ملحوظة كمان : بالعند في اللي بيسرقو مواضيعي هكتب خواطري ولا يهمني منهم وحقي هاخده لو مكنش في الدنيا يبقى من حسناتهم
عايشة وحيدة متغربة
بدور على روحي ومستغربة
غاب النور عن حياتي
والبسمة والفرحة وضحكاتي
كل كلامي عنه وحكاياتي
ايوة كان وكان وكان
بس في لحظة قلبي على قلبو هان
مش قادرة اسامحه
بس ببكي على جرحه
هسامحه ازاي وهو اناني
بيقول بيحب وبينسى الاماني
وازاي ممكن انسى دموعي
وازاي انسى عذابي
طريقنا مش واحد
صعب اديه الامان
وهو جرح وباع وخان
يارب صبر كل حبيب
وصبر قلب جواه
دموع والم ولهيب
هناك 43 تعليقًا:
جميله ومبدعه دائما لكنى لست افهم بالخواطر والاشعار حتى ابدى نقدى عليها لكن ان تعلمتها كنت ناقد لكن ارى انها جميله فعلا
وده تانى تعليق عشان خاطر الاولانى مش يزعل
بأه دى اخر حاجه هقراها قبل منام الاقى كآبه وخيانه وهجر :( يلا ربنا يسامحك
وانا كمان بتضامن مع صوت من مصر مش لانى مش بفهم بس لانى فقدت الاحساس بالخواطر والاشعار تقدرى تقولى مشاعرى صدت:)) والحجات دى مش بتحوق فيا دلوقتى فبقراها زى مكون بقرا الجرنان,بس طبعا انتى عجبنى الوزن حلو بجد.وعلى فكره انا كنت بكتب الحجات دى من سنين بس اتعزلت :) وسيبتها مدفونه.
بالتوفيق فى الامتحان ياجميله.
انتي ها تعيطيني وايوشة هاتعيطني
عااااااااااااااااااااااا
يا شريريييييييييييييييين
بس جميلة برضه
فعلاً ... مش مهم السرقة ...المهم ان الابداع لا ينتهي ... خلي الحرامية يسرقوا لكنهم مفلسين في الآخر
تحياتي :)
جميلة جدا يا ليدي
صعب الواحد يدي الامان لمن خان
وأحلي حاجة انك ميهمكيش الحرامية يا قمر
انا كمان بالعند فيهم هنشر خواطر فى مدونة مخنوقة
يارب الامتحانات تخلص على خير ان شاء الله.. وربنا معاكي
جددت حبك ليه ياض
وهسيبك للزمن وهو يربيك
وحاجات كدة
D:
جميلة طبعا جدا :)
وزعلانة
العدالة وجهة نظر
الكل يطالب بالعدالة ولكن من وجهة نظره
فالقاتل يطلب البراءة باعتبار القتل قدره
ويتناسى ســــــفكه للدماء وظلمه وغدره
ويتباهى بنفسه لتخليص القتيل من كدره
ويعتقد ان هذا دوره المعشعش فى صدره
فلا يخجل من ازهاق الارواح على مدى عمره
ولا يدرى انه بقتله للاخر بيستعجل حفر قبره
وسينال العقاب المناسب ولن يطول صبره
==========
ناجح يوسف فهمى
جمييييييييله كلماتك ياليدى
تسلمى
حتي ولو اتسرقت افكارك واتكتب عليها اسم غير اسمك
كفاية انها هتفضل جواكي وحدك ونابعه من كيانك
سلمت يداك ........ روعه والله
ف أي حد هيربط بيني وبين الخاطرة هيتعلق على باب المدونة
بكده انا اقدر اقول
انك فى مود زى الفل
والخاطره مع ان كلها من نوعيه
انت ندل وجبان وخاين وعميل
لكن انتى فى مود كويس
للصبر حدود , هجرتك , جددت حبك ليه ياض
اما بالنسبه للاغانى دى
مينفعش تسمعيها
عشان بالذات
بعد للصبر حدود
لازم هتموتى حد
وخصوصا بقى لو بتشوفيه كتير
و
بلاش تعلقينى على باب المدونه
رغم انها مش اول مرة اتسرق
لكن دمى محروق اوى
لأنى بجد مش ناقص سرقه كمان
بس ميرسى يا اي انك نبهتينى
وبجد الخاطرة دى تحفه
وربنا معاكى فى امتحاناتك
ce qui est très bon
من غير ماتعلقي حد على باب المدونه ولا حاجه ياستي
يارب صبر كل حبيب, صبر قلب جواه دموع والم ولهيب
حلو اوي البيت ده
جميلة بجد جدااااااا (:
ربنا يوفقك يارب
وفعلا بجد السرقة حاجه تضايق
بس مش هتخليكى متكتبيش
ربنا يزيدك
هبقى مبالغة ولا اية!!!
بس انتى بتسكتى بتسكتى وطلعى من مشاعرك كلام جميل اوى
افرحك بقى بالاخبار الجديدة طلع مسرررروق منى 7 بوستات اى والله واشتركت فى منتدى منهم وقالتلهم المشرفة رديت عليه وقالت للبنت الى سرقت ياحبيبتى ابقى اكتبى عن الحاجة منقول
ياسلالالام اخدتى انا كدة حقى وكتبوة منقول من غير حتى اسم الىنقالين مه!!!
حسبى الله ونعمه الوكيل
ايييييييييه ده كله؟
الست عامله معاكى شغل جميييييييييل
ودماغ عاليه قوووووووى
ههههههههههههههه
صباح الخييييييييييير
انا قريت في بلوجات اخرى ان في بوستات منك اتسرقت وزي ما خلاص بقت زي الهوا السرقة وصلت للتدوينات خلاص
اهم حاجة انك تولي ظهرك لمثل هؤلاء الاشخاص وتستمري في كتابات,,,فخرك انهم بيسرقوا ابداعاتك حتى لو انتحلوا شخصيتك فهم التقليد وهم ادرى بحقيقتهم.
بالنسبة للبوست بقى...
الاستمرار بتفائل اهم بكتير من التوجع على الماضي يا ليدي
الي خان باع لانه استهان بس في الاخر هو الي خسران
كلماتك متناسقة
كيب اوون ليدي...:)
أكثر من رائعة
بجد كلها احساس
كيف لمن ادمى قلبنا ان نسامحة
رائعة انتي
استمري
حلووووه اووووووووي تعبيراتك ياليدي
دمتي مبدعه دائما
طيب اسمعيه
حاولى تفهميه
ممكن تظلميه
لو ما سمعتيهوش
اكيد عندة اسباب
دفعته للغياب
وهايبقى اكبر عذاب
لو ماصالحتيهوش
يمكن حبك بجد
بس الظروف اقوى
مش معناها خيانه
يمكن مافهمتيهوش
معلش بس الخاطرة عجبتنى ودفعتنى للرد:(
اسقف يعني ولا اعمل ايه
بحب البنت الي تقدر تلملم جرحها وتمشي لقدام وتعرف تحدد هي فين
جسدتي نموذج يحتذى بيه يا ليدي والله
تسلم ايديكي ياروح قلبي
بحبك
صوت من مصر : اهلا بيك في اول زيارة للمدونة
والخواطر بتتحس اكتر من انها بتتفهم يعني مش شرط تكون دارس فنون النحو والبلاغة والعروض علشان تقدر تحكم عليها لأن الخواطر غير الأشعار
شكرا على رأيك وعلى اول وتاني تعليق
الشعب لابد له من حكومه تشكمه : طبعا دي حاجه مهمة جدا انك تقرأي الخاطرة دي قبل ما تنامي علشان تحلمي احلام سعيدة :)) مش بدل ما تسمعي ثومة ولا ايه؟؟
وليه يا حبيبتي فقدتي الاحساس بالخواطر والاشعار هو صحيح اكتر من نص الكلام بيبقى كذب بس برضه الاشعار والخواطر بتغير المود وبتخليكي عايشه في حالة من الرومانسية او الفرحة او الاستئكاب على حسب نوع الخاطرة او الشعر
خواطر تايهة ومدفونة يا ولاد الحلال
لازم لازم لازم تطلعي الخواطر المدفونة دي انا متأكده انها خواطر حلوة زي صبحتها الحلوة
ربنا يكرمك يارب اخيرا لسه امتحان واحد
دايما منوراني يا احلى شيمو
ستيته حسب الله الحمش : ما عاش ولا كان اللي يزعلك يا دكتر
وليه بس كده انا مش شوريرة
الخيانة هي اللي شوريرة
وكمان ايوشة مش شوريرة
اليأس هو اللي شورير
تسلميلي يا دكتر وبجد كنت مفتقدة تعليقاتك الجميلة
تامر علي : الابداع كلمة كبيرة اوي بحاول اوصل لمعناها يا ا/تامر
شكرا على تعليقك ورأيك الجميل
MaNoOoSh : الخيانة من ابشع الحاجات اللي ممكن تحصل في الدنيا لانها قتل للروح
وبجد فرحت اوي انك هتنشري الخواطر في مدونتك مخنوقة مش لك وحدك علشان اكيد الخواطر بتاعتك جميلة ومش هينفع تحرمينا منها
وربنا يستجيب دعائك يااااارب والامتحانات تخلص على خير والنتيجه كمان تبقى خير عااااا
كفايـة طيبـة : انتي الاجمل يا قمرايا
بس مين اللي زعلانة انتي ولا الخاطرة ؟؟ :)
اجازة سعيدة ليكي ان شاء الله
ابو المفاصل الواصل :
فلا يخجل من ازهاق الارواح على مدى عمره
ولا يدرى انه بقتله للاخر بيستعجل حفر قبره
وسينال العقاب المناسب ولن يطول صبره
خاطرة جميلة بجد
حاولت اعلق عليها في مدونة حضرتك بس للاسف التعليقات مش بتفتح معايا
صمت الحنين : تسلملي يا قمرايا
انتي الاجمل
beautiful mind : اهلا بيك
ما هي علشان افكاري ونابعه من جوايا اضايقت لما اتسرقت
تخيل مثلا ان حضرتك جبت لاب توب واللاب توب ده كان معاك على طول وفجأه اتسرق منك هتحس بإيه؟؟
ده مجرد حاجه مادية واكيد هتزعل وهتتضايق ويتحرق دمك لما يتسرق منك ما بالك بافكارك وقيمك وكلامك لما يتسرقو ؟ اعتقد ان الاحساس بيكون اصعب
شكرا على رأيك الجميل
دمت بخير
The Illusionist : انا في مود زي الفل؟؟ ولا زي الياسمين :) اصلها تفرق
ومين اللي قال اني هعلقك على باب المدونة؟؟
انتا اللي هتروح تعلق نفسك على باب المدونة علشان تبقى عبرة لكل حد يفكر يربط بيني وبين الخواطر اللي بكتبها نياهاهاهاهاها
ربنا يوفقك في الامتحانات يا باشمهندس
ويوفقك في النتيجة لو كنت خلصت امتحانات
blue-wave : شكرا ليك
وعلى فكرة في ليدي قبل ال e
أحمـــــــــــــد أبو العلا : ليه يا انجينير هو انتا ربطت بيني وبين الخاطرة لا سمح الله (وش بيهدد)
يارب صبر كل حبيب, صبر قلب جواه دموع والم ولهيب
وبعدين مين اللي قال ان ده بيت هو حد عارف يبني بيوت الايام دي
هتخلي الضرايب تحجز على المدونة كدا :)
ce qui est très bon
على فكرة مواضيعك هي اللي كده :)
e_emy : عاش مين شافك يا ايمي
هابي اجازة وعقبااااااااااالي لسه مادة غلوسه
تسلميلي يا قمرايا
كيكى عوووووو : جميل واوي كمان
بتجامليني يا صبحتي
ثانكيو
وتصدقي بجد بلوم نفسي اني قولتلك تعملي سيرش بس برضه مكنش ينفع اسكت وانا كنت متأكده ان بوستاتك بتتسرق لان اسلوبك ما شاء الله رائع وزي ما بيقولو السهل الممتنع
تاتش وود :)
وهانت لسه لي امتحان ونشوف موضوع بوستاتك المسروقة دي
حسبنا الله ونعم الوكيل
عاشقه الرومانسيه : ههههههههههههههههههه دماغ عالية وصباح الخيييييييييير انتي تقصدي ثومة ولا قرش كابتشينو ؟ :)
Rooma Qandil : كلماتي محتارة يا روما اقول ايه انا بعد الكلام الجميل ده
منوراني بجد
جارة القمر : بجد انتي اللي رائعة يا جارة القمر
وفعلا صعب نسامح من ادمى قلوبنا
دمتي بخير
صمت المشاعر : مفيش احلى منك يا زميلتي الغالية
اخبار الامتحانات ايه
انا لسه لي امتحان واحد وافراج بعدها :)
عايشة وحيدة متغربة
بدور على روحي ومستغربة
...
...
...
ايوة كان وكان وكان
وكان وكان بس لسة هيكون وهيكون
مش هنفضل على طول فى كان
وننسى معاه الزمان
طبعا صعب يرجع الامان والثقة تانى
الخاطرة دى تحفة يا ليدى
يارب تكونى بخير
تقبلى مرورى
blue-wave : انانـــــــــي
ايوة انانـــي
عايزني اسمعه علشانه ومش عشاني
سمعته وسامحته كتير
وكنت على قلبه من النسمة بغير
بس خلاص فات الأوان
ليه اسمعه وهو مش بيسمعني
وليه افهمه وهو مش بيفهمني
مستني ايه بعد ظلم قلبي
ليه راجع بعد الغياب
ليه بيزود الألم والعذاب
مفيش ظروف تقدر تقاوم هوى الأحباب
بس يا خسارة
حبه ليا كان وهم وسراب
اعتقد المسمى الصحيح مش الرد على الخاطرة لأن مفيش حد مقصود بيها اصلا
MǿиY El-Shreef : ميييييييين دي اللي جسدت نموذج
يا بنتي انا قولت في اول البوست ان الخاطرة مش عني دي نتيجة مود معين لأغاني ثومة
وعلى فكرة انا كمان بحبك بس ده ميمنعش انك هتروحي فورا على باب المدونة وترفعي ايدك لفوق عقابا ليكي عااااااااا
احساس طفلة محبة للرومانسية بس واقعية : قبل ما تكتبي الكومنت كنت لسه بجيب في سيرتك ومستغربة اني بشوفك جيتي المدونة بس مش بتكتبي كومنت قولت لعل المانع خير ولسه مخلصتش كلامي وبشوف الكومنتات لقيت الكومنت بتاعتك
تسلمي يا قمرايا ع المجاملة الرقيقة
وبعض ما عندكم :)
نورتيني
إرسال تعليق