الخميس، 11 فبراير 2010

لونها لون فرحة والنهاردة مش جارحة


ياااااااااه النهاردة كان يوم جميل جميل جميييييييييل 10/2/2010
سافرنا للقاهرة أخيرا
ركبت المتروووووووو ياهووووووووو ايه الاحتراع اللي كله تكنولوبيا ده حبيته حبيته حبيييييييته لأ بصراحه 100 فل وطبعا ممكن أظهر ان عندي تاتش هطل لأني فرحانه بالمترو بس يا جماعه راعوا اني قرويه بس مش ساذجه :)
وأخيرا أجمل حاجه في اليوم بعد سنتين انتظار قابلت توأم روحي كيكي عووووو
وعو عو عو عو عو عو :) بجد يا كيكي كان يوم خياااااااااال ميرسي عالهدية يا حبي ومش هقول الهدية كانت ايه (وش بيطلع لسانه )
وكمااااااااان رحت معرض الكتاب لأول مرة في التاريخ مع مامتي وخالتو
وفي الحقيقة المعرض عايزله يووووووم لوحده انا ملحقتش اروح كل المعرض ، الوقت فات عليا وانا في مكان في المعرض اسمه سور الأزبكية واتجننت لما لقيت كتب لبرنارد شو وتي اس اليوت ب 3 جنيه واسعار لا تذكر وجبتهم فورا
ملحقتش أجيب كتب المدونين وكتاب سفينة نوح لخالد الخميسي
بس ان شاء الله هجيبهم من مكتبة الشروق يوم الجمعة الجايه
كنت حاسه ان ف حاجه هتحصل تاخد شوية من سعادتي وقد كان نسيت الغدى بتاعي قبل ما نروح لما روحت بشوف الشنط ملقتوش معايا عااااااااا
بس برضه فرحاااااااااااانه الحمد لله
معلش مش عارفة احكي بالتفصيل علشان انا عند خالتو والكيبورد بتاعتها بشعه
شكر خاص لمامتي حبيتي لأنها كانت تعبانة شوية ومع ذلك ملغتش السفر
وشكر خاص لكيكي وهي عارفه ليه
وشكر لخالتوا بالمره :)
اليوم بجد كان رائع بيكم
ملحوظة التعليقات اللي في البوست اللي فات ان شاء الله هرد عليها

هناك 22 تعليقًا:

احساس طفلة محبة للرومانسية بس واقعية يقول...

غظينى كمان غظينى يا ليدى
انا هموووووت واروح معرض الكتاب
اصلا هموت واشترى كتب حتى لو من اى مكان بس ابطل اقرى من على النت بقى

يارب يا حبيبتى كل حياتك تكون سعيدة
و ولا يوم تكون جارحة :)
دمتى بكل خير
تقبلى مرورى

عاوز اصحي يقول...

انتي فرحانه بالمترو بس امال راحت فين السلالم المتحركه دي اجمد حاجه في المترو اللي بحبها

انا رحت المعرض وكنت فاكر اعدي علي سور الازبكيه بس للاسف نسسسسسسسيت

يالا حصل خير

أسماء أحمد فى حفلة تنكرية يقول...

كنت فى المعرض امبارح يا بختك بجد
كان نفسى اروح والله
بس مافيش حد يودينى
وانا اقول ليدي بتكنسلنى امبارح ليه
اتريكي فى المعرض
الله يسهلو ياعم
نفسى اجيب كتاب واحد بس
كفيانى قرايه من ع النت
احساس جميل بردو فى المترو
يارب تكونى سعيده دايما
وابقى افتكرينى وعدى عليا فى المنصورة بالكتكوته هههههه

star in the sky يقول...

الحمد لله يا حبيبتى انك انبسطتى وفرحتى يارب دايما فرحانة


بختك يا عم رحتى المعرض هووووت واروحه

وربنا يخليك ماماتك وخالتو

ابقى طمنينا عليكى لما ترجعى

ستيته حسب الله الحمش يقول...

ههههههههههههههههههههههههه
فكرتيني بعفرتو
رحنا المتحف المصري بالمترو
قام واقف كده وقال المترو ده مش نضيف خالص
قلت له جيت على انضف شيء في بلدك وشفته مش نضيف
ياترى ها تعمل ايه يابني بكرة
ههههههههههههههههههههههههه

فرحانة انك انبسطتي
ربنا يديم عليكي الفرحة دااااااااايما

بطوط حبوب يقول...

المترو نور :D

لولا وزهراء يقول...

بجد فرحانه بكلامك واشعر بفرحتك تتطل من بين الكلمات
انا كمان نفسى اروح معرض الكتاب
لما يجى اسكندريه ان شاء الله

ياااااااااااااارب ايامك كلها فرح وسعاده وهنا
ياااااااااااااااااااااااااارب
فرحانه بكلامك جدا جدا

زهراء

Lady E يقول...

احساس طفلة محبة للرومانسية بس واقعية : وانا أقدر برضه اغيظك يا حبي

ربنا يحفظك وبلاااااااش هموت دي :(

ممكن تعملي برينت للكتب من عالنت وبالطريقة دي هتبطلي تقرأي من عالنت :)

أمين يارب وانتي كمان وكل المسلمين

دمتي بكل ود وحب

Lady E يقول...

عاوز اصحي : ايوة طبعا اصل السلالم المتحركة دي موضة قديمة وعارفاها من وانا طفله كنت بطلع وانزل من عليها كتير كانت اختراع جديد برضه :)

لكن المترو كانت كل علاقتي بيه اني بشوفه في الافلام فأخيرا أخيرا شوفته وكمان مشيت في القاهرة بالمترو ايه الخيال ده :)

المترو والطيارة بجد أحلى مواصلات

حصل خير أكيد
انا ملحقتش اروح في المعرض الا سور الأزبكية فيه كمية كتب انجليش وعربي مهووووولة تحس ان جالك تخمه من كتر الكتب

Lady E يقول...

أسماء أحمد فى حفلة تنكرية : وانا أقدر اكنسلك برضه يا سومه عيب عليكي

وبعدين ممكن تجيبي كتب من عندك من المنصورة عندك مكتبة اسمها بوكس اند بينز في المشايه امام جزيرة الورد دائما باجي المنصورة اجيب منها كتب

وربنا يسهل يا سومه هحاول اجي المنصورة ان شاء الله في كتاب بدور عليه اسمه لماذا من حولك اغبياء لو ملقيتوش النهاردة في مكتبة الشروق هنزل المنصورة علشان اجيبه :)

أم .. بوبه يقول...

يا حبيبتى

انتى فرحانة بالمترو

هههههههههههههههههههههههههه

ضحكتينى يا عسل .. فعلا طفلة ومش هتكبر

أكيد بقى نزلتى وطلعتى على السلالم المتحركة وقولتى عمااار يا مصر

ههههههههههههه

رحلة سعيدة يا جميل وربنا يسعدك كمان وكمان

Bent Men ElZaman Da !! يقول...

وانا بقول القاهره كانت منوره ليه :)
بجد من احلى الحاجات فى معرض الكتاب سور لازبكيه
فيه كتب ماتتخيليش تلاقيها وبأقل الاسعار ودى الحاجه الهايله فيه
يمكن زيه زى سور الازبكيه اللى ناحيه العتبه لو تحبى تروحيه فى مره تانيه ان شاء الله يمكن يفيدك
الحمد الله يا قمر انك اتبسطتى
وده يكون سبب يبعدك عن حاله الاكتئاب اللى كنتى ناويه عليها :)
اول ما دخلت وسمعت اغنيه العو
ضحكت مش عارفه ليه :D

sweet angel يقول...

كويس اني جايه اعلق في حاجه فيها فرحه

احسن من الاكتئاب الي ماسك في المدونين الايام دي

كيكى عوووووو يقول...

عارفة انا كل ما اضايق اجى ابص ع البوست واسمع الاغنيه وابص ع الورد
استريح شوية نفسينا!!
يارتنى كنت سمعت كلامك وكنتى اديتينى ال........لان التيييييييييييت ادتهانى وتعبانى جداا ومبهدلانى اوى والنهاردة فى واحدة كمان
افففففففف

Lady E يقول...

star in the sky : تسلميلي يا حبيبتي

يارب تروحي المعرض ياااارب ولو مروحتيش في مكتبات كتير بتبيع كتب حلوة ولو انتي مش في مصر فالنت عليه كتب كتييييييييير برضه ممكن تقرأيهم :)

ستار مش عارفه ليه حاسة اني اعرفك من زمان

وانا الحمد لله رجعت بالسلامه

Lady E يقول...

ستيته حسب الله الحمش : المترو مش نضيف يا عفروتو كان الله في عونك يا ابني
اومال الشارع ايه

فرحانه بيكي دائما يا احلى خالتو

ربنا يديم ضحكتك الحلوة

Lady E يقول...

بطوط حبوب : أخيرا بطوط زار مدونتي

أهلا بيك وان شاء الله الزيارة تكرر

دمت بخير وأكيد المترو نور :)

Lady E يقول...

لولا وزهراء : زهراء القمر منوراني دائما

ان شاء الله تروحي المعرض في اسكندرية انا كنت هاجي اسكندرية بس جبت كتب كتير أوي وبقى عندي اكتفاء ذاتي :) الحمد لله ولسه كمان بدور على كتاب زغازيغ ولماذا من حولك أغبياء

ربنا يكرمك ويتقبل دعائك وبجد يا زهراء انتي بنوتة جميلة أوي وانا فرحانة بيكي جدا

Lady E يقول...

أم .. بوبه : ربنا يديم عليكي السعادة والضحكة يا ام بوبة

لأ السلالم المتحركة قديمة عارفاها من زماااان من وانا طفلة :)

اللهم أمين وانتي كمان يا قمرايا

Lady E يقول...

Bent Men ElZaman Da !! : القاهرة منورة بيكي يا دودو

بسمع ان كان في سور ازبكية فعلا بس مش عارفة لسه موجود ولا لأ

ربنا يسعد ايامك هي اغنية لذيذة واحلى حاجه فيها عو عو عو :)

Lady E يقول...

sweet angel : اهلا بيكي يا قمرايا

المفروض لما الاكتئاب يمسك فيهم هما يسيبوه ويبعدوا عنه

نورتيتي يا قمرايا

Lady E يقول...

كيكى عوووووو : الحمد لله اني عملت حاجة تريحك نفسيا شوية يا حبي

وانا كمان كل شوية احضن الدبدوب وادلعه :)
والكارت معايا في شنطتي بيفكرني بالبيرسول نياهاهاهاهاها

بعد الشر عنك يا حبيبتي علشان تبقي تسمعي الكلام اقولك اديهالك تقوليلي لأ

ربنا يهونها ومتحتاجيش ليها تاني ابدا