صباح أو مساء الخير
قاعدة في امان الله بسمع أغنية رومانتيكيه جميلة جدا وسرحانه معاها واذ فجأتن موبايلي يرن
وتليفوني رن اه اه تررن تررن واللي رنت أه يا عيييييييني صوتها أحن مش عارفه ليه صوت الموبايل بقى يفزعني المهم اللي كانت بترن خالتو حبيبتي طلعتني من مود الأغنية والرومانسية اللي كنت فيها على صوت جنات مين بيعيش وفطست من الضحك لما الرنة كانت بتقول ليه ده زمان كان اللي يشوفنا يحلف بحياتنا وان احنا لبعض :)
____________________________________
ااااااااه يا وحشة يا تاعبه كل الناس وهو واحد م الناس اللي دابوا فيكي تقريبا تيمو بيغني للإنفلونزا
____________________________________
بمناسبة الفيروسات
ظهر في صلالة انفلونزا الاتش ون ان ون ولغاية دلوقتي اكتر من عشر حالات ولذالك ممنوع علينا زيارة اي مكان فيه زحمه عاااا
وظهر في الكمبيوتر وفي موبايلي فيروسات برضه ولذالك موبايلي ولا بيرسل مسجات ولا بيستهبل
--------------------------------------------------
هكذا احتمل العمر نعيما وعذابا
الله عليكي يا ثومة والله ع اللي كتب ولحن أغنية أغدا ألقاك بجد اغنية جميلة جدا
زمان كنت بترييق على كلماتها لكن دلوقتي عرفت انها اغنية جميلة
--------------------------------------------------
ساعات بتحصل حاجات في حياتنا بتخلينا نقول يارب الزمن يقف ياااااارب الزمن يقف
لكن الزمن مش بيقف اول لما بيلاقي تاكسي بيمشي على طووووول :)
---------------------------------------------------
مسمعتش الألبوم الأخير كله لعمرو دياب بس عجبني الكام أغنية اللي سمعتهم بس اللي مش عاجبني بجد استايل عمرو دياب الجديد
بجد مستفزززز ومش لايق عليه وكمان كليبات أغانيه دايما بيكون لوحده وحواليه موديلز كتير بيرقصوا وده لاحظت انه بقى اسلوب لكليبات عمرو من أول ولا على باله لغاية وياه وف وياه كمان جاب ابنه يغني معاه ووراه بنوتات أطفال بيرقصوا !!
-------------------------------------------------
على أخر الزمن بقرأ أدب فرنسي هو صحيح مترجم للغة العربية لكن أهو بقرأ في حاجه ليها علاقة بفرنسا
الكاتب فرنسي اسمه الكسندر دوما الإبن وروايته اسمها غادة الكاميليا ، الرواية دي مشهورة وقرأت قبل كده مذكرات مارجريت في كتاب اسمه العبرات للمنفلوطي وفعلا الكتاب اسم على مسمى لأن مذكرات مارجريت تقطع القلب ومكنتش اعرف ان المذكرات دي من رواية غادة الكاميليا
الرواية جميلة جدا وكئيبة جدا ورومانسية شوية بس تشجع على تكملتها للأخر مع اني عارفة نهاية الرواية
تقريبا الرواية فيها شبه من فيلم مولان روج شوية
-----------------------------------------------
لسه شايفه ايميلي دلوقتي ولقيت زميلتي في الكليه بعتالي اوف لاين مسج بتقوللي ان خطوبة نورا بنوتة من الجروب بتاعنا في الكلية بكرة ان شاء الله
بجد فرحت جدا جدا وزعلت جدا اني مش هعرف احضر عااااااااااااااا عااااااااااااااا
هناك 23 تعليقًا:
اول تعليق :)الزمن من بيقف عند حاجة ولا عند حد كله بيعدي بيفضل بس شوية ذكريات حلوة او وحشة
عمرو دياب البوم بجد جاااااااامد مش علشان انا بحبه بس علشان الالبوم فعلا حلو وفيه مجهود ويعتبر قمة الالبومات اللي نزلت في الصيف عايزة اعلق ع حته الموديلز مش في كل الكليبات بعد حبيبي ولاباله جه انا عايش واعتقد انه قصة ومكنش فيه موديلز في كليب وماله برضه مكنش فيه موديلز
واكيد مش هتعرفي تحضري الخطوبة طول ما انتي في عكاز وش بيطلع لسانه ومتنسيش البرنطية:)
مبروك لصاحبتك ياقمر وعقبالك
للأسف
عمر الزمن ما بيقف
وعلى فكرة عمرو مش بيعرف يعمل كليبات خااالص
تحياتى
ايه القصقصات المتقصقصه دى
الواحد كل ما يجى يقرء حاجه تخرجيه منها على حاجه ملهاش علاقه باللى قبلها
مبروك لصحبتك وعقبالك يا قمر
انا رجعت تاني علشان اقولك خلي بالك من نفسك ومتروحيش اماكن زحمة او البسي الكمامات بجد مش بهزر خلي بالك من نفسك وربنا يحميكم من اي حاجة وحشة
كل سنه وانتي طيبه
ورمضان كريم
حلوة القصقصااات دي,,,
:d
بالنسبة للرواية الفرنسية المترجمة
اكيد هتبقى جااامدة فحط,,,
رمضان كريم
كنت جايه افصص البوست واقولك وحشتينى اوى وانى افقشة شوية بس الكلام الى فوق التعليق دة خلانى افك شوية
عووو
السلام عليكم
كل سنه وانتى طيبه وعلى فكره انتى وحشتنى قوووووووووووووى وربنا
كل سنه والامه الاسلاميه بالف خير بمناسبة قدوم شهر رمضان المبارك وعقبال كده ما نبارك لخطوبتك ياقمر انتى
وخلى بالك من نفسك وان شاء الله ترجعلنا بالف سلالالالالالالالالالالالالالامه
مودتى
ايناس
صباح أو مساء( علي حسب ما يوصللك التعليق )الموود الجميل يا جميل ؛؛
عقبال ما نحضر فرحك بإذن الله .
ديدي
اولا البقاء لله في جدو يا ليدي
ربنا يرحمة ويجعل مثواه الجنة ان شاء الله
وبجد انا بعتذر عن غيابي بس هي ظروف ملخبطة ربنا يزيلها ان شاء الله
أميرة على كوكب مهجور : تقريبا كده انتي مقيمة في المدونة يا مرمر :)
قمة الألبومات بالنسبة ليكي يا صبحتي في البومات احلى من البوم عمرو لكن طبعا هو صوت محدش ممكن يختلف عليه
وعلى فكرة انا قولت من اول ولا على باله مقولتش كل كليباته يعني عندك ولا على باله وليلي نهاري والليلة دي و وياه كلهم نفس التصوير تقريبا شوية موديلز بيرقصوا وراه وخلاص هو ده الكليب !
وأكيد معرفتش احضر الخطوبة يا رخمه
ومش هجيبلك البرنيطه ولا طقم الكاكاو نياهاهاها (وش بيطلع لسانه )
عاشقه الرومانسيه : تسلميلي يا دودو عقبال فرحك
blue-wave : ساعات الزمن ممكن يقف بس ده بيبقى خيال او نوع من الجنون
وعمرو مش هو مخرج كليباته لكن مش معقول ملوش رأي في كليباته
بـــــسمة انـــــــــور : ههههههههه ماشي يا بسمه
وبعدين فيها ايه يا بنتي ده تنوع
تسلميلي يا حبيبتي وعقبالك ومبروك على الكلية وان شاء الله تبقى خير عليكي
أميرة علي كوكب مهجور : تسلميلي يا قمر
اللهم أمين
خليها على الله
أحمـــــــــــــد أبو العلا : وانتا طيب يا انجينير
والله اكرم
♥ Am fOpa'D ♥ : ههههه برضه قصقصات ؟
جامدة فحط ؟ لأ مينفعش كده ترجمي بقى لسه القاموس الجديد مجاش عندي :)
الله أكرم
كل سنة وانتي طيبة
كيكي : اهلا اهلا
وحشتيني يا بنتي
بطلي قفش وكويس ان الكلام خفف عنك شويه
عاشقة الأحزان : وعليكم السلام ورحمة الله وبركاته
وانتي طيبة وبخير يا انوسه
تسلمي
عقبالك يا قمرايا وان شاء الله تعزميني واكون معاكي يوميها
الله يسلمك من كل شر يا قمرايا
ديدي : ههههههههه ياه ايه التفاؤل ده يا ديدي
وبعدين فرح على طول كده مش في قبلها خطوبة ولا ايه :)
منوراني دايما
MaNoOoSh : ونعم بالله
اللهم امين
يا خبر انتي اللي بتعتذري يا منوش ده انا اللي المفروض أقولك بجد أسفه اني مش بعلق عندك بس بجد متابعاكي وبدعيلك
وان شاء الله ربنا يشفي باباكي
وان شاء الله الظروف الملخبطة تنتهي
بجد كنت مفتقداكي جدا
كل سنة وانتى طيبة
رمضان كريم عليكى
إرسال تعليق