الخميس، 2 يوليو 2009

همسات من القلب + لخبطات

أمنية
لا تتمنى الكثير فقط تتمنى ان ترى اسمه في صندوقها البريدي تتمنى ان ترى كلماته وتسمع همساته في كل وقت
كلمات قالها لها وحدها وبالطبع فكر فيها والا لما راسلها او كتب لها حرفا واحدا
تحمل كلماته معها في كل مكان تقرأها وتبتسم تشعر ان عطر كلماته يعطر المكان ويدفأه
يتراقص قلبها حين تشعر انه بخير وانها تشغل حيزا من تفكيره

احساس جديد يسيطر عليها لا تعلم ماذا تسميه ولكنها تعيش به وتعيش فيه
وتتمنى انه ان كان كل ما تعيشه حلما الا تستيقظ ابدا وتتمنى ان تستيقظ فتجد ما تحلم به حقيقة
اطمئنها بأن لا تخف من الزمان ولا من القدر الذي يبعدهم فأرواحهم متلاقيه
الجميع يلمح تلك اللمعه في عينيها حينما تفرح به والجميع يلمح اضطرابها وقلقها وحزنها عند غيابه
وهمست لها صديقة: اعانيتي من ازمة؟؟

فقالت لها : لماذا ؟؟
قالت : تبدو على وجهك علامات الصراع
قالت لها :واي صراع؟؟
قالت صديقتها : انتي الادرى
قالت : انه القلق من امتحانات الحياة وفي داخلها تقول انه القلق والخوف الذي كاد ان يقتلني عليه ولكن يا الهي الهذه الدرجة لا تخفي شيء ايها الوجه !!


القريبين منها يعلمون عنه فالفرحة تلمع في عيونها حين تلقاه والخوف والقلق والحيرة والشجن يبدون عليها حينما يغيب عنها
ويتسائلون بفضول عن احواله واحبوه من حبها له رغم كلمات االتحذير منه ومحاولاتهم لأن يبعدوها عنه الا ان لديها يقين بأنه صادق فهو انقى وارقى من كل الظنون وهي لا ترى من كل الوجوه سواه ولا تسمع من كل القلوب الا صوت قلبه
فليحفظه الله ولينير الله دروبهم وليجمعهم سويا في حبه وفي جنته
---------------------------------
لخبطات :_
محدش ياخد باله من الكلام ده اوي دي مجرد فضفضة بيني وبين مدونتي لأنها اقرب حاجه ليا دلوقتي وخدو بالكو انا قولت حاجه مش حد !!

متأكده انها متابعة مدونتي بإهتمام مع انها من جواها بتكرهني بس مفيش مشكلة لو حبت تشوف لحظات انكساري لأن الأيام دول بكسر الدال وربنا شاهد اني مقصدتش اضايقها او اظلمها ولأخر لحظة كنت معتبراها اختي الكبيرة

لحظات من الألم بتعتصر قلبي وبتوديني لدنيا مزعجه كلها دموع وبيوت سودا ووجوه شاحبه وعيون حمرا

نفسي دلوقتي اكون فوق قمة جبل والجبل كله مغطى بالتلج والتلج يوصل لقلبي علشان يبطل يبقى طيب في زمن انعدمت فيه الطيبة كان نفسي يكون لي جناحين

اخيرا خلصت قراءة كتاب جر ناعم للكاتب عمر طاهر كتاب جميل وشدني لتكملته رغم تحفظي على شوية حاجات فيه بس الكتاب ككل عجبني وخصوصا روح الأسرة لما كان بيوصف باباه ومامته واخواته نهال وليلى حسيت اني شايفاهم فعلا لدرجة اني حبيتهم من كلامه عنهم واتمنيت يكون لي اخوات زيهم واخ بيحب اخواته زي الكاتب


هناك 20 تعليقًا:

mohamed ghalia يقول...

حمدا لله على سلامتك
نورتى المدونة من جديد
وجميلة أوى الرومانسية دى
دمتِ فى سعادة

Lady E يقول...

mohamed ghalia : الله يسلمك من كل شر يا محمد

انا فكرتك عملت مقاطعة للمدونة بقالك كتييييير مزورتهاش

دمت في سعادة وخير

عاشقه الرومانسيه يقول...

وتتمنى انه ان كان كل ما تعيشه حلما الا تستيقظ ابدا وتتمنى ان تستيقظ فتجد ما تحلم به حقيقة
*****************************
دى انااااااا
بالظبطططط
(:

Lady E يقول...

عاشقه الرومانسيه : انتي غيرها يا رومانسية

هي خايفة تصحى تلاقي ان اللي كانت حساه وعيشاه سراب ومش هيتحقق وبتتمنى انه لو كان حلم متصحاش منه
عارفة الخوف من المجهول ده مشكله

صمت الحنين يقول...

السلام عليكم ورحمة الله

حمدا لله على سلامتك ياليدى
وربنا يحفظكم يارب ويجمعكم على خير ان شاء الله

دمتى بكل خير

جحا المصرى يقول...

وها قد عاد جحا من الزمن البعيد ليأتيكم بكل جديد
عود أحمد يا ليدى

Lady E يقول...

صمت الحنين : وعليكم السلام ورحمة الله وبركاته

الله يسلمك من كل شر يا حبيبتي

امين

وربنا يحفظك ويارب يجمع كل اتنين بيحبوا بعض فيه على خير

دمتي بكل خير وسرور

Lady E يقول...

جحا المصرى : عودا حميدا يا جحا

بس مين احمد ده؟؟ :)

mohamed ghalia يقول...

ليدى
ايه يابنتى الجنان ده ههههههههههه
هقاطع مدونتك ليه بس
انتى عارفه انى مدونتك دى معجب بيها جداا من زمان
أنا بس كنت بمتحن ورجعت لقيتك مسافرة
حمدا لله على سلامتك
ونورتى مدونتك من تانى

غروب يقول...

ادايه الحب ده شئ جميل ان شاء الله ربنا يجمعهم على خير يا قمر

قويلي عملتى ايه في نتايج دمياط ظهرت طمنينى يا قمر

وحشانى اوى

Lady E يقول...

mohamed ghalia : جنان ؟؟؟؟؟؟؟!!!!
شكلك هتتعلق على باب المدونة علشان تبقى عبرة لكل اللي يدخلو المدونة نياهاهاهاها ضحكات شريرة متقطعه

وبعدين في الزهايمر ده انتا خلصت امتحانات ورديت على مواضيع في المدونة قبل ما اسافر وبعدين فكرت انك قاطعت المدونة علشان البوستات اللي بتتكلم عن الاغاني او الاغاني اللي كنت حطاها في المدونة

والله يسلمك

الشعب لابد له من حكومه تشكمه يقول...

ايه ده ايه ده؟؟؟؟
البوست ده نزل امتى؟ دا الريدر عندى هو كمان مهيس انا لسه شيفاه حالا.لازم نشكمهم ياليدى كده مش هينفع:)
بالمناسبه عجبنى اللوك الجديد اصلى بحب الالوان الفاتحه بحس انها كده اه فاهمانى ههههه.
هو فى ايه باه ومين اللى من جواها بتكرهك دى؟؟؟؟؟؟:(

غروب يقول...

عرفت من ايناس عاشقه الاحزان انك مسافره دبي ؟؟؟؟؟

كده فجاه ؟؟؟؟

عموما ربنا يوفقك يا قمر

Lady E يقول...

غروب : سيبك من النتائج انتي كمان وحشتيني يا قمرايا

Lady E يقول...

الشعب لابد له من حكومه تشكمه : طب وهنشكمهم ازاي يا شيما؟؟ هنمنع عنهم الشوكولاته ولا ايه :))

بالنوسبة ل اللوك الجديد فكل لوك جديد بعمله للمدونة بيعجبك :)) وده بيدل على حاجتين اولا انك بتجامليني وثانيا ان ذوقي حلو ولو اخدتي بالك اللوك الجديد مش كله الوان فاتحه ده فيه رمادي لون المود اللي انا فيه عااااا

اما اللي بتكرهني فمفيش انسان في الدنيا ملوش حد بيكرهه
بس الصعب ان يكون حد بيمثل انه قريب منك اوي وبعدين يطلع بيكرهك

Lady E يقول...

غروب : دبي ؟؟ :)) ع العموم المسافه من هنا لدبي مش كبيرة يادوب 1600 كيلو :)

انا في صلالة يا غروب مش في دبي وعملت بوست قبل البوست ده وقولت اني مسافرة يعني مش فجاه

ربنا يوفقنا جميعا وشكرا على سؤالك يا قمرايا

Ahmed يقول...

الوجه بيفضح
والاناء ينضح بما فيه

الوجه بيعبر عن اللي جوا القلب

Lady E يقول...

أحمـــــــــــــد أبو العلا : ونطلع من الكلام ده بحاجة واحدة ان من يوم ما الانجينير جاب جولفدان هانم وهو بطل يجيب الفرنساوي معاه مدونتي والحمد لله :)

بالنوسبة لكل اناء ينضح بما فيه فغالبا بتتقال لما تكون بتتكلم على صفات سلبية في شخص معين

blue-wave يقول...

هو ملك
فوق مملكة الجمال
عرشه قلبك
مملكته عيناك
يا بخته:))

Lady E يقول...

blue-wave : كتير الملك بيهد عرشه بإيده وبتصرفاته وبعدم اهتمامه وقسوته وبيضطر شعبه انه يثور عليه

ويا بخته بجد لو كان قدر يحافظ على الحب ده
شكرا لمرورك يا دكتر