غير اي جراح يارب ياليدي

Bent Men ElZman Da !! يقول...

يعنى مش هتيجى تانى والا دى فتره وهتعدى :(
لا بجد ماينفعش كده
حاولى بس ترتبى دماغك وحياتك شويه
بس تيجى تانى :(
والنبىىىىىىىىىى :(

الشعب لابد له من حكومه تشكمه يقول...

ياخراشتى هى دى المفاجاه اللى عماله تقولى انك حاسه انها هتيجى:) ايه الطعامه دى؟؟؟؟
شوفى انا معااااكى جداااا ان مينفعش نعيش حياتنا كلها على النتمش المدونه وبس لا النت واصحابه وكل الكلام ده..
علشان كده هقولك قللى جدولك حددى ميعاد معين تنزلى فى بوستاتك او تدخلى فى وقت معين تشوفى الردود والوقت ده وركزى فى كلامى الوقت ده مش بتعملى فيه حاجه فى حياتك غالبا يعنى مش بتخرجى فيه مثلا وهكذا بمعنى انا مثلا بقعد ابتداء من 2 لحد صلاه الفجر وبعدين اصلى واقوم..وهكذا...
مينفعش نعيش حياتنا كتابه وبسسسسسسسسسسسس...صحصح ياقمر بس مش معنى كده اننا نقفل ونشطب لا احنا نقلل ونحط جدول.معلش فى الاول هتحسى بالاعارض الانسحابيه للادمان:) بس بعد كده عادى هتتعودى ان وقت معين بس هو اللى بقعد فيه:)
عووووووووووودى ياهامييييس.بس عودى بعقل من غير ما النت يخلينا منعرفش نعيش حياتنا..:)

♥نبع الغرام♥♪≈ يقول...

السلام عليكم


والله ازعل قوووى منك لو عملتيها وقفلتيها


دا انا عملت البوست الجديد مخصوص عشانك

يلا بقا منتظراكى ياقلبى

بحبك قوووى

إيمان يقول...

انا حاسه بيكى جداااااااااا

وبأيدك فى الخطوه دى بس بشرط انك متتوقفيش عن التدوين انتى بس تنظمى الموضوع ويكون مجرد نشاط اسبوعى لكن غياب دائم لا وبرضوا انشغال عن حياتك الحقيقيه لا
ربنا معاكى وتلاقى ليدى وتقابليهال وتكون فى حال أحسن مما تتخيلى

غير معرف يقول...

أنا زعلانة جدا جدا؛؛؛ بأه أغيب يومين الويك إند أرجع آلاقيكي قفلتي !!!؟؟
كده بدون مقدمات ؛ ده أنا عندي حاجات كتير كنت عاوزه أحكيهالك ، يعني مثلا : خبطت سواق تاكسي وبوظت عربيته وعربيتي كمان وقضيت طول النهار إمبارح أنا و ماما في الشارع لما جاتلي ضربة شمس ؛ لكن ربنا ستر ، قدر ولطف .علي فكرة أنا عرفت إنك برج الدلو زيي ؛ وبيقولوا إن البرج ده السنة دي حظه حلو !!؟؟ كذب المنجمون ولو صدقوا ، بس أهو نتفائل شويه ؛؛
شوفي يا ليدي خدي وقتك ، بس أنا واثقة إنك مش هتقدري تسغني عننا وإحنا كمان ؛ وأهي فرصة يبقي عندك أخبار تحكيهالنا مرة واحدة ؛ ولغلية الهدنة دي ما تخلص قبلاتي وتحياتي
ديدي

youssuf يقول...

سلاموا عليكوا ...
العوافي ...
يا اخونا يالي هنا ...
مش معقول اول مرة اجي فيها يتحط قدامي يافطة مكتوب فيها شطبنا ...
فين حسن الضيافة بالظبط ...
انا قاعد لحد ما تجيبولي الشاي ...
و مستني ...

مهدي يقول...

متفق لكن مينفعش تسيبى التدوين

أمل حمدي يقول...

وازني امورك

والأصلح لحياتك هو الصح

ربنا معاك

جحا المصرى يقول...

ياريت ترجعلنا بسرعة
فى إنتظارك

غير معرف يقول...

وحياه الى فات ارجعى يافتكات!!!
كع كع كع

Somaya Kamal El Din يقول...

لا متطوليش كتير

ارجعى بسررررررررعة

صحيح النت والعالم الافتراضى بيعبدنا كتير عن الحياة الواقعية بس احيانا بيكون احلى

هنستناكى

كيكى عوووووو يقول...

ايه الاخبار؟؟

طوبه فضه وطوبه دهب يقول...

yarb tlakeha wtrg3y lena balf slama yamraya htw7shena

عاشقه الرومانسيه يقول...

يعنى دى فتره وتعدى ولا ايه؟
طيب انا هاعتبرها اجازه
وفى انتظارك ياقمر
بس بلاش تغيبى كتير هه؟

احساس طفلة محبة للرومانسية بس واقعية يقول...

طيب قولى حاجة
اخبارك اية ؟
يارب تكونى بخير
:(

Nostor Azzuro يقول...

اوعى تطولى وتغيبى عننا وانتى بتكتشفى نفسك

Lady E يقول...

Rannon : هههههه انا اللي طب ايه ؟؟

لو اعرف ان البوست دا هيخليكي ترجعي تعلقي في المدونة كنت كتبته من زمان

وحشتيني اوي

واي خدعه متاخرتش اهو :)

Lady E يقول...

mohamed ghalia : الحمد لله رتبتها

تسلم يا محمد

Lady E يقول...

MǿиY El-Shreef : موني حبيبتي عرفتي نقطة ضعفي
بالله عليكي وهزعل منك وانا مقدرش على زعلك :)

مبروك التخرج من الثانوية العامية وعقبال ما اقولك يا زميلة لما تدخلي اداب انجليش ان شاء الله

Lady E يقول...

احساس طفلة محبة للرومانسية بس واقعية : لا احنا في يوليو نياهاهاها وبعدين لا تقلقي حتى في ابريل مش بكذب :)

انا فعلا بعبر عن رأيي بس بقول عالم خيالي لأن للأسف مش كل الناس واضحة وصريحة فبتلاقيهم بيجملوا نفسهم اوي لدرجة الخيال

وفي كل الاحوال ربنا يوفقنا جميعا :)
سلميلي على سومة

Lady E يقول...

قلم رصاص : هو سواء شئنا ام ابينا خلاص العالم الالكتروني بقى جزء من حياتنا وانا الحمد لله متغيرتش لكن حسيت اني مفتدة روحي وحسيت ان العالم دا سرقني بس الحمد لله الفترة دي مستمرتش كتير

وبجد احساس الكتابة بالقلم دا احساس تاني خالص

ربنا يكرمك ودمت في حفظ الله