الأربعاء، 22 يوليو 2009

قصاصات من الحياة


أحلى حاجه انكو فكرتو اني هقفل المدونة البوست اللي فات نياهاهاهاهاها لا تقلقوا اطلاقا مش هقفلها ان شاء الله

*************************

للأسف easy come >>> easy go

************************

في ذكرى يوم الثورة الله يرحم الملك فاروق

********************************
اندم لو حبيت وبكيت واندم لو عمري ما حبيت !!

يعني في الحالتين ندم بس ندم عن ندم يفرق

******************************
بقى هي الدنيا كدا؟؟ بقى هما الناس كدا؟؟ يا خسارة ضحكتي يا خسارة فرحتي ... يا مين ياخدني تاني يرجعني لدنيتي .... من صغيره ع الحب لسعاد حسني
طب هي كان عندها عم حزونبل في الفيلم ورجعها لدنيتها الجميله تاني لكن انا معنديش عم حزونبل اعمل ايه دلوقتي بقى؟؟؟

****************************
كان ممثل بيدعي ربنا سبحانه وتعالى في فيلم وبيقول يااااااارب احرمها من جنتك انا كنت مستغربة الدعاء دا اوي بس بعد فترة حسيته اوي بس المشكلة اني مقدرش ادعي بنفس الدعاء لأن اولا مش عارفه اكره ثانيا انا مش ضامنة الجنة ليا اصلا علشان ادعي ربنا انه يحرم حد تاني منها
**********************************

اذا اردت شيئا بشدة فأطلق صراحه فإن عاد اليك فهو ملك لك الى الأبد وان لم يعد فهو لم يكن لك في البداية دا ترجمة مثل انجليزي قاله اسامة منير في فيلم ظرف طارق ودلوقتي بس اقتنعت انه كلام فارغ ممكن يكون راجع علشان اي حاجه تانيه مش علشان بيحبك وبيخاف عليك
*********************************
" لهذا كثيرا ما أقول للمهمومين الذين يتعذبون برغباتهم المشروعة الملحة في السعادة والأمان , إننا نستطيع أن نتحكم في انفسنا لكننا لا نستطيع ان نتحكم في الأخرين الذين تشقينا تصرفاتهم وخياناتهم واحقادهم ونذالتهم وخذلانهم لنا , وما دام الأمر كذلك فلسنا نملك إلا ان ننفذ الجزء الخاص بنا من روشتة العلاج وهو أن نتغير نحن أملين أن يتغير الأخرون للأفضل أو أن تلقنهم الحياة دروس الألم فيعرفوا لنا أقدارنا وأن علينا أن نحجم بقدر الامكان تأثير تصرفاتهم علينا فننجو من بعض المعاناة التي – يهدونها – إلينا بأفعالهم ردا على هدايا الإخلاص والوفاء التي قدمناها لهم والمهم هو ان نحدد أهدافنا ونختار من الوسائل ما يقودنا اليها وليس إلى غيرها ثم نترك الأمر بعد ذلك لمن بيده الأمر سبحانه .. فإن شاء منحنا جوائزه وان لم يشأ ادخر لنا سعادتنا المفقودة إلى أجل أخر .
من كتاب أرجوك لا تفهمني للكاتب الرائع عبد الوهاب مطاوع الله يرحمه
***********************************

ياه لو يبطلوا اللي بيعملوه معايا كل ترم
النتيجة بتاعتي تطلع من هنا والاقي مصر والدول المجاورة عرفتها وتليفونات ومسجات وانا بضايق من الحركة دي اوي اصلا النتيجة دي تخصني لوحدي لما حد يحب يعرفها يسألني لكن محدش يتطفل على حياتي ويعرف النتيجة من ورايا بجد متغاااظة متغاظه يعني
**********************************
معظم الناس هنا في صلالة طيبين بجد والابتسامة على وشوشهم

واحدة صاحبتنا عزمتني على فرح بنتها يوم الجمعه الجاية ان شاء الله وما شاء الله الفرح هنا بيستمر اسبوع مش ساعتين واقلب زي افراحنا المصرية

والجو الشهرين دول ما شاء الله جميل جدا غيوم ومطر خفيف اسمه رذاذ
وبالليل بيبقى برد شوية وانتو عندكو في مصر حر هيييييييييييه وش بيطلع لسااااانو نياهاهاهاهاها
********************************
على فكرة انا مش ناسية ردود البوست اللي فات ووعد ان شاء الله اول لما اروح ضريح النبي ايوب هدعي لكل حد سأل عليا فردا فردا لأنهم بيقولو الدعاء هناك مستجاب


اتفضلوا معايا ايس تي وجنبه شمعتين علشان لو حبيتو تتأملوا معايا

هناك 38 تعليقًا:

بنجاواتى يقول...

انا تقريبا مش فاهم حاجة

الموضوع مكتوب انه منذ 17 ساعة خدمة فى ثانوى

ومع ذلك ممكن اكون انا زى النجم اول واحد بيعلق

هموما حمد الله على سلامتك

وسيبينى اقرا بقى

بنجاواتى يقول...

محدش فاهم حاجة

عموما انا عايز شاى مثلج علشان اعرف طعمه مش اكتر ههههه

ثانيا هنيئا لكى الفرح اللى بيقعد اسبوع بس السؤال بقى:العريس والعروسة بيبقوا فين طول الاسبوع؟؟خيبة ليكونوا قاعدين فى الكوشة لمدة اسبوع

وعلشان مش حاسس ان فى وحدة موضوعية فى النص (واخدة بالك انتى من الكلام الكبير ده؟؟) اقدر اقولك ربنا معاكى

واخيرا نصيحة صغيرة:
ان سيدنا ايوب نفسه عليه السلام لا يملك لنفسه ضرا ولا نفعا
وان الدعاء عند قبور الصالحين ليس من اسباب استجابة الدعاء

سلام يا ليدزى

VÖltaa يقول...

ونقول حمدلله عالسلامة وشكرا عالبعتة بتاع البوست اللى فات اللى افتكرنا انك هتمشى وتريحينا ^_^

وانا برده زى ريس بنجاوتى
عايز شاى متلج اوى

موناليزا يقول...

عاجبانى القصاصات دى
صادقة اوى ومحسوسة جدا

بنجاواتى يقول...

ليدى

هقولك حاجة بينى وبينك وابقى امسحى التعليق ده بعد كده

الاية من سورة البقرة فيها غلطة

عموما الآية اهى:
وَلَيْسَ الْبِرُّ بِأَنْ تَأْتُوا الْبُيُوتَ مِنْ ظُهُورِهَا وَلَكِنَّ الْبِرَّ مَنِ اتَّقَى وَأْتُوا الْبُيُوتَ مِنْ أَبْوَابِهَا وَاتَّقُوا اللَّهَ لَعَلَّكُمْ تُفْلِحُونَ

"واتوا" يا ليدى مش "فأتوا"

Lady E يقول...

بنجاواتى : سبحان الله ارزاق ههههههه

ما هي الكومنتات دي ارزاق ولا ايه :)

الموضوع ظاهر انه من 17 ساعة علشان انا عملت اضافة للصورتين من 17 ساعة فعلا بس كتبت البوست من ساعتين بس :)

Lady E يقول...

بنجاواتى : لاااااا يا بتاع الطب على رأي باباك مش فاهم حاجه مرتين في كومنتين الله يكون في عون المرضى اللي هتعالجهم ان شاء الله :)

واتفضل الأيس تي يا د. بنجا ميغلاش عليك

ثانيا : هنيئا ليا الفرح دا على اساس ان انا العروسة ولا ايه :)

وبعدين قصاصات هيكون فيها وحدة موضوعية ازاي معلش هي دي اخرة الطب

وبالنوسبة للنصيحة : اكيد كل انسان حتى الانبياء مش بيملكوا لنفسهم ضرا ولا نفعا بس هناك ربنا سبحانه وتعالى استجاب لسيدنا ايوب وكشف عنه الضر واحنا لما بندعي مش بنتبارك بالضريح او القبر بندعي بعيد عن القبر ولأن دا مكان ربنا سبحانه وتعالى استجاب فيه دعاء سيدنا ايوب

وصلت ولا ايه؟؟

Lady E يقول...

Mo7ammed : الله يسلمك

بعتة؟؟ مين بقى اللي بعت ؟؟ وكمان هتمشي وتريحينا :)

طييييييييب حكمت عليك بالاعدام رميا بالطماطم

وانسى الايس تي دا خاااااالص عقابا ليك

Lady E يقول...

موناليزا : تسلميلي يا موناليزا حسيتيها صح لانها فعلا كده

دايما منوراني

mohamed ghalia يقول...

ايه كل التهييس ده
المهم انك بنا
كلمة صغننة
مفيش حاجة اسمها الدعاء عند ضريح النبى ايوب مستجاب الكلام ده كل باطل وبيخالف العقيدة كمان لازم نعتقد فى الله سبحانه وتعالى والموتى أو مكانهم لا ينفع ولا يضر
وكون انى ربنا استجاب لسيدنا ايوب برده مش حجة
ربنا يكرمك ويسعدك

وبعد زعلان منك مفيش كل سنة وانتى طيبة تقوليها لمدونتى
عااااااااااااااا

بنجاواتى يقول...

يا ليدى

لا ما وصلتش برضه

Lady E يقول...

بنجاواتى : تم التعديل يا د . بنجا وربنا يكرمك يا رب

واسمحلي مش هحذف التعليق

وعلى فكرة العروسة والعريس مش بيقعدوا في الكوشة خالص طول الاسبوع :)

Lady E يقول...

mohamed ghalia : انا متفقة مع رأيك تماما يا محمد انتا ودكتر بنجا بس انا مش بتبارك بالقبر او بعمل اي حاجه مخالفة للعقيدة انا بس عرفت ان المكان دا الدعاء فيه مستجاب لأن ربنا سبحانه وتعالى كشف الضر عن سيدنا ايوب لما دعاه في المكان دا وكمان لما بدعي مش بكون في اتجاه القبر و بدعي في المسجد اللي هناك قبل الضريح
شكرا على الكلمة الصغنونة :)

وكل سنة وانتا ومدونتك طيبين وبخير وعقبال الف سنة :)

عاشقه الرومانسيه يقول...

ايه ياستى الروقان ده؟
فرح اسبوع
وجو لطشيف ومش حر
وايس تى وشموع
وتامل
ايه كل ده

ده حقد خفيف اوعى تفتكرينى باحسد
لا سمح الله ولا حاجه

Lady E يقول...

بنجاواتى : يمكن المواصلات أخرتها ولا حاجه :)

Lady E يقول...

عاشقه الرومانسيه : ههههههههه هو روقان فعلا يا رومانسية اصلهم بيقولو برج الدلو السنة دي سنة حظه حلو هع هع هع لكن انا شايفه انه العكس والحمد لله

مأخدتيش بالك من باقي القصاصات اللي في البوست علشان تعرفي مودي الحقيقي يا اوختشي :)

وبعدين حقد ايه بس دا دا لو قالولي الدنيا كلها بتحقد عليكي هقولهم الا دودو عيب عليكي :)

احساس طفلة محبة للرومانسية بس واقعية يقول...

حمد لله على السلامة
الحمد لله مطولتيش يا قمر

والجو الشهرين دول ما شاء الله جميل جدا غيوم ومطر خفيف اسمه رذاذ وبالليل بيبقى برد شوية

يابختك اية الجو التحفة دا دا جوى المميز على فكرة ودائما بحس فية بالسعادة بس دا بعيد عننا تمام لسة على شهر 3 او 4 اللى جين ان شاء الله

فرح اسبوع لية لية لية
هو حاجة كويسة بس دول ساعتين والناس بتبقى مجهدة تمام ومش قادرة تكمل الفرح اسبوع دول مستمرين وعايشين ازاى

مش عارفة حاسة انك شايفة ان الناس كلهم خاينين او سيئين بأى مرض اخلاقى او اجتماعى هو صحيح فى
بس مش كل الناس اللى بنقابلهم لسة فى ناس كويسين ولسة فى ناس بتقول رأيها وبتكون بتحتوى على راى ونقاش حتى لو فى مجاملة بتكون فعالة وايجابية مش كلمتين وبس دا بالنسبة للمدونة اما بالنسبة لحياتك بتهيألى برضو لسة فى ناس كويسين يمكن يكونوا حواليك قليلين بس لسة الحياة قدامك

ربنا يوفقك
تقبلى مرورى

مذكرات زوجة يقول...

لهذا كثيرا ما أقول للمهمومين الذين يتعذبون برغباتهم المشروعة الملحة في السعادة والأمان , إننا نستطيع أن نتحكم في انفسنا لكننا لا نستطيع ان نتحكم في الأخرين الذين تشقينا تصرفاتهم وخياناتهم واحقادهم ونذالتهم وخذلانهم لنا , وما دام الأمر كذلك فلسنا نملك إلا ان ننفذ الجزء الخاص بنا من روشتة العلاج وهو أن نتغير نحن أملين أن يتغير الأخرون للأفضل أو أن تلقنهم الحياة دروس الألم فيعرفوا لنا أقدارنا وأن علينا أن نحجم بقدر الامكان تأثير تصرفاتهم علينا فننجو من بعض المعاناة التي – يهدونها – إلينا بأفعالهم ردا على هدايا الإخلاص والوفاء التي قدمناها لهم والمهم هو ان نحدد أهدافنا ونختار من الوسائل ما يقودنا اليها وليس إلى غيرها

دة اكتر جزء عجبنى ومتفقة تماما مع عبد الوهاب مطاوع رحمه الله ومعاكى انتى كمان فيه

مدونتك حلوة قوى على فكرة

أميرة علي كوكب مهجور يقول...

ايه الروقان والدلع ده وطبعا الفرح ده في اكل واكيد مش هتنسي اختك حبيبتك :)حمدلله ع السلامه يا قمر و ع فكرة ارجوك لا تفهمني فعلا كتاب حلو وانا بقرا فيه اليومين دول

ديالا يقول...

ليدي حبيتي

معلش مشغوله عنك بفرح قريبي وخطوبه صاحبتي عقبال مااتشغل معاكي في خطوبتك

اما بقي بخصوص عيد الثوره والملك فاروق فانا بقي اتولدت بعد الثوره بيوم فدايما لما حد بيسالني بقولهم بعد الثوره بيوم

وبرضه موضوع النتيجه ده بحس انه مساله شخصيه يعني البنت تنجح لنفسها وبرضه لقدر الله لو مش نجحت يبقي برضه لنفسها

يارب تكوني بخير يااجمل ليدي واللهم لاحسد انتي عندك الجو تحفه واحنا حرانين
سلام ياسكره

ومتنسيش تدعيلي امانه ياليدي

بنجاواتى يقول...

ده انا نسيت اقول حاجة مهمة

الشموع دى جميلة اوى اوى اوى

لو ممكن يعنى تجيبى لى معاكى شمعتين كده ولا حاجة اكون شاكر لسيادتك

وانا عارف انك مش هتكسفينى خصوصا اننا زملكاوية زى بعض (طبعا بعد اللتصييح ده هتمسحى التعليق ده على طول قبل ما الخبر ينتشر والكل يعرف حقيقتك ههههه)

عايز شمعة خضرة والتانيو سوكوماش

سلام

احساس طفلة محبة للرومانسية بس واقعية يقول...

لالالالالالا ثوانى كدا
هو انتى وبينجا زمالكوية
مش تقولوا من بدرى :)

كنت عايزة اقولك الشاى المثلج دا حكاية وانواع وقصص دا وصلت لشاى بالمانجا والتفاح والفرولة مثلج وسخن
السخن حلو دا ليا فية
المثلج لا مفهمهوش خالص

بس كدا
قصاصات تعليقات

MaNoOoSh يقول...

بقى بتبعتينا يا ليدي
ههههههههههههههه
ماشي ماشي


المهم انك نورتي المدونة بعد البعته دي يا قمر


الجو العام بتاع القصاصات كده موش عاجبني
حاسة ان وراه ان وأخواتها كمان
بس بصى بقى
اذا كان الواحد اتعلم حاجة من الدنيا فهي ان القدر والنصيب بنشوفه.. وحتى اللي بيغدر او يبيع فالدنيا مبتقفش عنده وممكن جدا نلاقى السعاده بعده


على العموم يارب تتمتعي فى الفرح ان شاء الله
وسيبيني بقى احكد شوية على الرذاذ والجو الرومانتيكي ده
ههههههههههههههه

MǿиY El-Shreef يقول...

ايه ده

البوست ده ماجاش ف الريدر بتاعي

انا جيتلك صدفه قلت اشوف ايه حوارك جيتي ولا لسه

:S

ربنا يشفي

الريدر يعني ههههه

اولا ياستي الف حمدلله ع السلامه بجداتضايقت لما افتكرتك ماشيه خلاص

وثانيا بقى المقوله دي

اذا اردت شيئا بشدة فأطلق صراحه فإن عاد اليك فهو ملك لك الى الأبد وان لم يعد فهو لم يكن لك

انا عكسك تماما متفقه معاها بششششده مش عارفه ليه

وثالثا يارب نتيجتك تظهر وتبقى زي الفل ياستي من غير ما الرويتر بتوع العيله يرخموا عليكي هههههههه

ممم ياحظك رايحه فرح وعندكو مطر كمان

ايه ده طب اديني شويه هههههههههه

ثلام ياعثوله

وميرثي ع الشاي

♥نبع الغرام♥♪≈ يقول...

نونا

بصى بجد زعلالالالالالالالالالالالالالالانه منك قووووى

بجد والله
متشكره ليكى

Lady E يقول...

احساس طفلة محبة للرومانسية بس واقعية : الله يسلمك من كل شر يا قمرايا ومطولتش والبركة في الكومنت بتاعتك لما قولتيلي يارب تكوني بخير وطمنينا عليكي

على فكرة انا كمان بحب الجو دا بس مش دايما بحس فيه بالفرحة

والفرح حسب ما عرفت يعني ان كل يوم بيبقى في حاجه يوم عزومة عند اهل العريس ويوم عند اهل العروسة ويوم لاحتفال العريس مع اصحابه ويوم لاحتفال العروسة مع صحباتها ويوم تجهيز العروسة للزفاف ويوم الزفاف واليوم الاخير في الاسبوع مش فاكرة بيبقى عبارة عن ايه بصراحه :)

والمرة دي خانتك احساساتك يا احساس طفلة انا مش شايفة كل الناس خاينين او سيئين بالعكس في ناس كتير قلوبهم جميلة
وبعدين لو حد خاين او سيء ف ده بيكون لنفسه مش ليا

ربنا يوفقنا جميعا ومنوراني دايما

Lady E يقول...

مذكرات زوجة : تسلميلي يا قمرايا كلك ذوق

نورتيني

Lady E يقول...

أميرة علي كوكب مهجور : ههههههههه لسه مش عارفه هيبقى فيه أكل ولا لأ يا أميرة انا اول مرة احضر فرح في صلالة وبعدين لو في اكل هيبقى اكل عماني
ليكي في الاكلات العمانية ولا ايه؟؟ :)قوليلي بس وانا هعمل حسابك ومش هنسى اختي حبيبتي :)

الله يسلمك من كل شر وبجد انا فرحانه بيكي لأن واضح انك قريرة وبتحبي القراءة
ان شاء الله تستمتعي بقراءة الكتاب لأنه كتاب جميل من اول صفحة فيه لأخر صفحة

Lady E يقول...

ديالا : دودو حبيبتي

تسلميلي يا دودو وعقبال ما انشغل معاكي في خطوبتك وفرحك ان شاء الله

وhappy birthday to you

happy birthday to you

happy birthday to diala

happy birth day to you

كل سنة وانتي طيبة وبخير وصحة وسعادة يا قمرايا وان شاء الله تكون سنة سعيدة عليكي وتحققي فيها احلامك

وموضوع النتيجة دا فعلا متغاظة منه بس تقولي لمين بقى عاااااا

وبعدين الجو في راس البر دلوقتي بيبقى حلو مع انها بتكون زحمة اوي في الصيف

ان شاء الله مش هنسى ادعيلك يا دودو وانتي كمان ادعيلي وربنا يتقبل يارب

Lady E يقول...

بنجاواتى : يااااااه على الناس اللي باصالي في الشموع اومال لو عرفت انها شموع عطرية بقى واحدة بعطر الفواكة الحمضية والتانية بعطر الفانيليا

ههههههه كدا برضه همسح التعليق علشان محدش يعرف اني زملكاوية طيييييب

يا اهل المدونة انا زملكاااااااوية

زملكاوية جدا

زملكاوية جدا جدا :)

وبعدين فين الشمعة السوكوماش دي

هي شمعة ياباني ولا ايه؟؟

على فكرة يا بنجا الكومنت الجاية هتدفع ضريبة كومنتات

بنجاواتى يقول...

كومنت كمان ومش دافع ضرايب

ايه بقى الفواكه الحمضية دى؟؟؟؟؟

ثم ان لو العريس والعروسة مش بيبقوا فى الكوشة بيبقوا فييييين ؟؟؟هههههههه

ثالثا السوكوماش ده هتبقى تشوفيه لما ترجعى مصر (اكسلوسيف)

وياريت تجيبيلى معاكى شمعتين وماتنسيش الفواكه الحمضية وربنا يلطف بينا واهو مفيش اكتر من المستشفيات

جحا المصرى يقول...

ربنا يكرمك ويسعدك دايما
لا تقفلى ايه بس
عارفين انك راجعة

Lady E يقول...

احساس طفلة محبة للرومانسية بس واقعية : ههههههههههه يااااااااه يا احساس طفلة انا عارفة من زمان انك انتي وبنجا وحسام غانم وانا معاكم زملكاويين :)

وتصدقي بقى انا العكس مش بحب الشاي السخن العادي ممكن اشرب شاي بطعم الفواكه مثلا سخن ايام الامتحانات لكن عادة بحبه مثلج وللأسف ملقيتوش في مصر

ثانكيو على قصاصة التعليقات :)

Lady E يقول...

MaNoOoSh : حتى انتي يا منوش بتقولي اني بعت طب بعت في ايه بس :) هاتيلي كلمة واحدة تقول اني هحذف المدونة انا بعدت شوية بس وبعدين وحشتوني وجيت فيها حاجه دي ؟؟؟

وبعدين يا منوش بلاش نظام كرومبو ده ولا ان واخواتها ولا حاجه

واللي بيبع حد بجد من كل قلبي بقوله طظ فيه لأن هو الخسران

واقولك بدل ما تحكدي ع الجو الرومانتيكي ده خدي اول طيارة وتعالي :)

Lady E يقول...

MǿиY El-Shreef : ربنا يشفي

ربنا يشفي

ربنا يشفي

الريدر طبعا P:

اولا الله يسلمك من كل شر يا موني شكرا على المشاعر الرقيقة دي يا قمرايا

ثانيا : عادي دي وجهة نظر انا كمان كنت متفقة معاها جدا لغاية لما حصل معايا موقف غير تفكيري تماما نحيتها

ثالثا : ياااااه انتي لسه فاكره يا موني النتيجة ظهرت ورخموا عليا وخلاص والحمد لله هههههههه

واتفضلي كل الشويات اللي عايزاها متغلاش عليكي

Lady E يقول...

عاشقة الأحزان : كنتي زعلانه مني علشان حاجه مقصدهاش اصلا يا انوسة

وعالعموم دلوقتي صافي يا لبن ومفيش زعل

وواحدة بواحدة صح :)

Lady E يقول...

بنجاواتى : ليه بقى مش هتدفع ضرايب ما هو يا الدفع يا الحبس

وبعدين حد في الدنيا ميعرفش الفواكه الحمضية ؟؟؟ بتتكلم بجد ؟؟؟ طيب بدام مش هتدفع الضرايب مش هقولك

سؤال وجيه بيبقو فيييين؟؟ هعرف يوم الجمعه ان شاء الله دا اذا ربنا ييسر وحضرت الفرح :)

ثالثا : شكلي كدا مش هرجع مصر علشان مشوفش السوكوماش دا
انتا متأكد انه مصري ؟؟ اصله يدي على ياباني اكتر

ومفيش اكتر من المستشفيات ودكاترتها اللي مش عارفين حاجه :(

Lady E يقول...

جحا المصرى : اللهم أمين

ربنا يكرمك

ولك مثل دعائك ان شاء الله