الثلاثاء، 2 سبتمبر 2008

مغلق للتحسينات

بسم الله الرحمن الرحيم

انا كتبت بوست من شوية ولأنه اخد مني وقت كبير في كتاتبه فضميري انبني ومسحت البوست
اهيء اهيء اهيء ولذلك علشان مأحسش بتأنيب الضمير قررت اني اتابع المدونة والمدونات التانيه فقط اليومين دول وخصوصا اني حاسة بالمسؤلية لأن في ناس كتير اضافوا المدونة بتاعتي عندهم وبيتابعوها وعلشان كمان احنا في رمضان وحاسة ان الوقت بيجري بسرعة جدا وانا كمان بجري معاه بس مش لاحقة انفذ كل حاجة عايزة اعملها الشهر ده في رمضان

كل سنة وانتوا طيبين وبجد اذا سمح وقتي هعمل مواضيع جديدة لكن اذا مسمحش فأنتم بجد كلكم على بالي
وخصوصا في صلاة التراويح بتيجوا على بالي علشان تلخبطوني يا حلويين هوصي ابلة ظاظا عليكم


استودعكم الله واستودعكي الله يا مدونتي يا حبيبتي

هناك 42 تعليقًا:

كـــيــــــــارا يقول...

ممممممممممم

ليه بس تغلقيها

عامة عشان العباده برده

كفايه عندنا متابعتك للمدونات

سلام ياتوتا

وكل سنه وانتي طيييييييبه

blue-wave يقول...

لأ بقى
مش كل واحد يقولى هاقفل المدونه خلال رمضان
ماهو ماتقنعونيش ان مش هايكون عندكم ولو ساعه فى اليوم للمدونه
يعنى بذمتكم ناويين تقضوا اليوم كله عبادة؟
يعنى مفيش تليفزيون ولا مسلسلات؟
طبعا لازم نقضى اغلب الوقت فى نقاء روحانى مع ربنا سبحانه وتعالى لكن اكيد هايكون فيه وقت للمدونه
ولا ايه؟

Rannon يقول...

كل سنة وانت طيبة

هو فعلا الواحد بيبقى مش عارف يعمل ايه ولا ايه في رمضان لأنه بيبقى ناوي على حاجات كتيير بيحاول يقسم وقته ليها
عموما لو لقيتي وقت متبخليش عالمدونة بتاعتك واحنا مستنيينك :)
رمضان كريم

Lady E يقول...

كيارا : ياريت علشان العبادة بس يا نونا

شكرا ليكي

وانتي طيبة

Lady E يقول...

blue-wave : أولا انا ليدي مش كل واحد

ثانيا نفسي اعرف ليه دايما معظم تعليقات حضرتك في المدونة فيها هجوم عليا او انتقاد ؟؟؟

وكمان بتتكلم بصيغة الجمع مع اني بتكلم عن نفسي بس
مليش دعوة بحد
كل انسان وليه ظروفه

وبعدين هو عيب مثلا ان الواحد يقضي اليوم كله عبادة ولا ايه (ياريت نقدر)

واكيد في وقت للمدونة للرد على التعليقات او لمتابعة المدونة لكن موضوع جديد صعب جدا لأني باخد وقت كبير في تحضير ونشر المواضيع

عالعموم شكرا على تعليقك يا دكتر مع اني بجد اضايقت منه جدا جدا جدا

Lady E يقول...

Rannon: وانتي طيبة وبخير وصحة وسعادة يا رنون

اكيد كلامك سليم وهو ده قصدي

رمضان كريم والله اكرم يا قمرايا

شكرا ليكي

blue-wave يقول...

يا نهار ابيض؟
انا كل تعليقاتى هجوم عليكى؟
والله العظيم انتى من الشخصيات اللى بعزها جدا وبحبها جدا جدا وعلشان كدا اتدايقت انى مش هاشوفلك بوستات جديدة خلال شهر كامل
عموما ربنا يكرمك ويوفقك ويتقبل منك واسف مليون مرة لو اى كلمه قولتها دايقتك

Unknown يقول...

اييييييييييييييه دة ليه كدة؟؟؟؟ يعنى انا لما اعرف المدونة ما الاقيش بوستات خالص طول الشهر؟؟؟؟
عموما ربنا يتقبل منك صيامك ودعائك وصلاتك ويغفر لك ويعتقك

كيكى عوووووو يقول...

نونتى...
انا مزعلتش زيهم
عارفة لية









؟











؟
لانك معايا
على طوللللللللللللللللللللللل
فى قلبى.........
وكفاية علشان الحسد
امواااااااااااااااااااااااااااة
على فكرة
كاااااااااان نفسى اكلمك اوووووووووى والله
ماااااااااااااشى
هضرا اقدر ظروفك
بس كنت عايزة اكلمك
عووووووووووووووووووووو

Mona Shereif يقول...

يا حبيبتى ان شاء الله رمضان يكون علينا خير دايما
وهقولك انا فكرت زيك كده وكنت مش هدخل المدونه نهائى طول شهر رمضان
بس فكرت فى فكرة اجمل انى كل يوم اعرف معلومه جديده احطها علشان اذكر نفسى بيها ولو حد زارنى يعرفها
ومش هطول فى التعليقات يعنى سايباها لظروفها ممكن اعلق وممكن لاء
اهم حاجه خلينا مع ربنا فى كل خطوة
وشعارنا ان شاء الله
سأحيا بالقران

كل سنة وانتى طيبه يا قمر
بس كنت عايزه اسألك سؤال هو انتى ليه مسميه نفسك ليدى؟؟؟
ههههههههههههههههههههههه
معلش انا فكرت فيها انتى مدونتك طفله مش عايزه تكبر بس اسمك ليدى
ههههههههههههههههههههههههههههههههههههههه
معلش اعزرينى والله مخى يجيبها يمين وشمال فقلت اسألك احسن

غير معرف يقول...

ممكن وقت متابعه المدونات يقل

بس مش تتقفل

كل سنه و انتى طيبه

و ربنا يكرمك و يكرمنا فى رمضان ده

رمضان كريم

سلامات :)

كلام حسام يقول...

كل سنة وانتي طيبة

e_emy يقول...

ربنا يعينك ياجميل

متنسيش تدعي لينا كلنا

ربنا يكرمك ويهدينا كلنا يارب

تحياتى

Lady E يقول...

blue-wave : بجد يا دكتر انا مش عارفة اقول ايه بعد تعليقك
احرجتني بكلامك
حضرتك انسان محترم جدا ومجامل جدا جدا
وانا متشكرة جدا على مجاملاتك الرقيقة
واسفة جدا على كلامي
كل سنة وحضرتك طيب
ورمضان كريم

Lady E يقول...

enjy: يااه الدكتورة النفساوية المستقبلية عندنا يا مرحبا يا مرحبا
وبعدين المدونة ملياااااانه بوستات خديلك جولة فيهم وقوليلي رأيك على ما ربنا يفرجها واعمل بوست جديد
كل سنة وانتي بخير وصحة وسعادة وهنا
وربنا يتقبل دعائك ليا وليكي وللمدونين ولكل المسلمين

Lady E يقول...

كيكى : لا مزعلتيش زيهم خاااااااااالص
اومال مين اللي كان هيجيبلي ابلة ظاظا النهاردة
نورتيني يا كتكوتتي
وانا بجد نفسي اكلمك 24 ساعة يا سكرة

Lady E يقول...

Sometimes : وسع للبيج بوص منوش هنا
يا اهلا يا اهلا
فكرتك جميلة جدا وكمان الشعار راااااائع وربنا يقدرنا عليه
وكل سنة وانتي في كل خير وهنا والى الله أقرب

اما عن اجابة السؤال فلأن الاجابة كبيرة شوية ف ان شاء الله هجاوب عليها في بوست كامل
وبعدين مبدأيا علشان احنا الاتنين في نفس ذات المجال يعني اللغات فأكيد انتي عارفة ان التضاد يقوي المعنى ويوضحه هههههههههههههه
انا بهزر ولا تفكري ولا حاجة بجد الموضوع بسيط

Lady E يقول...

MaGn0liA: أهلا بيك

اكيد كلامك سليم وانا مش قافله المدونة بدليل اني برد عليك دلوقتي
بس حاليا مش هقدر اكتب اي بوست جديد واول لما يسمحلي وقتي ان شاء الله هكتب على طووول
ربنا يستجيب منك
وكل سنة وانتا طيب وبخير وصحة وسعادة
نورت المدونة والبوست
ورمضان كريم والله أكرم

Lady E يقول...

شملولي بن سحلولي :

وحضرتك طيب وبخير وصحة وسعادة والى الله اقرب
نورت المدونة مرتين على التوازي

Lady E يقول...

e_emy : متشكرة جدا على تعليقك الجميل يا قمرايا

وربنا يعينك وانتي كمان متنسيش تدعي لينا

ربنا يرضى عليكي ويبارك فيكي

دمتي بخير

maiosha يقول...

إيه ده الجميل زعلان منى ؟
عااااااااااااااااا

ربنا يخليكى متزعليش
والله فيه ناس كتير زعلانة منى علشان مش متابعة المدونات كويس

بس بجد إنتى عارفة زنقة رمضان والأيام اللى قبله كمان التحضيرات بقى وكده

متزعليش يا قمر أبدا أبدا

وكل سنة وانت طيبة

رمضان كريييييييييييم

غير معرف يقول...

مغلق للتحسينات

كنت عاوز اساعد

معاكي


عموما ربنا يقويكي

صحيح ليدي جامدة


كل سنة وانتي طيبة ربنا معاكي

انا رجعت
وشاكر لتعليقك عندي
عموما

معزومة علي الفطار انهاردا عندي اوعي بقي تقوللي مش فاضية

blue-wave يقول...

على فكرة انا مش بعرف اجامل
انا بقول اللى بحسه بجد
وانتى حد فعلا الواحد يتشرف انه يعرفه
لأنك حد عسول وجميل
انا عمرى ماكانت تعليقاتى هجوم او انتقاد عليكى انتى بالذات
ولازم تعرفى انك غاليه اوى عندى
تقبلى تحياتى
وكل سنه وانتى طيبه

كيكى عوووووو يقول...

وحشتينىىىىىىىىىىىىىىىىىىىىىىىى
عووووووووووووووووووووووووووووو

Lady E يقول...

maiosha : بجد نورتيني يا ميوشة
وانا كنت زعلانة منك لكن بجد لما دخل رمضان سامحتك تلقائيا وكمان لما جيتي دلوقتي يبقى كده مش هعرف ازعل منك خاااااااالص تاني يا قمرايا

كل سنة وانتي طيبة وبخير وصحة وسعادة

وربنا يعينك ويرضى عنك ويعتقك من النار ياااااارب

فرحانة جدا جدا جدا بزيارتك الجميلة يا ميوشة

Lady E يقول...

afew good men : الحمد لله على السلامة
وبعدين عاوز تساعد في ايه يا عم الحج
المساعد ربنا
وبعدين مين ليدي جامدة دي ؟؟
عااااااا (طاخ طيخ طوخ ده ضرب على فكرة)انا ليدي بس من غير جامدة
والاحلى من ليدي طفلة مش عايزة تكبر
وكل سنة وانتا طيب
ولا شكر على واجب
وبالنسبة للفطار فهو راح عليا لأن فات يومين على كلامك والسحور اللي جاي مش الفطار

Lady E يقول...

blue-wave : انتا هتقوللي يا دكتر مش بتعرف تجامل خااااالص خالص
علشان المجاملة هي اللي بتتعلم منك اصلا
متشكرة جدا على الكلام اللي حضرتك قولته عني حضرتك اللي تستحق الكلام ده
بالنسبة للتعليقات فأنا افتكرت تعليق حضرتك على بوست البعد جرح من غير دوا
وكمان بوست -طب ازاي في حاجات بتموت- وتعليق حضرتك في البوست ده
وللأسف وقتها مجاش في بالي باقي التعليقات
بجد كلام حضرتك شهادة اعتز بيها
وانا بجد اسفة ان حضرتك زعلت مني بس بحاول اصلح شوية
وبدعي لحضرتك كل يوم
دمت بخير دائما

Lady E يقول...

كيكى : وانتي كمان وحشتيني اكترررررررر

انتي فيييييين يا بنتي مختفية ليه

قلقتيني عليكي

هانى زينهم يقول...

مع انى فى البداية ما كنتش مقتنع قوى بحكاية المدونات دى بس لما عملت واحدة حصل ارتباط عجيب بالناس عشان كدة بازعل لما حد يغيب فترة عموما ربنا يتقبل منك صالح الاعمال والدعوات وما تمسحيش بوستات تانى !!
كل سنة وانت طيبة .

Dr. Tantawy يقول...

قريت اسم مدونتك عند ميرام و لأن البروفايل بتاعك جذاب ويخلى الواحد يدخل يقرا توقعت اقرا حاجات كتير :) بس لقيت انك حاليا فى التلاجه زي حالاتي بمناسبه رمضان :))

عموما اشوفك على خير بعد العيد و يكون فى بوستات جديده وجامده

تحياتي

كيكى عوووووو يقول...

اناااااااااااااا برضة الى فييييييييين
!
!
عموما ربنا يخليلك
فوفووووووو
هاااااا
هااااااا
1
!
عوووووووووووووووووووووووووو

Mona Shereif يقول...

ليدى
عندى ليكى تاج يا قمر ياريت تنورينى وتقبليه
هستناكى
كل سنه وانتى بألف خير

Selfmeaning يقول...

كل سنة و انتى طيبة و بخير دايما

و ربنا يتقبل منك و منا و المسلمين اجمعين


اول زيارة ليا و لقيت بوجى بتاعك مغلق

اتمنى المرة الجاية القى بوست جديد

تحياتى

Lady E يقول...

هانى زينهم : الحمد لله ان حضرتك اقتنعت بالمدونات يا مستر والا مكناش هنشوف مدونتك الجميلة

شكرا على دعواتك الجميلة يا مستر

وكل سنة وحضرتك طيب وبخير وصحة وسلامة

Lady E يقول...

Dr. Tantawy : أهلا بيك يا دكتر

وبجد اول مرة اعرف ان بروفايلي جذاب

وحلو جدا تعبير التلاجه ده

كل سنة وحضرتك طيب وبخير وصحة وسعادة

نورت البلوج وفي بوستات كتير قبل البوست ده ممكن حضرتك تقرأها مش شرط بعد العيد يعني

بجد انا سعيدة جدا بزيارة حضرتك للمدونة

Lady E يقول...

كيكى : ايييييييه ده بتسمعي اغاني من غيري انا برضه اللي فيييييييين ده انتا اللي مبتسألش دي اغنية مصطفى قمر ههههههههه

وبعدين يا بنتي انسي فوفو شوية

بجد وحشتييييني جدا

Lady E يقول...

Sometimes: هييييييه دي المرة التالتة اللي يجيلي فيها نفس ذات التاج ده

متشكرة جدا على التاج يا قمرايتي

وطبعا قبلته ده كفاية عليا انك افتكرتيني يا سكرة

Lady E يقول...

Selfmeaning : وانتي طيبة وبخير وصحة وسعادة يا قمرايا

انتي وبوجي

وبعدين البلوج مغلق ايوة بس في بوستات يعني ممكن تشوفيها وتقوليلي رأيك فيها

وان شاء الله قريب هعمل بوست جديد

نورتيني يا Selfmeaning وانا سعيدة جدا بأول زيارة وان شاء الله تزوريني دايما

قررت أكون عانس يقول...

دى مدونتك نزلى فيها اللى انتى عايزاة ماتمسحيش حاجة
و افضلى طفلة زى ما انت لانها حاجة جميلة
تالت حاجة قريت البوست اللى قبل ده وانتى قلتى نصايح جميلة اوى و افكار حلوة تخليكى تحسى برمضان
بالذات حكاية البخور الخاص برمضان
جزيتى خيرا

Lady E يقول...

قررت أكون عانس : اهلا بيكي نورتي البوست والمدونة كلها يا قمرايا
بجد انا سعيدة جدا بتواجدك الجميل في المدونة وانك قرأتي بوستين مرة واحدة
كل سنة وانتي طيبة وبخير وصحة وسعادة ياارب
وجزانا واياكي يا قمرايا

Selfmeaning يقول...

يالا يابنتى بلاش كسل

و اكتبى البوست الجديد

Lady E يقول...

Selfmeaning : متشكرة جدا يا قمرايا على اهتمامك الجميل ده

وانا فعلا كتبت بوست جديد