الأربعاء، 17 يونيو 2009

يا عيني عالبنوتات من وسائل المواصلات

دي شوية من وسائل المواصلات

اولا : موتورجل


عملا بالمقولة اتعشى واتمشى فنبدأ بأول وسيلة للنقل وهي الموتورجل والطريقة دي بتعتمد على انك تكوني لابسة شوز مريح اما لو كنتي بتحبي الشوياكة على حساب الراحة ف ممكن تلبسي شوز كعب عالي بس بشرط لما تكوني رايحة تقيسي طولك متكونش صبحتك دكتورة صيدلانيه وعلشانها صبحتك فجاملتك في 20 سم زيادة بمعنى انها متكونش قالتلك انتي مش قصيرة ازعة انتي طويلة وهبلة وانسي الكعب العالي ده خالص وتفضلي تقولي لنفسك نووووو مينفعش البس كعب عالي كده هبقى عمارة ماشية في الشارع كده هشوف الناس بميكروسكوب وتتفاجئي بالحقيقة المرة انك مش طويلة وهبلة ولا قصيرة ازعة عاااااااااااا
وبعدين دايما لازم يكون معاكي شوز استبن زي الكاوتش الاستبن كده ده في حالة لو هتلبسي كعب عالي
علشان الكعب العالي بيعمل مقالب كتير منها انك تكوني رايحه فرح مثلا وانتي لسه داخله القاعه وفرحانه تلاقي الكعب اتكسر وهيبقى قدامك حل من الاتنين تكسري كعب الفردة التانيه من الشوز او تلبسي الشوز الاستبن

ثانيا : لو بعد الشر عندك كتكوتة

لو عملتي سبع رجالة في بعض زي حلاتي وبتسوقي او بتسوئي من السوء يعني الكتكوتة وباباكي قالك في متاعب هتقابلك وانا خايف عليكي منها وعملتي فيها راجل استحملي بقى اللي هيحصلك

اولا : بالنوسبة للمشاة
الغير بشريين


وخصوصا القطط هتلاقي القطط بتعدي الشاعر بهدووووووء وخصوصا لو كنتي ماشية على طريق سريع فتضطري تعملي فرملة كبيرة
وتخبطي في الازاز الامامي للكتكوتة انتي واللي معاكي وتلاقي القطة ماشية بكل ثقة في النفس ومنتظرة انك تقوليلها
يا قطططططططة خربش
وتعدي القطة بسلام بعد ما تكون طلعت روحك
ثانيا : المشاة البشريين
بتلاقيهم واقفين في نص الشارع ومهما الكتكوتة تقول بيب مبيتحركوش بييييييب ولا يعبروكي بييييييييييييييييييييييييب يبصولك شذرا وبرضه يفضلو واقفين وفي الوقت ده بيبقى مطلوب منك تركني الكتكوتة بتاعتك وتنزلي تمشي احسنلك
ثالثا : العربيات والموتوسيكلات اللي بيكون راكبها شباب متخلفين عقليا
فخدي بالك هيعاكسوكي وهيقفلو عليكي الطريق وهيضيقو عليكي الشارع بحيث انك تدخلي في اي حاجه قدامك زي الشطورة والموضوع ده بيحصل كتييييير واحيانا بيوصل لحوادث ممكن توصل للوفاة او لإصابات خطيرة
رابعا : خدي بالك ان نص السواقين مبرشمين او بيشمو خليط من النمل على الدبان المحروق وده بيعمل مزاج فظيع بيخليهم ماشيين مش شايفين قدامهم فتلاقي العربية بتاعتهم بتتمرجح او واحد ماشي في نص الطريق بشوييييييش وانتي والعربيات اللي وراكي مش عارفين تعدو علشان تمشو بسرعه علشان الطرق الجميلة الواااااسعة في بلدنا ويا سلام لما تكوني ماشية بسرعه وتلاقي عربيات هاجمه عليكي والكتكوتة بتاعتك ما بين العربيات دي ويا سلام كمان لما تكوني بتعدي اتوبيس او مقطورة او عربية نقل كبيرة وتبقي وصلتي لنص المقطورة وفأجه تلاقيها بتحود عليكي ويبقى قدامك فرصة انك تقولي الشهادة بس او تبقي ماشيه على الطريق السريع
وتلاقي قدامك حفرة كبيييييرة وجنبك عربيات مش راضيين يدوكي طريق وتبصي تلاقي انك اترزعتي انتي والكتكوتة في الحفرة دي او على العكس ودي الاخطر فأجه تلاقي هرم من الزلط والرمل وده برضه على الطريق السريع قدامك مباشرة من غير اي تنبيه وفي الحالة دي برضه مفيش حد بيديكي طريق وبالتالي ممكن بعد الشر بعد الشر العربية تعمل زي افلام الاكشن ومش هكمل الباقي عاااااااااااااااااااا

ثالثا : الميكروباظ وده مش هتكلم عليه كتير كفاية ان اوله ميكروب واخره باظ ف يجب القضاء عليه اصلا


هناك 35 تعليقًا:

ديالا يقول...

الحمد لله اني انا مش بلبس الكعب العالي وده لان طولي مقارب ل174 سم فالحمد لله بقي هترحم من مقالبه السخيفه مع اني مره تجرأت ولبسته ووحياتك من اول لبسه كان مكسور


مدونتك رائعه

تقبلي مروري

عاشقه الرومانسيه يقول...

احجز تانى تعليق وامرى لله
عاااااااااااااااااااا

هاروح اقرا وارجع ادوشك

♥نبع الغرام♥♪≈ يقول...

السلام عليكم


حبيبتى الغاليه نونا

ايه الابداع ده كله

بوست تحفه

انا بقا بلبسه على طووووووووول الكعب العالى ده

لانى طولى 161 سم

وبيعملها معايا على طووووووول

تحفه تحفه موت من الضحك
هع هع هع هع هع

هاهاهاهاهااهاهاها
هههههههههه

يالهوى همووووووووووت
عسل والله تسلم ايديكى ياقمرايا

ولو انى زعلانه منك وانتى عارفه ليه

سلاموز
انوس

♥نبع الغرام♥♪≈ يقول...

معلهش يادودو

اخدت منك التعليق التانى

عاشقة الرومانسيه

منتظراكى عندى عملت بوست جديد
سلام ياقمر

إيمان يقول...

ههههههههههه
كويس انك متكلمتيش على الميكروب
مش ناقصه فضايح
هههههههه
ونسيتى تتكلمى على التوك توك
ده بقى من اهم وسائل المواصلات دلوقتى

عاشقه الرومانسيه يقول...

ههههههههههههههههههههه
الحمد لله انا مش بالبس كعب عالى رغم انى قصيره ازعه
(:
ولا عندى كتكوته
اقولك؟
انا مش باطلع من البيت
مريحه نفسى
مين عاقل يطلع فى الحر ده؟
مش بزمتك كده اريح؟

Bola 7elmi يقول...

:|
كعب عالي مبلبسش و فيه ناس بتقول عليا ازعه بس ولا يهمني ... بس انا مقتنعه انو انا طويله :|
ايوا هو كدا
تانيا بقى .. ونتي ليه تتعبي نفسك وتتعبي الكتكوته معاكي
يا حببتي ف حاجه اسمها توك توكp: أحسن مواصله فيكي يا مصر
ولا تقولي تكاسي ولا تقولي كتكوته ولا تقولي ميتورجل
يعيش التوك توك يعيش يعيش
هههههههههههههههههههه

مدونتك حلوه :)

MaNoOoSh يقول...

دة انتى شكلك شفتى الويل مع الكتكوتة

ربنا يكون فى عونك ويحفظك يا قمر


انا للاسف الاساف ليا حكاوي مع المتورجل والميكروباز
عااااااااااااااااااااا



بس ايه
صدقينى يا بنتى لا كعب عالى نافع ولا بدون كعب خالث نافع
كلة بيوجع الرجل
عااااااااااااااا

الشعب لابد له من حكومه تشكمه يقول...

انا عمرى ملبس كعب عالى ابداااااااا بلبسه بس فى المناسبات وببأه متأثره اوى :(
بالنسبه للكتكوته ولله ياجميله تركبى كتكوته تركبى ديناصور انا عندى مبدأ عمرى ما اعدى الشارع وواحده ست ابو بنت اللى سايقه عربيه مش مستغنيه انا عمرى :))
بالنسبه لمواصلاتى بركب تاكسى او اخلى اخويا يوصلنى بالعربيه مجبرا اصلى مش بعرف اسوق بخااااف:)) وخصوصا عند يو تيرن بضرب لخمه وحالتى بتكون صعبه:))

The illusionist يقول...

رابعا : خدي بالك ان نص السواقين مبرشمين او بيشمو خليط من النمل على الدبان المحروق وده بيعمل مزاج فظيع

يا نهار مش ملون خالص
هى وصلت لكده
السواقين بقى معروفين كمان وبيشموا ايه
وبالنسبه صحيح للبنوتات اللى فى الميكروباظات
الله يحرق الوزير بتاع المواصلات والنقل
اللى وصل الحال لكده
وطبعا كله جرب وسيله المواصلات الشهيره
التوتوك
وعرف الفرق
وبالنسبه لاى انسان او بنى ادم تلاقيه فى نص الشارع
وانتى جايه بالكتكوته
اعرفى ان ده مبداه
(( متقدرش تطسنى ))
هتلبس قضيه وانا اخد تعويضض
(( اصل انا ماشى انا كمان كده
نياهاهاهاهاها
مبدا لا يعلى عليه

Lady E يقول...

رد خاص ل THE illusionist في الاول وبعدها هرد على باقي التعليقات ان شاء الله

(( متقدرش تطسنى ))
هتلبس قضيه وانا اخد تعويضض
(( اصل انا ماشى انا كمان كده
نياهاهاهاهاها
مبدا لا يعلى عليه

عايزة اقولك بعدما تشوف المعلومة دي لازم تغير رأيك
لو حصل ودوست شخص ما وموتته لو رجعت لقانون المرور هتلاقي انه بيتحسب قتل خطأ وعارف التعويض اللي بتتكلم عليه كام؟؟ 200 جنيه
يا ترى بعدما عرفت الكلام ده هتمشي بالمبدأ ده تاني ؟؟
ربنا يحميك من كل شر ومعلش قلبت الموضوع جد لانه مينفعش يكون غير كده

دعاء يقول...

ايه يا بنتى انتى جايبة الكلام ده منين؟
ده احنا حتى شوارعنا فاضيااااااا و واسعااااااااا والسواقين بتوعنا آخر احترام بخاصة سواقين السرفيسات.
حتى روحى ميدان الشهبية واتأكدى بنفسك
هههههههه

غير معرف يقول...

هههههههههههه

موتيني م الضحك :))

وكويس فعلا انك متكلمتيش عن الميكروباظ :)) وندخل في التوك توك بقي والكلام الجميل ده :))

كلامك عن كتكوته والقطه
والناس المتخلفين عقلايا عجبني اوي :)))))))))))

غير معرف يقول...

هههههههههههههههههههههههه
الحمد لله أنا لا بلبس كعب عالى ولا بسوق كتكوتة


بس بركب ميكرباظ

هههههههههههههههههههههههههههههه
موضوع تحفة بجد

e_emy يقول...

هههههههههههههه

كل ده ف قلبك D:

بوست تحفة بجد *:

Lady E يقول...

ديالا : اهلا بيكي يا قمرايا

انتي كده بتلعبي في خط الوسط مش طويلة اوي ومش قصيرة برضه
والشوزات اللي من غير كعب مريحة اكتر من الشوزات اللي بكعب ده غير انها مش بتعمل مقالب سخيفه

تسلميلي يا قمرايا مرورك الاروع

Lady E يقول...

عاشقه الرومانسيه : تم الحجز بنجاح وامري لله

ولا يهمك انا بحب الدوشة :)

mohamed ghalia يقول...

ايه ده هو البنوتات بس الى بيتبهدلوا
بطلى تعصب بقى ههههههههههههههههه
يعنى ارجع من الإمتحانات الاقيكى منحازة للبنات هههههههههه

عبد من عباد الله يقول...

بما ان الكلام شكله على البنات بس فانا و الحمد لله مليش في كل الكلام ده خالص ، اما بخصوص القطه اللي ماشيه كلها ثقه دي ، انتي مش فهماها ، دي عايزة تنتحر بس احنا بقى مش بنديها فرصه و نفرمل و نخلي اللي ورانا هو اللي ينتحر غصب عنه .

Lady E يقول...

عاشقة الأحزان : وعليكم السلام ورحمة الله وبركاته

بعض ما عندكم يا انوس

يارب تبقي دايما فرحانه

وحتى انتي يا بروتس عاااااااااا عاااااااااا

كل صبحاتي زعلانين مني

حقك عليا ومفيناش من زعل

Ahmed يقول...

ههههههههه

لا لا جامد جدا

وبعدين باين يعني انك من الضحايا الكتير في السواقه
بس اللي باين اكتر ان كتكوته هيا الضحيه الأكبر (وش مطلع لسانه)

Lady E يقول...

إيمان : الميكروب عايز بوست لواحده

اما بقى التوك توك طفل الخطيئة فموش ممكن يكون اهم المواصلات عاااااا

والحمد لله نادرا لما بشوف التوك توك ده

Lady E يقول...

عاشقه الرومانسيه : يا سلاااااام

مين عاقل يسيب هوى اسكندرية وبحر اسكندرية ويقعد في البيت

The illusionist يقول...

يا خبر اسود
بجد
لا بعد كده انا مش معدى الشارع
انا اسف
متين جنيه
دول ميجيبوش الرامه الجديده حتى
لالالا
مش هعدى تانى

Lady E يقول...

Bola 7elmi : اهلا بيكي يا قمرايا

واهم حاجه انتي شايفة نفسك ايه طالما مقتنعه انك طويلة تبقي طويلة :)

ايوة التوك توك طفل الخطيئة وقدرتي تقوليها يا بولا

ال يعيش ال نياهاهاهاهاها

زيارتك للمدونة هي الاحلى يا قمرايا

نورتيني

Lady E يقول...

MaNoOoSh : اييييييه اقول ايه ولا ايه يا منوش انا كرهت الخروج بالكتكوتة من كتر الرخامة اللي بشوفها في الشارع

وبعدين ليه مقولتيش الحكاوي دي فضفضي يا اوختشي وقولي اللي في قلبك

والحل ايه اننا نمشي من غير شوز خالص :) او نمشي ب شبشب ابو وردة اهو منه شبشب ومنه سلاح رادع :)

Lady E يقول...

الشعب لابد له من حكومه تشكمه : انا عندى مبدأ عمرى ما اعدى الشارع وواحده ست ابو بنت اللى سايقه عربيه مش مستغنيه انا عمرى :))

حتى انتا يا بروتس

بتغاااااااااااظ اوي من الحركة دي انا اقف واوقف العربيات ورايا والبنوتات الحلوين اللي ماشيين على مبدأك ميرضوش يعدو الشارع والله يا شيمو احنا البنوتات بيبيقى معانا رخصة من المرور بتقوووول اننا بنعرف نسووووق عااااااا

وطبيعي انك تخافي من السواقه في الاول
واليوتيرن اكيد بيخوف وبتحصل فيه حوادث بس لو خوفنا من كل حاجه مش هنطلع من بيتنا

Lady E يقول...

دعاء : شوارع بلدنا فاضية جدااااااااا وواسعة جدااااااااا ومش زحمة اطلاااااقا
وخصوصا في ميدان الشهبية وفي ميدان سرور قمة الهدوء :)

ويا سلام بقى لو روحتي راس البر او اسكندرية او القاهرة هتحسي انك ماشية لوحدك في شوارع كبييييييرة وفاااااضيه هههههههههه

Lady E يقول...

hager za3bal : تسلميلي يا قمرايا

لاااااا موتتك ايه بس بعد الشر عليكي

بريييييئة عاااااا

سعيدة ان البوست عجبك

نورتيني وهابي اجازة

Lady E يقول...

انا ودماغي : ايون ايون بس عارفة انك بتفكري تتهوري وتتعلمي السواقة وتركبي الكتكوتة

اللهم بلغت اللهم فاشهد :)

اديكي شوفتي الغلاسة اللي البنوتات بيتعرضولها لما بيسوقو الكتكوتات

Lady E يقول...

e_emy : كل ده واكتر يا ايمي :)

تسلميلي

Lady E يقول...

mohamed ghalia : كفاااارة يا محمد

اخيرا خلصت امتحانات وكلية الف مبروك مقدما

وتبعا تبعا البنوتات رقيقة

انتا مش عارف صلاح جاهين بيقول علينا ايه البنات البنات الطف الكائنات
ف احنا الطف وارق الكائنات وبالتالي ف احنا بنتبهدل اكتر من الولاد ده اكيد

ومش هبطل تعصب على فكرة :)

Lady E يقول...

عبد من عباد الله : هههههه متقولش كده اومال مين اللي بيغلس عالبنوتات وهما بيسوقو الكتكوتات
انا مش متحيزة اطلاقا واتكلمت عالولاد في البوست

واللي ورانا ينتحر براحته المهم حياة القطة :)

Lady E يقول...

أحمـــــــــــــد أبو العلا : اينعم يا انجينير انا فعلا ظالمه الكتكوتة

وبعدين ازاي الوش اللي بيطلع لسانو جه عندك عاااااااااا مليش دعووووووة
الوش ده تبعي

Lady E يقول...

THE illusionist : اي خدعه يا THE illusionist

والله فرحنالك جدا انك غيرت المبدا بتاعك :) الحمد لله واحد من شعب مصر اقتنع عقبال الباقي