الجمعة، 16 سبتمبر 2011

فاصل ونواصل





أخيرا وبعد عناء عرفت اعمل أب لود لصورة من صور رحلتي من مسقط لمصر -الصورة اللي فوق دي- وده طبعا بعدما صغرتها علشان بلوجر يتكرم ويتعطف عليا ويعملها أب لود

النت عندي بطيء وانا عندي برد للمرة التانيه على التوازي في أقل من شهر :) وكله من روفي بنت عمي اللي كانت عمالة تعطس على طول وانا بلعب معاها وبجري وراها بالمناديل وكمان من تغيير الجو وبكده المناعة اللي عندي مش شايفة شغلها كويس وأي برد او انفلونزا ماشيين بيتفسحوا بتنادي عليهم زي ما تكون رادار وبيلقط الانفلونزا والبرد

المشروب اللي فوق ده تشوكلت كريم من ستاربكس كنت في مطار البحرين ترانزيت وكان قدامي ستاربكس وطيارتنا اتأخرت ساعة فوق الساعتين الترانزيت فطلبت التشوكلت كريم ومع اني جربته قبل كده في عمان لكن في البحرين طلع احلى بكتييييير نفس الطعم بس التلج كان مجروش كويس - حلوة اللغة العربية الفصحى دي -

ولأن المشروب ده رائع وفوق الفظيع وبيحسن المود ومفيش ستاربكس في دمياط وانا مفتقداه وكمان ستاربكس مصر مبيعرفوش يعملوه كويس فأنا بهدي لأي حد هيشوف البوست ده كوباية التشوكلت كريم اللي فوق دي وللي بيحبوا القهوة بهديهم موكا فرابتشينو وربنا يسهل وأخف واكتب تاني بعيدا عن التهييس

------------------

ملحوظة مسحت البوست اللي فات واحتفظت بالتعليقات وبشكركم من كل قلبي على تعليقاتكم اللي حاليا مش هقدر ارد عليها

هناك 17 تعليقًا:

Miss LoZa يقول...

اااااااه
تصدقى فكرنى بالسنداى بتاع ماك
وحشنى برده
ومقبولة منك الايس كريم ده بما انى بموت فيه :)

بنت قلبى يقول...

يارب اكون اول تعليق يارب يارب

شوكولاتة يقول...

شوكولاتة وكمان من ستار باكس لطفك يارب كل اللي جربوا ستار باكس برا قالوا ان ستار باكس مصر تقريبا كده بيبيهملوش أي لازمة

سلامتك ياقلبي

بنت قلبى يقول...

كان نفسى اعرف اول تعليق ولا لاء نفسى ارجع ايام الرخامه بس يلا مافيش نصيب
ارجع بقا اشوف البوست اصلى الايس كريم اغرانى

بنت قلبى يقول...

اولا كده الف سلامه عليكى
وبالبرد دا نقلك شرفتينا
ومافيش حته طيب
اى حته يعنى اصل الجو حر اوووى

P A S H A يقول...

علل : " موكا فرابتشينو" ؟؟


أنا أه باعشق القهوة بس استحالة أغضب ربنــا هههههههههه

متشكرين على الآيس كريم وألف سلامة

خالص تحياتي

شمس النهار يقول...

حمد الله علي السلامة
مصر نورت
وموافقة علي الهوت شوكلت بس من غير كريمة
:))

Bent Men ElZman Da !! يقول...

الف سلامه عليكى يا ايناس
ويارب تبقى احسن ان شاء الله :))

حَنيّـن نِضال يقول...

سلامة قلبك من كل شر و ان شاء الله تتحسني و الفاصل مش يطول اكتر من لحضات ^_____^

قلم رصاص يقول...

فرابتشينوا!!!
دي قنااااااااابل؟!!!
هههههههههه

عموما اعمل حسابي بأي وضع
واهو كله في سبيل مصر وثورة يناير
:)

AHMED SAMIR يقول...

يعني لو عايز من دة...اروح مطار البحرين و اطلب واحدة و لا ايه؟
تحياتي

Lady E يقول...

Miss LoZa : بالهنا والشفا يا لوزتي

نورتيني

Lady E يقول...

بنت قلبي : اول مكرر يا بنوتة :))

Lady E يقول...

شوكولاتة : ههههههه أيون عارفه انك من عشاق الشوكولاتة يا شوكولاتة :) وخصوصا الهازل نات :)) كل لما كنت بجيبها كنت بفتكرك :)

ستاربكس زيه زي اي فرع لسلسة مطاعم بره وجوه مصر عندك كمان بيتزا هت وكنتاكي بره مصر غير جوه مصر للأسف

تسلميلي يا حبي

sony2000 يقول...

انا عاووز من دا ياحزووومبل انا عاوز منننننن داااااااااا:)

يارب تيجي بالسلامه

rona ali يقول...

موش عارفه دلتى البوست اللي فات اهئ

يلا المهم
انا الصراحه مبحبش طول الوقت اقول وانا كمان بس مضطرة انا كمان عندى برد للمرة تالته ومش هيخلص لان كل البيت واخده وبرد الصيف فظيع رهيب مريب
لذلك الله معك والف سلامه عليكى

هديتك مقبوله بموت في الآيس
رغم عدم حبي لستار باكس لانى طبعا مجربتش اللي بره :):)

ربنا يشفيكى ويعافيكى ويبسطك :)

نيللي علي يقول...

السلام عليكم ورحمه الله
سعيده يكون اول رد ليه بعد غياب يكون على موضوع فى اىس كريم وقهوه شئ بيطير العقل ..ربنا يشيفكى من البرد ..وربنا يسعد ايامك وينولك اللى فى بالك