الأحد، 21 يونيو 2009

نغمات الجميلة انغام







من كام يوم كنت بفكر ليه انغام معملتش البوم جديد من فترة كبيرة

انا بحب اسمع اغانيها وبحس انها بتعبر اوي عن حاجات كتير جوانا وكفاية انها صوت بجد يتسمع صوت فيه طرب وشجن وع الفيس بوك بيقولوا عليها مطربة مصر الأولى اعتقد هي تستحق اللقب ده
ولسه مستغرقة في التفكير لقيت اعلان البوم انغام الجديد على روتانا قريبا :)
وعملت سيرش على الالبوم عالنت طبعا لسه منزلش بشكل رسمي بس سمعت اغاني كاملة زي ساعات كتير ومهزومة وعجبوني وسمعت سيمبلات للاغاني زي لو اعيش معاك وواحدة بتحبك و حبيبي مالك و دلوقتي احسن

و والله حلوة وعجبتني بجد حسيت انها اغنية دينية وفي نفس الوقت طاقتها الايجابيه عالية و بتدي دفعة للحياة

ودي كلماتها :-

والله حلوة

لو جه في بالنا نحلم بجنة قوة ايماننا هي السلام

والدين معاملة ورسالة كاملة يعني الحكاية مفيهاش كلام

غني وحب وصلي جماعة لقلبك ساعة وربك ساعة

والدنيا حلوة والله حلوة مش ضاحكه علينا وخداعه

متقولش خلصت وذنوبي كترت

متعيشش فكرت جايلي العذاب

صاحب الجلالة الله تعالى م الاستحالة ينسى اللي تاب

ربنا مخلقناش نتألم عادي بنغلط وبنتعلم

والدنيا حلوة والله حلوة اوعى تسيب نفسك وتسلم

************************************

عجبتني الرومانسية والكلاسيكية اللي في اغنية لو اعيش معاك
حسيت ان صوت انغام حالم ده غير صوت البيانو والكمنجات :) اللي في بداية الأغنية والكلمات طبعا جميلة


*************************************

عجبني التحدي والقوة اللي في اغنية مهزومة
في الاغنية دي حاسة ان انغام بتغني من روحها فعلا


*************************************

اغنية دلوقتي احسن حسيت بألم ومرارة وانا بسمع السيمبل بتاع الاغنية دي
بجد احساس قاتل


دلوقتي احسن على الأقل مبقيتش بحزن انه عمره ما حس بيا
انا بس بندم عشان زمان مقدرتش افهم ان هو مكنش ليا
دخل عليا بكل حاجه بحبها صدقته وارتاحت لهواه ....

*************************************
عجباني الشقاوة اللي في اغنية ساعات كتير وكلماتها كمان جميلة جدا وعلشان كده حطيت الاغنية في البلوج حاليا
ودي الكلمات :-



سنين فاتت عليا وقلبى على حاله

لا انا بنسى ولا قادره انى اصفاله

بحبه لكنى شايله ف قلبى منه كتير

ونفسى ااقوله انى لحبه محتاجه

وفى حاجز بيمنعنى وميت حاجه

عشان دا جرحنى ف غرامه وجرحه كبير

وساعات كتير بحتاج للمسه من اديه

واشتاق لحضنه ونظره واحده من عنيه

وانا رغم دا برجع واقول مش راجعه ليه

علشان بخاف ضعفى يبان ويحس بيه

مقدرشى اتحمل ف يوم واصعب عليه

انا عندى اموت ولا انى اعيش اللحظه دى


يجبو ف سيرته قلبي يحن جوايا

وبحلم يبقى في للبعد دا نهايه

لا منى نسيته ولا مني بعيش وياه

لا يمكن غيره يسكن جوه احضانى

بموت م الشوق وعزة نفسى منعانى

اروحله وااقوله ان انا لسه بستناه



وساعات كتير بحتاج للمسه من اديه

واشتاق لحضنه ونظره واحده من عنيه

وانا رغم دا برجع واقول مش راجعه ليه

علشان بخاف ضعفى يبان ويحس بيه

مقدرشى اتحمل ف يوم واصعب عليه

انا عندى اموت ولا اني اعيش اللحظه دى



**********************************


بجد من وجهة نظري الالبوم ده جميل زي الالبوم اللي قبله وان لسه انغام في القمة ومنزلتش عن مستواها الراقي في اختيار الاغاني وتوصيل احساسها بشكل رائع

هناك 25 تعليقًا:

احساس طفلة محبة للرومانسية بس واقعية يقول...

مش بتابع انغام اوى بس بحبلها حاجات
عجبتنى كلمات اغنية والله حلوة
و من كلامك عايزة اسمع
لو اعيش معاك
بس عملت سيرش سريعا ملقتهاش
ان شاء الله هرجع تانى ادور عليها بتركيز اول لما الاقى وقت وهاجى كمان اشوف البوستات اللى فاتتنى يارب تكونى بخير

تقبلى مرورى

Lady E يقول...

احساس طفلة محبة للرومانسية بس واقعية : لو اعيش معاه و والله حلوة حاليا لسه مش موجودين كاملين يا احساس طفلة
انا سمعت السيمبلات ليهم

تسلميلي يا قمرايا ومتغيبيش تاني كده بتقلقيني عليكي

سلميلي على سومة

نورتيني

MǿиY El-Shreef يقول...

بحب انغام اووووووووووووووي

وانا زيك كده مستنيه الالبوم ومتابعه الجروب ع الفيس بوك وقالت انه خلاص حاليا بالاسواق انهارده او امبارح بالليل يعني :)

مستنياه ينزل ع النت وهحمله بقى ان شاءالله

الاغاني الي كتبتيها جميله بالذات والله حلوه

وحشاني ياليدي

:)

ديالا يقول...

انغام اساسا كل اغانيها حلوه

وبحس اساسا ان مغنيه راقيه

رغم اني بحس فيها بتكه غرور

بس برضه بحس انها فعلا اجمل صوت نسائي في مصر

واغنيه ساعات كتير فوق التحفه

عاشقه الرومانسيه يقول...

ياخبر
انغام دى عشقى الاول ياليدى
باموت فيها
وانا عملت سيرش وحملت اغنيه
ساعات كتير
ومهزومه
وواحده بتحبك
وشوقتينى انى اسمع باقى الالبوم
هى فعلا الاولى فى كل حاجه
دى صوت كله شجن واحساس

تعرفى لما اكون فى مود وحش وعايزه اطلع منه باسمع اغنيه قديمه لها اسمها ببساطه كده
ماتعرفيش الاغنيه دى بتعمل فيا ايه
بتغير حالتى 360 درجه

كفايه رغى بقى واروح اسمع الاغانى بمزاااااااااج
سلااااااااام

Lady E يقول...

MǿиY El-Shreef : ايوة هو حاليا بالأسواق بس انا دورت عليه وملقيتوش اول لما الاقيه او ينزل عالت هجيبه

واغنية والله حلوة لما تسمعيها بتحسي ان فعلا الحياة لسه بخير ولسه جميله

انتي كمان وحشاني يا موني
ربنا يوفقك في امتحاناتك يا قمرايا

الشعب لابد له من حكومه تشكمه يقول...

طب سيبك من انغام الجديده واسمعى انغام القديمه احلى بكتييييييييييير...
كفايه اغنية بكره تشوف دى فظيعه ,اسمعى انغام القديمه واسمعى حتى الركن البعيد الهادى لما بنسمها واحنا كبار بتلاقيها احلى بكتييييييير :)))

MaNoOoSh يقول...

في انتظار نزول الاغاني كاملة ان شاء الله

انغام ولا شريط نزل لها قبل كده معجبنيش على الاقل اغنيتين تلاتة منه

وانا كنت متاكده ان الالبوم ده هيكون قوي
لانها بعد كل تجربه مريره ليها.. بيكون كل احساسها فى نغم الكلمات وهى بتغنيها

Lady E يقول...

ديالا : حبيبتي

فعلا انغام ذوقها جميل في اختيار الاغاني اللي بتقدمها اما عن تكة الغرور فمش هقدر اقول انها مغرورة او لأ لأني متعاملتش معاها كل معرفتي بيها من خلال اغانيها الجميلة

وساعات كتير اغنية لذيذه تحسي ان كلها شقاوة وطفوليه حسيتها قريبه مني :)

نورتيني يا قمرايا

Lady E يقول...

عاشقه الرومانسيه : متقوليش عشقي الاول بس علشان العريس ميسمعش علشانه هو عشقك الاول :)

فاكراها اغنية ببساطة كده اغنية قديمة

تقريبا بتقول ببساطة كده وبكل وضوح انا عايشة كده بقلبي المفتوح ...

منوراني دايما يا دودو

غير معرف يقول...

واضح انك بتحبيها


أنا مش عارفة ليه عمرى ما بعرف اسمعها
بس على العموم الكلام حلو أوى

♥نبع الغرام♥♪≈ يقول...

السلام عليكم
هو فيه ايه البوستات دى بتظهر امته
والله حاجه غريبه

انا كنت معديه كده وقلت ادخل اسلم لقيت الست انغام محتليه المدونه

جميل قووى انا كمان بحبها

احيك على كلاماتك الجميله وزقك الراقى
بحبك قووى
امووووووووووووووووه
انوسه

الفراغ يقول...

انا من محبى انغام
لانها مازالت تحتفظ بالزوق العالى فى اغانيها
زوقك جميل طبعا وياريت اعدى تانى الاقى بقية الاغانى
اشكرك

Lady E يقول...

الشعب لابد له من حكومه تشكمه : انغام القديمة والجديدة الاتنين واحد يا شيما نفس الابداع ونفس الذوق الجميل في اختيار الاغاني

انا عارفه اغنية بكرة تشوف وكنت بحبها اوي بس انتي فكرتيني بيها

اما الركن البعيد الهادي فكانت اول مرة اسمعها لما قولتيلي عليها بس بجد طلعت اغنية جميلة

وكمان بحب ليها اغنية قديمة اسمها هوى المصايف

نورتيني يا حبيبتي وشكرا ع الاغاني الكتيييييييييير حلوة :)

Lady E يقول...

MaNoOoSh : الالبوم نزل خلاص يا منوش

بس عارفه ضريبة صعبة اوي لما كل البوم تمر بتجربة مريرة

منوراني دايما يا احلى منوش

Lady E يقول...

انا ودماغي : بحب اسمعها يا ميرو

وبعدين عادي لولا اختلاف الاذواق لبارت السلع والاسواق :)

نورتيني يا قمرايا

صوت من مصر يقول...

مين مش بيحب انغام

blue-wave يقول...

وبعدين فى احساسك التحفه دا؟؟؟

blue-wave يقول...

وبعدين فى احساسك التحفه دا؟؟؟

ديالا يقول...

http://www.nogomi.com/ar/index.asp

ده لينك موقع نجومي نزل فيه الشريط

بجد شريط تحفه موت

Lady E يقول...

عاشقة الأحزان : وعليكم السلام ورحمة الله وبركاته

خلاص يا انوس مفيش بوستات هتظهر لفترة كده هريحكو مني شوية نياهاهاهاها

وبعدين حد يطول ان انغام تحتل مدونته :)

نورتيني يا قمرايا

بحبك اوي اوي

Lady E يقول...

الفراغ : اهلا بحضرتك

كان نفسي اكتب باقي الاغاني بس بجد مش لاقيه وقت خالص

ذوق حضرتك الاجمل

شكرا على الزيارة الغالية دي

Lady E يقول...

صوت من مصر : كتير :)

مفيش حد الناس كلها بتحبه

Lady E يقول...

blue-wave : ايوة صحيح وبعدين؟؟

احساسك الاتحف يا دكتر :)

Lady E يقول...

ديالا : تسلميلي يا ديالا

انا نزلت الالبوم وفعلا جميل جدا