الأربعاء، 10 يونيو، 2009

باللغة العربية الفصحى




باللغة العربية الفصحى ... استيقظ وركز واصحى دي جزء من كلمات اغنية ل ايمن بهجت قمر وبتغنيها سيرين
كان ياما كان مش في قديم الزمان اوي يعني من حوالي 3 سنين قبل ما ادخل كلية الهباب قرأت المقررات بتاعت قسم لغة انجليزية وقسم اعلام عالسايت بتاع الجامعة لاني كنت محتارة جدا بينهم
و كان المفروض ندرس لاتيني ولا تغديني في سنة تالتة اللي انا فيها حاليا وبعد يومين ان شاء الله هسيبها بلا رجعة والسادة الموقرين في الجامعة قرروا انهم
يلغو اللاتيني ويبدلوه بلغة الضاد اللي هي بتاعت عربي انا اخشيني الويل اذا احببتني بتاعت يوري مرقدي
او
عربي انا...... اخشيني!!!!!!!
عربيٌّ أنا أ رثيني.. شقّـي لـي قبـراًً .. و اخفينـي
ملّت من جبني .. أوردتى... غصّت بالخوف شراييني
ما عدت كما أمسى أسداً.. بـل فـأر مكسـور العيـنِ
أسلمت قيادى كخـروفٍ... أفزعـه نصـل السكيـنِ
ورضيت بأن أبقى صفراً.. أو تحت الصفـرِ بعشريـنِ

للشاعر احمد مطر


عندنا 3 اجزاء في منهج العربي هننطحن فيهم بكرة ان شاء الله
اولا : الادب في العصر الجاهلي
ثانيا: الشعر في عصر النبوة وصدر الاسلام
ثالثا: الشعر في العصر الاموي


وبكل ثقة ااقدر اقولكو ان التلت اجزاء ارخ .. احم اجمل من بعض وخصوصا بتاع العصر الجاهلي اللي فيه مين؟؟ مين؟؟
ايوة امرؤ القيس اللي انا مخنوقة منه من وانا في ثانوي بس كنت بحب اشعار ليه كلها تشاؤم

وليل كموج البحر ارخى سدوله .... علي بانواع الهموم ليبتلي
الا ايها الليل الطويل ألا انجلي .... بصبح وما الإصباح منك بأمثل

سمعت ان امرؤ القيس حامل لواء الشعراء الى النار بس لما بحثت شوية عرفت ان ده حديث ضعيف والله اعلم

اما عن اشعاره فحدث ولا حرج في ليه اشعار جميله جدا
وفي ليه اشعار المفروض مندرسهاش اصلا بس موجودة في الكتاب بتاعنا ومطلوب مننا نحفظها للأسف
منهم قصيدة اسمها مهفهفة بيضاء

ندخل على العصر الأموي : في 3 انواع من شعر الغزل منهم الغزل العذري
ومن حسن حظي اني كنت عاملة بحث عن الغزل العذري وانا في ثانوية عامية

ربنا يصبرني وانا بذاكر النوع ده من الشعر علشانه شعر يقطع القلب


ما علينا نرجع لموضوعنا جبتلكو كلام من اللي مكتوب في كتابنا العربي بتصرف


( الشعراء في الشعر ده اهتموا بوصف احوالهم النفسية في الحب ووصف عذابهم حين يشتد الحب والجوى ولكل منهم قصة حب فاجعة تنتهي بالجنون او بالموت وتموت الحبيبة إثر محبوبها , ومن الجدير بالذكر اننا نجد في شعر بعض العشاق انهم وضعو المحبوبة في مكانة عالية فهي ليست كباقي النساء بل هي ملاك او روح الحياة وجوهرها بصراحه ناس بتفهم
والملمح التاني هو المزج بين الحب والموت سواء في قصة العاشقين او في الشعر فكأن الموت هو الخلاص الوحيد من اعباء هذا الحب الفادح الذي يستهلك حياة صاحبة اوعو حد يسمع الكلام ده ويروح ينتحر وبعدين يقول ليدي هي اللي قالت-
ومنهم وانا موافقة جدا على الرأي ده من يعتبر الحب مرضا طارئا صعب الشفاء منه
وللأسف ده المرض الوحيد اللي ملوش علاج رحماك يا ربي

اما مجنون ليلى فيرى ان الحب ابتلاء من الله ينزل بالقلب فلا يجد القلب عنه حولا او منه شفاء

خليلي لا والله لا أملك الذي ... قضى الله في ليلى ولا ما قضى ليا
قضاها لغيري وابتلاني بحبها فهلا بشيء غير ليلى ابتلانيا


اما الملمح الثالث فهو الولع بالوحدة وبالخروج من دائرة الناس لتذكر ذكريات الحبيب
وعدم تذكر اي حاجه الا الحبيب

جميل بثينة بيقول : وإن قلت ردي بعض عقلي أعش به تولت وقالت : ذلك منك بعيد

والملمح الرابع تمني العودة للطفولة حيث الحب بلا تكاليف ولا قيود

واخيرا : الرغبة في النوم لعل الأحلام تحقق للمحب لقاء يسعد فيه بعد ان عز اللقاء
وحال المجتمع دون العاشق وما يشتهي ويريد

وفي ابيات انا بحبها جدا لقيس لبنى بيقول :


وإني لأهوى النوم في غير حينه لعل لقاء في المنام يكون
تحدثـــــــــني الأحلام أني اراكم فيا ليت احلام المنام يقين


وبكده ابقى لخصت معاكم الدرس بتاع الشعر العذري في العصر الاموي
ولسه 180 صفحه باقي المنهج
حسبي الله والله العظيم عااااااااااااااااااااااااااااااااااااا



هناك 40 تعليقًا:

blue-wave يقول...

ربنا معاكى يارب

blue-wave يقول...

على فكرة
دا اخر تعليق ليا عندك
انا مش بفرض نفسى على حد على فكرة ومش بتابع حد مش بيتابعنى
ربنا معاكى ويوفقك فى امتحاناتك

MaNoOoSh يقول...

ربنا يكون في عونك يا بنتي

انا الأشعار دي جابتلي حول في المخيخ اصلا

هي صحي معانيها حلوة بس لغتها صعبة شوية


هانت وربنا معاكي بكرة

الشعب لابد له من حكومه تشكمه يقول...

امممممممم اقول ايه بعد كل ماقيل..
يلا ربنا يسامحك فكرتينى بايام ثانوى عام كان الشعر الجاهلى ده مجننى وكان نفسى اعرف بندرسه ليه هو احنا هنتكلم بيه دلوقتى..واوقات على فكره فى حصه العربى والمستر كان بيشرح كان بيجيلى هيستيريا ضحك وانا بسمعه بيلقى الاشعار بتخيل اننا بنتكلم كده دلوقتى كنا هنبأه لذاذ جداااااا ,يلا ياعبله شدى حيلك فى الامتحان.
ربنا معاكى بجد ويوفقك.:)

ستيته حسب الله الحمش يقول...

ربنا ييسر لك ان شاء الله
وتخلصي الكلية اللي ها تجيب لك فسفس هستيري دي

ربنا معاك انت وكل ولاد المسلمين

تامر علي يقول...

الشعر كله سواء جاهلي أو مابعده جميل جداً لكن لابد من الإلمام بمفردات الكاتب لأن كل كاتب أو مرحلة لها مفردات خاصة .... شكراً جداً على قصيدة أحمد مطر لأني رغم عشقي الشديد له لم أكن قد قرأت له هذه القصيدة من قبل :)

تحياتي ودعائي بالتوفيق :)

احساس طفلة محبة للرومانسية بس واقعية يقول...

مهفهفة بيضاء
طيب انا راضية ضميرك دا اسم
دا لما جيت اشوف القصيدة مفهمتش منها حاجة محدش قال حاجة الحب حلو ... دا حمادة هلال :) لا الحب والمشاعر سواء حب او فراق او اى حاجة جميل اننا نعبر عنها بس صعب اوى المفردات دى محتاجة قاموس عشان تترجم

ربنا يوفقك وتخلصى على خير
اهو العربى ارحم بكتير من الاتينى
على الاقل عارفين فية حاجات :)

تقبلى مرورى

Bondoka يقول...

يالهوى
انا لو نزلوا عليا عربى تانى كنت انتحرت وسيبت الكليه

انا دخلت طب مخصوص عشان مافيهاش عربى

ياساتر
ال ادب وشعر جاهلى ال

روحى يا بنتى ربنا معاكى

صمت المشاعر يقول...

ههههههههههه بجد عاوزه اضحك خاااااااالص

لانك زي ما انتي عارفه اني بردوه في سنه تالته وعندي ماده عربي كتابين وهما تقريبا نفس منهجك كدا بس الزياده بقي ياختي اني هحفظ يجي كدا فضلت خيرك 20 بيت من ديوان ابن حمبديس

والحمد لله قايللهم في البيت اني هشيل ماده من قبل ما امتحنهايقولولي ايوه شيليها واحنا نشيلك علي نقاله هههههههههه

ربنا يستر والله ياليدي

والا امتحان كلاسيكال دراما مقولكيش حاجه خياليه


يااااااااااااارب نعدي من تالته علي خير

عاشقه الرومانسيه يقول...

طووووول عمرى باكرهه المذاكره
ليه ياربى كده
اخلص دراستى واتشاهد انى مش هاذاكر تانى
الاقى ليدى هانم جيبالى المذاكره لحد عندى

روحى يابنتى ربنا يتوب عليكى من الكليه دى
انتى خلااااص مخك قرب يفوت منها

هانى زينهم يقول...

ههههههههههههههههه
هههههههههههههههههههه
ههههههههههههههههههههههههههه
هههههههههههههههههههههههههههههههه
ههههههههههههههههههههههههههههههههههههه
زعلانة من الكام بيت دول ؟! امال اللى كانت دراسته ـ يا حسرة ـ كلها كدة يعمل ايه ؟! خصوصا انه بعد التعب والسهر والحفظ والبحث فى اعماق ضمائر الشعراء على مر العصور اكتشف انه مش بيربطه بالعربى غير شوية ابيات كسيحة من عينة :
وتفشحط الفشحاط بذيل ليل هيهع الهجيان
خليها عليكى فكرتينى بالذى ما مضاش !!

انا ودماغي يقول...

يا عينى يا بنتى...بجد ربنا معاكى و يكرمك و يفتحها فى وشك يا رب و ترجعى منصورة من المعركة


وحشانى اوى أوى على فكرة

The Illusionist يقول...

هههههههههههه
يا خبر ابيض
والله حرام كده
هو تلت تربع البلوجات عندها تشاؤم ليه


ايوة امرؤ القيس اللي انا مخنوقة منه من وانا في ثانوي بس كنت بحب اشعار ليه كلها تشاؤم

وليل كموج البحر ارخى سدوله .... علي بانواع الهموم ليبتلي
الا ايها الليل الطويل ألا انجلي .... بصبح وما الإصباح منك بأمثل


ليه بس
تشاؤم ليه
ولسه رادد فى مدونه مكتوب فيها اجعل السواد والكابه لونك
يا خبر اسود
ليه بس كده
بالراحه
كله يهون
ومعلش
لو انتى عندك كده
انا عندى رسم هندسى واسقاط
امتحان اربع ساعات
هيطلعوا العفاريت علينا بعون الله
ربنا معاكى
سلام

مجرد مدونة يقول...

ربنا يكرمك وجميع المسلمين .. بمناسبة الشعر الجاهلي بتاخدوا حاجة للشنفري ؟؟
في حاجة كمان البيت بتاع جميل بثينة ده حاسس ان فيه كسر أنتي متأكدة انها ذلك مش ذاك ؟
وأخيرا ربنا ييسر لكم الأحوال

د. ياسر عمر عبد الفتاح يقول...

ياريت أنا أدرس الحاجات دي
مفيش حد بيعجبه حاله

بس بجد دراسة الشعر ممتعة جداً

قبلاوى يقول...

هو انتوا بتاخدوا عربى ولا لاتينى ليه من الأساس؟

عامة ربنا يعينكوا

أحمـــــــــــــد أبو العلا يقول...

ياسلام
يعني احنا بأه المفروض نبدأ نذاكر معاكي
وكمان لسه 180 صفحه

طيب ياستي
نستحمل شويه كل عشان خاطرك
يعني احنا عندنا كام طفله مش ناويه تكبر
بس أخرة ده كله هنحاسبك على التقدير

ELMASRYA - MRS WRITER يقول...

هههههههه

خلاص بقى يا حبوبة الكلام ده بقى ذكريات لأن سيادتك أكيد خلصتي النهارده امتحاناتك زي ماما ماقالتلي

خلااااااااص الأجازة بدئت يا ميكي

وبالنسبة للشعراء السابق ذكرهم

دول ناس طيبين قوي وصيع

لو واحد فيهم كان وراه شغل واخد وقته ماكانش قضى حياته يحب في واحده تقلانه عليه أو زابلاه أو أهلها كارفينه

ياختي اردمي عليهم بالنيله الكحلي ولو إني بيني وبينك بحب أشعارهم كلهم الحقيقة وكانت أمتع مادة عندي في العربي هي النصوص

وحشاني جدا جدا وربنا يسهل أشوفك على الماسنجر ولو إن الأولاد استولوا على الكومبيوتر علشان كومبيوتراتهم الإتنين باظت

عاااااااااااااااااااا

Lady E يقول...

blue-wave : اللهم امين

ربنا يكرمك

Lady E يقول...

blue-wave : يعني هيكون اول تعليق في البوست واخر تعليق في المدونة اوكي

اعتقد لما حد بيتابع مدونة حد بيكون علشان افكار ومواضيع واسلوب الكتابة في المدونة مش علشان حد بيكتب كومنت عندي مثلا فانا كمان اكتب كومنت عنده مش واحدة بوحدة

وعلى فكرة الكومنتات مش بتفتح في مدونة حضرتك واعتقد ان السبب في الtemplate لو اتغير المشكلة هتتحل

وعالعموم دي حرية شخصية وانا مش بجبر حضرتك او اي حد انه يتابع مدونتي او يعلق فيها

شكرا على دعواتك

Lady E يقول...

MaNoOoSh : يارب يا منوش

ده الاشعار دي عينة صغنونة من اسهل الاشعار اللي في كتابنا اومال بقى لو شوفتي باقي الاشعار هيجيلك ارتجاج في نني العين بعد الشر عليكي :)

Lady E يقول...

الشعب لابد له من حكومه تشكمه : بعد كل ما قيل وما سوف يقال وهل لقول ينفع انه يتقال بعد كل قول قد قيل :)

انا كنت بضحك بهيستيريا برضه وانا في سنة اولى كلية في محاضرات العربي علشان المفردات كانت غريبة وكنا بنطلع من المحاضرات نغني اغني مكر مفر مقبل مدبر معا كجلمود سخر حطه السيل من علي يا علي بتاعت احمد حلمي وريكو :)

امين يارب

Lady E يقول...

ستيته حسب الله الحمش : الفسفس الهستيري وصل خلاص يا دكتر

امين يارب

Lady E يقول...

تامر علي : انا بختلف مع حضرتك ان الشعر كله جميل جدا في شعر مش جميل اطلاقا

وعن قصيدة احمد مطر ف ده جزء منها مش كلها للاسف

ربنا يستجيب دعائك ولك مثله ان شاء الله

Lady E يقول...

احساس طفلة محبة للرومانسية بس واقعية : ههههههههههه طب وانا ذنبي ايه المفروض تقولي الكلام ده ل امرؤ القيس اللي كتب الكلام ده مش انا

وبعدين المفردات دي في وقتها مكنتش صعبة يا احساس طفلة

امين يارب
والله اعلم مين الاحسن العربي ولا اللاتيني
وعلى اي حال كله بيعدي

وعلى فكرة عندك مخالفة في المرور
اتقبل مرورك ازاي في الزحمة دي يا احساس طفلة :)

Lady E يقول...

Bondoka : يا خبر ! بعد الشر عليكي يا بندقة كويس ان مش عندكو عربي

الحمد لله انك في طب
وده على اساس ان التشريح والمواد بتاعت طب ارحم من العربي صح :)

ربنا معاكي

نورتيني

Lady E يقول...

صمت المشاعر : ايوة عارفة يا زومل
اخيرا في حد حاسس بكلاكيع اداب انجليش زي حلاتي

ومين ابن حمبديس ده

هو حمبديس ولا حمديس؟؟ اسمائهم كانت غريبة :)

وبعد الشر عليكي مش هتقدري تشيلي المادة دي لواحدك اصلا لانها تقيلة اوي :)

وعندنا مش بس الكلاسيكال دراما اللي كان حاجه خيالية لا كمان معاه الكالتشر وباقي المواد عاااا

يارب نعدي من تالتة على خير فعلا

Lady E يقول...

عاشقه الرومانسيه : ومين سمعك يا رومانسية

اميييييين يااااااااااااااارب

Lady E يقول...

هانى زينهم : الله يكون في عونك يا مستر هاني

وربنا يهون عليك الذي مامضاش

Lady E يقول...

انا ودماغي : امين يارب انا وانتي والمسلمين يا قمرايا

و انا رجعت اسكندرية مش المنصورة :)

وانتي كمان بجد ليكي وحشة كبيرة اوي

Pinky يقول...

تعرفي اني عمري ما فهمت حاجه اصلا من كل الادب اللي كنا بناخده في ثانوية عامة
كنت بذاكر عشان الامتحان وخلاص
ربنا يكون في عونك يا بنتي بتذاكري الكلام ده ازاي
ربنا معاكي ويوفقك

Lady E يقول...

The Illusionist : ده امرؤ القيس اللي متشائم في اشعاره مش انااااااااا

واللون الاسود سيد الالوان ده اكيد لكن السواد والكأبه ده لون جديد مسمعتش عنه قبل كده :)

رسم هندسي واسقاط واربع ساعات وعفاريت كل ده

ربنا يكون في عونكم ويوفقكم ولما تشوف العفاريت ابقى قولي شكلهم ايه :)

Lady E يقول...

مجرد مدونة : امين يارب

ايوة درسنا شعر للشنفرى وهو من شعراء الصعاليك

اما بالنسبة للبيت بتاع جميل بثينة ف ممكن تكون ذاك ومكتوبة غلط في الكتاب لأن ما شاء الله كتاب اللغة العربية مليان اخطاء املائية

شكرا ليك

Lady E يقول...

د. ياسر عمر عبد الفتاح : فعلا مفيش حد عاجبه حاله

Lady E يقول...

قبلاوى : علشان العربي من اهم اللغات

وعلشان اللاتيني هي اصل اللغات الاوروبية

امين

ربنا يوفقك

Lady E يقول...

أحمـــــــــــــد أبو العلا : هو حد قال انكو هتذاكرو معايا؟؟

وبعدين مين طفلة مش ناوية تكبر دي؟؟

Lady E يقول...

ELMASRYA - MRS WRITER : معلش يا خالتو قلبي عندك ماما قالتلي على الكمبيوترات اللي باظت دي
ولو كنت اعرف ان حضرتك وماما بتتكلمو كنت جيت كلمتك عاااااا

دايما منوراني

Lady E يقول...

Pinky : امين يارب

نورتيني يا قمرايا

hager za3bal يقول...

هههههههههههههه

ربنا معاكي يا ليدي :))

Lady E يقول...

hager za3bal : تسلميلي يا قمرايا

ربنا معانا كلنا