الخميس، 2 يوليو 2009

ورجعت تاني :)

وحشتوووووووني بس موحشتونيش اوي يعني لأني كنت متابعاكم من بعيد :) ودعيتلكم دعوات كتييييييييير وانا مسافرة ربنا يتقبلها يارب وصورت صور كتير اوي ومش راضية تفتح ع الكمبيوتر للأسف عااااااا

اولا كل سنة ودكتر ستيتة حسب الله الحمش طيبة وعقبال 100 سنة فرحة وسعادة وحب وراحة يارب

ثانيا بقى مش عارفة ابدأ منين ولا اقول ايه اصل الاحداث اللي مريت بيها في الرحلة كتير اوي
ليلة السفر نزلنا مع خالتو نجيب شوية حاجات وموبايل ماما اتسرق وكمان موبايل خالتو اتكسر وهو في شنطتها
واخيرا موبايلي وقع والcover
بتاعه اتكسر كان يوم بوظان الموبايلات العالمي
يوميها منمناش وكنا بنجهز الشنط وبندردش انا وبنت خالتو وماما وخالتو
وخالتو حبيبتي كانت معجبة بالريجيم اللي انا كنت ماشية عليه وعلشان كده عملتلي كل الاكلات اللي ممكن تتخن ارفع انسان في العالم
وكل شوية خالتو كانت بتقوللي
خالتو : انا معجبة بيكي اوي يا ليدي
انا : ببص لها بنظرة كلها جدية وبقولها خالتو
خالتو : ايوة؟
انا : مينفعش كده بجد الناس بقت بتتكلم علينا لازم تشوفيلك حل في الموضوع ده بقى
خالتو : ههههههههههههه
وتاني يوم روحنا المطار قبل وقت الرحلة ب3 ساعات مع ان المفروض نروح قبل الرحلة بساعتين
روحنا عالمطار القديم وبعد كده اكتشفنا ان رحلات مصر للطيران عملوا ليها مطار جديد اسمه مطار 3 وطبعا محدش يعرف الموضوع ده وناس كتير فاتهم رحلات الطيران بتاعتهم علشانهم بيروحو المطار القديم بدل مطار 3
ومطار 3 ده حكاية لوحده
الكلمة الوحيدة اللي كنت بقولها لما دخلناه : منين يودي على فين ؟؟ متاهه واللوحات الارشادية اللي في المطار تتوه اكتر ده غير الاسانسير اللي مش بياخد غير شخص واحد بعربية الشنط بتاعته
من الحاجات الجميلة في الرحلة كان في عروسة مسافرة معانا على الطيارة بس الفستان الأبيض المنفوش كان مضايقها وخصوصا وهي في الطيارة بس ما شاء الله كان شكلها عسول اوي
مصر للطيران اتغيرت كتير والخدمة فيها بقت متميزة غير السنين اللي فاتت خالص وسبحان الله شوفنا منظر عمرنا ما هننساه من شباك الطيارة نص السما لسه الشمس طالعه فيها ونص السما التاني ضلمه
كان معانا بنوتات كانو بيدرسو موسيقى في مصر واول لما الطيارة نزلت الكابتن قال ونتمنى ان تشرفونا على رحلات مصر للطيران مرة اخرى فكلهم في نفس الوقت قالو توووووووبة ما بنروح مصر ثاني بصيتلهم وابتسمت ف اتحرجو اكيد اكيد مشربوش من نيلها ولا جربو يغنولها
وطبعا الاحتياطات اللازمة ل انفلونزا الH1N1
في ناس كتير كانوا لابسين كمامات واول لما دخلنا المطار كتبنا تعهد واقرار ان مش عندنا اعراض انفلونزا ومش جايين من بلد مصابة
درجة الحرارة هنا زي مصر تقريبا
*************
كلام على جنب : ربنا يخليك ليا
في كلام كتير بيتوه ويضيع معناه لما بنوصفه

هناك 24 تعليقًا:

بنجاواتى يقول...

حمد الله ع السلامة

احساس طفلة محبة للرومانسية بس واقعية يقول...

حمد لله على سلامتك ووصولك بالسلامة
اوعى تكونى نسيتى تدعيلى :)

يارب تكونى بخير
تقبلى مرورى

ديالا يقول...

حمد الله علي السلامه يارب تكوني بخير وبصحه وسلامه

وبجد وجودك فارق اوي معانا

ستيته حسب الله الحمش يقول...

يالا نقضي اجازة سعيدة
هيييييييييييييييييييه

مرسي يا قمر ع الكلام الجميل وعقبال ما أهنيكي وانت مأنججة الواد لبيت العدل بعد ما يقر ويعترف ويقول زوجتك نفسي
هههههههههههههههههههه

وحشتينا فعلا وترجعي بالسلامة

تحياتي

عاشقه الرومانسيه يقول...

حمد على السلامه ياليدى هانم
بس دكتوره ستيته قالت
وحشتينا فعلا وترجعي بالسلامة
يعنى افهم من كده ان البوست ده مكتوب من بلاد الفرنجه؟
مش من مصر؟
عااااااااااا
افتكرتك رجعتى مصر ياليدى
وحشتييييينى

الشعب لابد له من حكومه تشكمه يقول...

عودا احمد ومحمود:)
انا اخر سفريه ليا على مصر للطيران كانت من سنتين بس سؤالى هم المضيفات اخبارهم ايه؟؟؟؟؟ اصلهم دايما كانوا من ايام الهكسوس ياترى تطوروا مع التطور اللى بتحكيه ده:)
كتبتوا اقرار انكو مش جايين من بلد موبوءه ههههههههههههههه اهى دى هموت من الضحك مش قادره يابنتى دى مصر ماشاء الله حنفيه انفلونزا واتفتحت:)))

MǿиY El-Shreef يقول...

حمدلله ع سلامتك ياقموورتي

وحشتيني اوي ياليدي والله

وياريتك نزلتي الصور انا بموت ف الصور :)

المهم مستنيينك تطمنينا عليكي دايما

ماشي ياحبي

أحمـــــــــــــد أبو العلا يقول...

حمدلله على السلامه ياليدي ويارب تفضلي دايما كده متصله بينا وتعرفينا اخبارك

Lady E يقول...

بنجاواتي : الله يسلمك من كل شر يا د. بنجا

Lady E يقول...

احساس طفلة محبة للرومانسية بس واقعية : الله يسلمك من كل شر يا حبيبتي

وعيب عليكي يا احساس طفلة ده احنا طفلات زي بعض وكمان دلوقتي متغربين زي بعض دعيتلك وربنا يتقبل يارب

انا الحمد لله بخير طول ما انتو بخير

نورتيني

Lady E يقول...

ديالا : دودو حبيبتي الله يسلمك من كل شر

الحمد لله انا بخير طول ما انتو بخير

ويا كزووفي يا كزوفي الكلام ده ليا
وش احمر وشبه الطماطماية من كتر الكثوف :)

انتو اللي وجودكو فارق معايا اوي

تسلميلي يا احلى ديالا
وبجد كنتي وحشاني اوي

dramaqueen يقول...

ماى ليدى
واحشانى موت يا قمر
انا سمعت ان مصر للطيران بقت مشتركة تبع تنظيم عالمى لجودة الطيران على مستوى العالم
ومن اهم الشروط علشان الاشتراك فى المنظمة دى ان الخدمات تبقى على نفس مستوى الشركات العالمة
لانهم بيوفروا سهولة الانتقال على لى شركة من شركات المنظمة يعنى لو انتى على شركة مثلا انجليزية وحبيتى تركبى على خطوط مصر للطيران تقدرى بسهولة
فلازم الخدمات تكون اتحسنت جدا فى مصر للطيران
عموما دى حاجة كويسة

ترجعى بالسلامة يا قمر
وكل سنة وستيتة بخير

blue-wave يقول...

الف مليون حمدالله على السلامه

Lady E يقول...

ستيته حسب الله الحمش : يارب تبقى اجازة سعيدة لينا كلنا يا د. ستيتة


تسلميلي يا حبيبتي وهستنى تهنئتك ان شاء الله بس اكون مأنجحه راجل بجد وانا رايحة بيت العدل يكون بيتقي الله فيا وبيحبني وتكون فيه كل معاني الرجولة لأن
الرجولة بقت نادرة اوووووي

انتو وحشتوني اكتر والبوست الاخير لحضرتك خلى الدنيا في عيني بمبي بمبي بمبي :)

ربنا يسعد ايامك وشكرا على الدعوة :)

Lady E يقول...

عاشقه الرومانسيه : الله يسلمك من كل شر يا رومانسية هانم :)

وايون انا بكتب البوست من بلاد العرب مش الفرنجه :)

ولا تقلقي اطلاقا لسه شوية كتير لغاية لما ارجع مصر ان شاء الله استنيني بقى واوعي تعملي فرحك الا لما اجي مصر

وحشتيني اكتر يا قمرايا وان شاء الله نتكلم عالايميل قريب

Lady E يقول...

الشعب لابد له من حكومه تشكمه : احمد ومحمود وعمر وعمرو :) مين الناس دي ؟؟؟ :)

اكاد اجزم انك كنتي مسافرة لدولة عربية لأن المضيفات اللي بتتكلمي عليهم دول مبيكونوش موجودين الا في الرحلات لبلاد عربية
اما رحلتنا الاخيرة فالمضيفات كانو مزز بس مش مزز اوي يعني وكبير المضيفين او المشرف عالرحلة كان شبه تيم الحسن

ههههههههههه كنت متاكده انك هتعلقي عالحتة دي بالذات انا استغربت انهم معملوش غير الاقرار بس مع انهم عارفين ان الطيارة جايه من مصر اللي فيها كوكتيل فيروسات

وحشتيني ياللي بتروحي راس البر بعدما بسافر

THE illusionist يقول...

حمد الله على السلامه
نورتى بيتك ومطرحك
ايه الغيبه الطويله دى
صحيح
انا خللت من التعليق على المدونه من ايام البوست اللى من شهر وشويه
ابوس ايدك اعتقينى
ورايا مدونات عايز اشوف حالها

Lady E يقول...

MǿиY El-Shreef : وانتي كمان وحشتيني يا موني اخبار امتحاناتك ايه ربنا معاكي

وبعد الشر عليكي موت ايه بس ان شاء الله هحاول انزل الصور من الموبايل للكمبيوتر الخنيق اللي الصور مش راضيه تفتح عليه

ومتقلقيش معاكو على طول زي ما كنت في مصر ان شاء الله

Lady E يقول...

أحمـــــــــــــد أبو العلا : تسلم من كل شر يا انجينير
والف مبروك على جولفدان هانم بقى دا اسم :)
ربنا يظهرلك خيرها ويبعد عنك شرها
معرفتش اباركلك في مدونتك علشان صفحة الكومنتات المنفصلة مش بتظهر الكومنتات عندي في معظم المدونات

Lady E يقول...

dramaqueen : ماي كوين وانتي كمان وحشتيني جدا جدا يا قمرايا

حلوة المعلومة دي ويمكن ده سبب تطور الخدمات فعلا وحاجه تفرح ان مصر للطيران تبقى طيران كويس ومتميز

تسلميلي يا قمرايا
وكل سنة وانتي بخير وصحة وسعادة

Lady E يقول...

blue-wave : الف مليون الله يسلمك من كل شر

Lady E يقول...

THE illusionist : الله يسلمك من كل شر

وايه ده لسه متعلق ازاي؟؟ ده انا اصدرت قرار انك تنزل من على باب المدونة بس بجد بجد تستاهل وش شورير نياهاهاهاها

Blind Sniper يقول...

حمد الله ع السلامة

Lady E يقول...

Blind Sniper : الله يسلمك من كل شر