السبت، 15 يناير 2011

فلرب مغلوب هوى ثم ارتقى

أحيانا يتصرف الأخرون تجاهنا تصرفات لا نستطيع تفسيرها الا بالمقولة الفلسفية الشهيرة والعميقة والمتعمقة التي تقول : شرب السبيرتو واللي جالو جالو

أدرك الأن جيدا أنني لو أخذت المواقف الجادة التي تحدث في الحياة بتراجيدية ومأساوية ودراما لقضيت عمري كله في البكاء والحزن ولكنني أدع الألم يتسلل لي قليلا الى أن يطمئن ثم أرى المواقف والمشاهد التي تحدث بشكل كوميدي وأبتسم فينحسر الألم كشبح خائف مذعور ويتوارى خلف تلال الرماد المحترقة

لكن حينما أتأمل حال العديد من البلاد العربية لا أجد للكوميديا أو للطرافة أي مكان فالبداية كانت فلسطين التي تحولت لإسم أخر على كل الخرائط الحالية وأخشى أن لا تعرف الأجيال القادمة بوجود بلد عربية تسمى فلسطين

وبعدها ضاعت العراق التي كان بها أكبر عدد من العلماء وحاملي الماجيستير والدكتوراة وأصبحت ممزقة جريحة لا يسمع أحد عنها أي خبر سار ثم تونس التي سائت أحوالها بسبب الفقر والبطالة وسوء الأحوال والسودان التي تتمزق وتنقسم والفتنة الطائفية في مصر التي يحاول الكثير من الناس احتوائها قبل أن تصبح نارا ضارية تبتلع الجميع وعدم الاستقرار السياسي في لبنان وتدهور المعيشة في سوريا

كل ذلك يدعوني أن أسترجع أغنية وطني حبيبي الوطن الأكبر يوم ورى يوم أمجاده بتصغر وانكساراته ماليه حياته وطني بيخسر وبيدمر :( وأعود لأتذكر ابيات ابن النيل حافظ ابراهيم

لا تيأسوا أن تستردوا مجدكم

فلرب مغلوب هوى ثم ارتقى

فتجشموا للمجد كل عظيمة

إنى رأيت المجد صعب المرتقى

عار على ابن النيل سباق الورى

مهما تقلب دهره أن يُسبقا

فتعلموا فالعلم مفتاح العلا

لم يبق بابا للسعادة مغلقا

ثم استمدوا منه كل قواكم

إن القوى بكل أرض يتقى


هناك 11 تعليقًا:

MaNoO يقول...

على فكره من الذكاء اننا ناخد المواقف منها الجد ومها لضحك على حسب ما سناسب طبيعتا بل وعلى حسب ما يرضيها ويساعدها كمان
تعرفى انى كنت هكتب بوست عن اللى حصل دا وكتبتبه ونشرته فعلا ورجعت مسحته تانى قلت ملوش لازمه الكلام وعملت بوست انترنت بلا فتنه قلت اهو خير والواحد اما بيعمل خير بينسى شويه الحاجه اللى بتضايق
وبرده فى كل الاحوال ما احل التفاؤل فى كلمات حافظ ابراهيم
فتعلموا فالعلم مفتاح العلا
ولم يبقى بابا للسعاده مغلقا
وبس كدا
وصباح الخير

Lady E يقول...

MaNoO : صباح الورود المعطرة والفل والياسمين

"على فكره من الذكاء اننا ناخد المواقف منها الجد ومها لضحك على حسب ما سناسب طبيعتا بل وعلى حسب ما يرضيها ويساعدها كمان " مفهمتش قصدك أوي ممكن توضح الجملة دي اكتر

اكيد الخير بيعود على الإنسان بخير وبيخليه متفائل وايجابي ومرتاح راحة نفسية

درست قصيدة حافظ ابراهيم في سنة خامسة بيتكلم عن الشباب والنشأ والتفاؤل بيهم

دمت في احسن حال

MaNoO يقول...

انتى قلتى انك لو اخدتى المواقف الجاده اللى بتحصل فى الحياه بتراجيديه وماساويه هتقشى العمر كله بعيد الشر فى البكاء والحزن

انا بقى بقولك انه من الذكاء أننا ناخد المواقف دى مره جد ومره ضحك على حسب اللى يناسب طبيعتنا او حالتنا فى الوقت اللى بتحصل فيه المواقف
وكمان على حسب ما يرضينا بمعنى اننا نحس اننا مثلا لو ضحكنا فى الموقف دا هبقى أقوى او هبقى اسعد مش شرط ازعل من المواقف اللى بتزعل كلها لانى بكب بساطه بحب ابقى مبسوطه مثلا يعنى
وبس كدا يارب تكون وصلت عشان معنديش استعداد اسيب فيروز وارجع اشرح تانى

Lady E يقول...

MaNoO : نورت المحكمة
يبقى انا فهمت صح من تعليقك الأول

انا قولت تراجيدية ومأساوية مقولتش جد لأن انك تاخد الأمور بجدية مختلف عن انك تاخد الأمور بنظرة سودا تماما

وربنا ما يحكمك على طلاب غلابة

وما أحلى الصباحات على صوت فيروز وحليم أحيانا
بطلوا تقليد بقى :)

غير معرف يقول...

لمواقف والمشاهد التي تحدث بشكل كوميدي وأبتسم فينحسر الألم كشبح خائف مذعور ويتوارى خلف تلال الرماد المحترقة
*************
الجمله دى ساحرانى بشكل
***************
ادتينى امل فى نهايه البوست
لعل وعسى يانونتى
لعل وعسى
^_^

مدونة رحلة حياه يقول...

السلام عليكم
كلمات بسيطة ضغطت على جراح كتير ودواها هنا:
فتعلموا فالعلم مفتاح العلا

لم يبق بابا للسعادة مغلقا

ثم استمدوا منه كل قواكم

إن القوى بكل أرض يتقى
هكذا امرنا ربنا (وأعدوا )

sony2000 يقول...

علي رأيو فعلا
طلب أستأذان
انا اخدت الشعر دا
وحطيتو عندي فالفتيس
نونكن ولا؟

~ISLAM~ يقول...

اكيد لازم تحزنى عشان تحسى بطعم الفرحه
وجميل اوى تصرفك وتحولك ده
اخدعى الاحزان واضحكى وده بيقويكى اكتر
بالنسبه للوطن العربى ده موضوع كبير
مش هرد غير بكلمتين لنا الله
ربنا هيصلحلنا الحال لو احنا اتصلحنا
تحياتى ليكى

Gehad mousa يقول...

سلمت اناملك دوما
تدوينه رائعه جدا

غير معرف يقول...

لا فض فوك ! أحسنت إختيار الأبيات الملهمة !!

محمد ناصر

YaQeeN يقول...

انتى عارفه..يمكن انتى بتشوفى المشاهد دى..مره تضحكى ومره تبكى..
مبالك باللى يشوف الحاجات دى مش عارف يضحك ولا يبكى..محتار بصراحه يعمل اى فيهم..
انا مش عارفه اللى بيحصل ده انتقام مننا لاننا ساكتين..ولا غضب من ربنا علشان الفساد والفروق الظاهره بين طبقات المجتمع..ولا ايه ولا ايه..

يعنى امبارح مثلا فى مصر 85 مليون ميتحركش منهم غير 5!!!!
طب ليه..على اساس ان مصر كلها 5

وعلى النقيض تماما 10 مليون فى تونس كلهم يتحركوا ويغيروا تشكيل حكومه بحالها..

عندك اجابه..