غريبة ان في حد في الدنيا بيقدر يتلون كدا بيقدر يحط الماسك على وشه ويشيله في اي وقت يقدر يوهم الناس كلها ويوهم نفسه انه طيب وبريء ويعيش في كذبة انه المظلوم والمقتول وهو الظالم والقاتل
يجرح بكل سهولة وكل قسوة وتسامحه بكل طيبة قلب ويتمادى في قسوته وجرحه ليك ويحاول يدمر قلبك وكيانك بكل سهولة وهو راسم على ملامحه علامات الطيبة والبراءة ولما تجري تنقذ اخر حاجة في قلبك يبقى انتا كده وحش ازاي تنقذ قلبك كان لازم تسيبه لغاية لما يدمره ع الاخر
في ناس كتير كده في الدنيا وانا متأكده انهم لو استمروا كده هيدمروا نفسهم بنفسهم وهيعيشوا متعذبين دنيا واخرة وعالعموم داين تدان والقلب اللي حاولت تدمر اخر حاجه فيه هيعيش وهينجح وهيفرح وانتا هتفضل في ظلام كذبك وانانيتك وغرورك وعذاب نفسك انك ضيعت قلب شافك في يوم من الأيام ملاك بس الظاهر انه كان غلطان لأن مفيش ملائكة في الدنيا
فلطالما باركت كذبك كله
ولعنت ظني !!
ماذا أقول لأدمع سفحتها أشواقي اليك ؟؟
ماذا أقول لأضلع مزقتها خوفا عليك؟؟
أأقول هانت ؟؟
أأقول خانت ؟؟
أأقولها؟؟
لو قلتها أشفي غليلي
يا ويلتي لا لن أقول
انقذتني من زيف أحلامي وغدر مشاعري ...!
فرأيت انك كنت لي قيدا حرصت العمر الأ اكسره فكسرته !!!
ورأيت انك كنت لي ذنبا سألت الله الا يغفره فغفرته !!!
***********************
فأنا صنعتك من هواي ، ومن جنوني !
ولقد برئت من الهوى ومن الجنون !
مقتطفات من قصيدة للشاعر كامل الشناوي
هناك 52 تعليقًا:
اول تعليق :) الناس اللي بشكل ده كتيرة اوي والمشكلة انهم بيكدبوا الكدبة وبيصدقوها وبيعيشوا فيها بس الناس اللي بشكل ده خسرت نفسها من زمان اوي وكما تدين تدان و ربنا مش بيسيب حق حد
الناس اللى بالشكل ده اكيد مقيمين هنا فى المدونة ههههههههه
هروح اقرا واشرب اورانج جوس وراجع
ارجوكم ابكوا معنا
السلام عليكم
انا رجعت بعد ما الكهربا قطعت وانا بقرا البوست وبعد ما رجعت قطعت تانى فى ساعتها بس هعمل ايه ..لازم اعيش واقاوم ههههههه
المهم بقى البوست ده طالع من نفوخى ليه؟
انا اقولك ليه مع انك ما قلتيش ليه
اللى انا ملاحظه ان غالب العلاقات تلاقى طرف active وطرف passive
يا عينى الطرف الاكتيف ده واخد الموضوع على اعصابه وبيحسب كل كبيرة وصغيرة علشان الموضوع يتم وينجح وبيراعى فى كل تصرفاته مشاعر الطرف التانى
والطرف الباسيف تلاقيه ما شاء الله مش عاريز يعمل اى حاجة زيادة عن اللى كان بيعملها ولو كلام اتوجه له تلاقى الكلام دخل من ودن وطلع من التانية ومفيش مشكلة
وطبعا لان الطرف الاكتيف بيحرق فى اعصابه ومش عايز ارتباط والسلام فبيبدأ يغير من طريقة معاملته لحد ما يوصلوا انهم يفترقوا بقرار من الطرف الاكتيف ويبقى فى النهاية الطرف الاكتيف هو اللى ظالم ومستبد والباسيف يا عينى معملش حاجة خالص
انا ايه اللى خلانى اجى هنا اصلا؟؟؟ هههههههه
أميرة علي كوكب مهجور : هييييه ميرو اول تعليق :)
عندك حق وان شاء الله مش هيشوفو خير في الدنيا
نورتيني يا أميرة وسعيدة بوجودك ومتابعتك للمدونة وانك كمان اول كومنت
بنجاواتى : المرة دي بقى على رأي بابايا شكلك نايم عالنت يا د. بنجا :)
وتروح تقرأ اوكي لكن تشرب اورنج جوس لااااااايونكن دا مشروبي المفضل كدا مش هينفع خااااااالص
ارجوكم لا تبكوا معنا لأن مفيش حد يستاهل الدموع اصلا !! كان معكم ابو حفيظة من نشرة ال26
امممممممم
الشكل دا من الناس مشاعرهم قاسية جدا
وصعب تتحرك بسهولة دا اذا كان عندهم مشاعر وعتابهم مش طيبة ولا ايجابية
بالعكس دا قمة السلبية والانانية لانهم عايشين على مشاعر الاخرين وعندما ينتهوا من واحد يذهبوا لاخر وعندما تقاوم فريسة ما يتهمومها بالجبن والهروب وبيستفزوا بقائها بصفات اخرى زى دى اعتقد ولان هم معندهمش مشاعر مجربوش ازاى ممكن مشاعرهم تتجرح لانها فى يوم كانت بريئة ومتعرفش تميز بين الوشوش والاقنعة
بس انا استفزنى حاجة فى اشباه ملايكة على الارض فى الصفات الانسانية الطيبة والاخلاق الحميدة ونقدر نقول عليهم ملايكة يعنى الارض لسة فيها :)
هفضل واراكى واقولك فى ناس كويسة لسة ومهما قلتى انك مقتنعة انا بحس غير كدا
يارب تكونى بخير
تقبلى مرورى
بنجاواتى : وعليكم السلام ورحمة الله وبركاته
ههههههه ايوة فعلا لازم تقاوم اذا الشعب يوما اراد الحياة فلابد ان يستجيب القدر :)
طالع من نفوخك ازاي بقى؟؟
اكتيف وباسيف كمان بتتكلم بالنحوي يا بنجا
هههههههههههه وبالطريقة دي أأقدر اقولك انك تنفع تكون طبيب روحاني وسيبك من الجراحة
وازيدك من الشعر بيت زي ما بيقولو
الطرف الاكتيف بيبقى عايز كل حاجه تكون في النور وبيرفض يكون مع الموجه بتاعت ايه يعني لما احب واسمع كلام جميل واخرج واتفسح واعيش يومين رومانسية وبيتقي الله في نفسه واهله وبيحاول يرضي ربه فالطرف الباسيف بيقول عليه معقد وبيقوله لا انتا متنفعش للارتباط خالص خلينا اصحاب ببساطة لأنه اناني ومش مستعد يشيل مسؤلية ومصدق انه مش غلطان
بجد بجد ناس غريبة
شكرا عالتحليل النفساوي :)
التوبك جميل لأوى يا ليدى
والناس دى ربنا يهديها
احساس طفلة محبة للرومانسية بس واقعية : معاكي في النص الاول من الكومنت يا احساس طفلة
اديكي قولتيها اشباه ملايكة مش ملايكة واقولك سر الانسان ساعات بيبقى احسن من الملاك لأن عنده مليون سبب يخلوه مش ملاك ومع ذلك لو كان طيب وحنين وعنده اخلاق وبيحب الخير للناس ....الخ بيكون احسن من الملاك ومتنسيش ان الملائكة سجدت لسيدنا ادم
وايه ده انا مشوفتكيش ورايا عاااااا :)
وبطلي احساساتك دي متعمليش زي كرومبو
ويارب كلنا نكون بخير مش انا لوحدي :)
نورتيني وبحبك اوي
mohamed ghalia : تسلم ع المجاملة يا محمد
والناس دي منها لله
" انك لا تهدي من احببت ولكن الله يهدي من يشاء"
مش عارفه اقولك ايه يا ليدي
البوست ده تقيل اوي عليا
انا هقولك وحشتيني اوي وبس
:)
الناس ديه موجوده زي مانتي قلتي
دايما بيدوروا على ضحايا ليهم
بيدوروا على ناس عشان يجرحوهم
البعد عنهم غنيمه ومش ممكن حد يزعل عشان اكتشف حقيقتهم
اول زياره لى
مدونتك رائعه وجميله اسمحيلى اعرفك بنفسى انا مدون جديد اسمى الحياه
قرات البوست الخاص بكى واسمحى لى ان اعلق عليه
فى عده نقاط
النقطه الاولى هى عن الحب بعض الشباب ياسيدتى يجدون سعادتهم فى ان يكسروا روح المراءه وذلك نتيجه العادات والتقاليد المتخلفه يرون ان الرجوله هى ان تسيطر على المراءه او ان تلغى انسانيتها وتكون تابعه لك
نفسيا هؤلاء الشباب يعانون من اصطراب عدم نضج ونقص ويسقطون هذا على شريكتهم فى الحب ويظهر فى قسوه او عدم احترام مشاعر الحبيبه او تبادل الحب باللاحب
النقطه الثانيه عن الحل
ان نفسيه هؤلاء الشباب من هذه النوعيه لا تستطيع ان ترى ابعد من ذاتها
والحب هو القدره على العطاء
اذن فالاستمرار فى هذه العلاقه سيكون مرهق لكى عاطفيا ونفسيا وانسانيا
عندما يكون الحب بهذا الشكل يكون قيد
ويجب ان يكسره الانسان ويتحرر منه
تذكرى انه ليس الرجل الوحيد على الارض
تذكرى ان استمرار فى هذا الحب سيجعلك تعيشه وممكن ان تصلى ان درجه ان تكرهين ذاتك ونفسك
كان هناك كاتبه لا ترى ولا تسمع اسمها هارلى وحصلت على جائزه نوبل
كانت تقول نحن من نضع التراب امام اعيننا ثم نشتكى بعد ذلك من عدم الرؤيه
امامك الحياه كبيره عيشيها لم تقف حياتك على شخص انانى
حبى اتحبى متسبيش نفسك عشان متوصليش لمناطق بعيده
قدرى قيمه الحياه عيشى بالحب عيشى بالامل اعتبرى ان كل لحظه كانها اخر لحظه فى حياتك
ايه المشكله انك تحبى وتنجرحى مش نهايه العالم انا خايف عليكى
صدقينى انا مش عارف انا كطتبت كل ده ليه خصوصا انى معرفكيش ولول زياره لى
بس انا مش بحب اشوف مجروح
على فكره انا متبدا لسه مدرب حياه شىء شبيه بالتنيه البشريه
اعتبرينى اخوكى واتمنى اننا نتبادل الزيارات
وان اشوف الابتسامه على وجهك دايما
تحياتى هنتظر زيارتك على مدونتى
فى ناس كتييييييييييير كده
ممكن يكونوا يقصدوا وممكن لا
بس فى النهاية بيسببوا لنا الم ومشاكل فى حياتنا
يلا ربنا يسامحهم
المهم انك تتعلمى
وبلاش تقعى فى الغلط مرتين
وعلى فكره انا باموت فى القصيده دى
وباعشقها بصوت نجاه
ليدي
عادي جدا النماذج دي بقت منتشره اوي
شكل كده احنا الي بقينا النماذج الشاذه والطيبه بقت هيا الحاجه الغريبه
وبجد بقي انا بعشق القصيده دي
فوق التحفه
وحشتني ياليدي
عندنا حفلة
وبدأت
وأسمك مكتوب
تعالى احتفلى معانا بعيد ميلاد ديالا
اعز اصحاب
lm ybka fl 7ayah mlaka fklhm bshr wmnhm mn hm adna mn el bshar 7ta gamel a7sask tslmy ya gamela
واوقات بيكونوا ملايكه فعلا
لكن للأننا احنا مش شايفين كويس او مقتنعين بوجهة نظرنا بس ومش فاهمينهم ف بنفتكرهم كدابين وظلمه
عموما كل واحد ربنا ادرى بيه وبااللى جواة واكيد هايحاسبه على قد نيته وضميرة
تحياتى
معلش
طول مانتى ماشية لازم يقابلك الحلو والوحش
ومش بنتعلم بالساهل
علشان كده بقولك متفكريش كتير فى الحوار
حواروخلص وخد وقته
حوالى تنسيه بس متنسيش الدرس اللى اتعلمتيه منه
وربنا يسهلك ان شاء الله
اختى الحبيه
انا بجد حاسه بكل كلامك لانى بجد عشتها ومازلت وتجربه صعبه قوووى
احنا ضحايا والله
ربنا منتقم جبار
تحياتى
لسه هنا؟
لا لا تعالى بسرعه عندنا
تيمون وبوبما عايزينك
كل ما تضحك اكتر كل تاكل بطاطا اكتر
هاكونا مطاطا
مش هتقدر تغمض عنيك
هاكونا مطاطا هديتنا لكل المدونين عشان نخرج من حاله النكد
هاكونا مطاطا تهييس للصبح
هاكونا مطاطا ... لااااا للملل
هاكونا مطاطا... قول لاء للهم
هاكونا مطاطا.... اوعى تزعل ابدااا
هاكونا مطاطا... ارمى الماضى ورا ضهرك
انسى الماضى اللى يغيظ
يلاااااااااا تعالى مستنى ايه
حبيبتى
تعليقى وصل اللى قبل ده
تحياتى
ايناس
السلام عليكم
عارفه نوعيه الناس دى موجوده كتير اوى والله اعلم بنيتهم بس الاكيد ان الضربه اللى ما تموتش بتقوى
تقبلى تحياتى
MǿиY El-Shreef : معلش يا موني
ومش لازم البوست يكون تقيل عليكي الناس اللي زي دول خسارة فيهم دمعة او لحظة حزن
وانتي كمان وحشتيني اوي اوي وكان نفسي اشوفكم في اللقاء
أحمـــــــــــــد أبو العلا : بالظبط كدا
والمشكلة انهم بيبقو كده ومش حاسين انهم كده فعمرهم ما هيتغيروا
وخسارة فيهم حبنا وتضحيتنا وخسارة اننا نضيع لحظة واحده من عمرنا في التفكير فيهم
فعلا بقي في ناس كتير بيعرفوا يلبسوا الماسك ويتلونوا .. بس صدقيني لو صدقناهم مره .. اتنين .. بعدها هيقعوا .. وهنعرفهم علي حقيقتهم بعدها ..
وربنا مش بيسيب حق حد يروح ..
القصيدة الى انتى حاطاها ضايقتنى اوى اوى!!!
كان فى كلام كتيره عايزة اقوله بس نفسى اتصديت
كنت قاعد مع والدى مرة بنتفرج على التليفيزيون وشفنا موقف يطابق اللى اتكلمتى عنه ولقيته قال جملة غريبة شياطين فى وجوه ملائكة اظن ده اللى بيعبر عن موضوعك فعلا فيه ناس بيصورا انفسهم مجروحين وهما اصل الجرح وعلى فكرة مواضيعك جميلة
وعجبى ممن يضيقون بنباح الكلاب وهم اهل النباح
مصرى دائما
كلمات جميلة وواقعية جدا
تلاقى الظالم بجد يكذب الكذبة ويصدقها وفى ثانية يقلب الصينية عليكِ
ومش بعيد يقسم بالله كذباً كمان
وزى ما انتى قلتى فى العنوان اسمهم بشر
بس اللى يغيظك بقى انك انتى كمان بشر بس مش زيهم يبقى ياترى العيب فين؟
او طبيعية مين اللى مش سوية؟
الله اعلم
رائع اختيارك لتلك المقتطفات
سلم لكِ قلمك دائما
يااااااااااااااااه
أنتى أكيد أخدتى قلمى وكتبتى بيه
تسلم ايدك بجد والله فعلا كل كلمه حقيقى
أنا بعتذر جدا على غيابى الفتره اللى فاتت دى بس الريدر عندى والله خرف كتير ومسح كل الناس وأنا بحاول كل شويه أضيف الناس تانى
مره تانيه تسلم ايدك بجد
ALHAYAH : اهلا بيك في اول زيارة يا الحياه وان شاء الله متكونش الأخيره
متفقه معاك في النقطه الاولى بعض الذكور عموما مش بس الشباب بيلاقوا سعادتهم في كسر روح المرأه مش بس في الحب وكمان في الدراسة او الشغل او الزواج او اي ناحية من نواحي الحياه وعلشان كده العنف ضد المرأه تزايد جدا في السنين الأخيرة
وانا موافقه على كلامك وحسيت انك بتوجه الكلام لنفسك قبل ما تكون بتوجهه ليا وبتدي أمل لأي حد مجروح انه يبدأ من جديد
متشكرة جدا على التعليق اللي بجد اضاف كتير للبوست واعتقد انه احسن من البوست نفسه واكيد شيء يشرفني اني اعتبرك أخويا زي ما بعتبر كل المدونين اخواتي
وانا فعلا زرت مدونتك الجميلة جدا بس معرفتش اعلق علشان صفحة التعليقات منفصله
ربنا يكرمك ويوفقك في حياتك وانا بحب جدا مجال التنمية البشرية لأنه مجال جميل جدا وربنا يوفقك في مجال تدريب الحياه لأنه اكيد مجال جميل جدا وكلنا محتاجين نغير حياتنا للأحسن
Somaya Kamal El Din : ربنا يسامحنا ويسامحهم يا سمية
عاشقه الرومانسيه : فعلا القصيده جميله اوي واحساس نجاة فيها عالي
ديالا : لسه الخير في الدنيا بلاش نفقد الأمل
والله اعلم ليه قابلنا ناس كده في حياتنا يمكن ده خير لينا ودرس قاسي شوية يعلمنا حاجات كتير منها ان مش كل الناس ملايكه زي ما احنا متخيلين
وقصيدة كتبها كامل الشناوي وغنتها نجاة في فيلم كان فيه صالح سليم لازم تبقى تحفه :)
وانتي كمان واحشاني جدا
ميمي وأحمد : أهلا بيكم
معلش اتأخرت شوية بس هاجي ان شاء الله
أعـــ * أصحاب * ـــز : حاضر :)
طوبة ذهب وطوبة فضة : تسلميلي يا قمرايا
واكيد كلامك مظبوط
blue-wave : فعلا ربنا سبحانه وتعالى هيحاسب كل واحد على اد نيته وضميره
Mo7ammed : اكيد كلنا في حياتنا بنقابل الحلو والوحش
تسلم على الدعوة يا محمد
ريمان ونوسه فى هاكونا مطاطا : انا اسفه اني فكرتك يا حبيبتي
وفعلا ربنا منتقم جبار
عاشقة الأحزان : عرفت من قبل ما تقولي يا قمرايا
واسفه اني فكرتك مره تانيه
ليس فقيرا من يحب : وعليكم السلام ورحمة الله وبركاته
عندك حق
نورتيني يا قمرايا
hager za3bal : فعلا ربنا مش بيسيب حق حد يروح
يمهل ولا يهمل
كيكى عوووووو : معلش بقى مش انا صبحتك استحميليني :)
لنحيا فى اجواء الحب : اهلا بيك
واصعب حاجه اننا ننخدع في وجوه بريئة ونفتكر انهم ملائكة وهم شياطين
وبالعكس جملة والدك مش غريبة اطلاقا وانا متفقه معاها وهي شبه المقوله اللي بتقول ليس كل ما يلمع ذهبا
اما بالنسبة للتشبيه التاني فأنا مش متفقه معاه
شكرا على رأيك الجميل في مواضيع المدونة
موناليزا : للأسف هو ده اللي بيحصل يا موناليزا والظالم عمره ما بيحس او يعترف انه ظالم الا لو ربنا سبحانه وتعالى شال الغشاوة من على قلبه وهداه
اتمنى الاقي اجابة لأسئلتك
جحا المصرى : تسلم يا جحا
الشاعر الحزين : لا والله مأخدتش قلمك ولا حاجه :)
إرسال تعليق