إفتقدت هنا إفتقدت
هنا كثيرا بالرغم من وجود أماكن كثيرة لي عالإنترنت الأن كالفيس بوك وتويتر إلا
أنه كما يقولون ما الحب إلا للمكان الأولي :) أعتذر لكل من أتى ووجد المدونة مغلقة فقد كانت مغلقة
في وجهي أيضا لأنه تم حجبها من شبكة الإنترنت العمانية لفترة ولا أعلم حتى الأن السبب ! ولكنها
عادت أخيرا .
4 شهور كاملة مرت بدون أن أكتب هنا بدون أن أمارس البوح لمدونتي المقربة ،
4
شهور دبت الحياة في أناس وخبت في آخرين
حيا من حيا ومات من مات ، 4 شهور أثرت بي وأثرتُ بها
عن ماذا أكتب عن إسكندرية الساحرة أو سفري أو عن رمضان أو عن كتابة الC.V أو رحلة البحث عن عمل أو التوفيق من الله في إيجاد
عمل ؟
أكتب عن الطرق التي نمشيها ثم نسلك طرقا أخرى لم نحسب لها يوما حساب أم أكتب
عن الكتب والأفلام والأشخاص الملهمين أم عن الويك إند الحبيب الذي بت أنتظره وكما تقول نجاة القريب منك بعيد أو أنا بستناك
أنا أنا وليلي شمعة سهرانة في ليلة حب وأهلا حلوة :) عن علامات ورسائل القدر أم عن
كل لبيب بالإشارة يفهم .
لدي العديد من الحكي والبوح و"الحكايات" كما قالت صديقة ولكن الساعة تخطت
ال 12 وانتهى الويك إند وسيتوجب علي أن أركض كما سندريلا لألحق بعملي غدا الذي أستيقظ له من السادسة صباحا
ولولا والدتي العزيزة لما إستيقظت أبدا . لكم ولنفسي : كونوا بخير وإلى أن نلتقي :)
هناك 16 تعليقًا:
اهلا اهلا
وادي طير مهاجر من بلوجر يعود
انا قلت من الاول
بلوجر ده البيت الاول والاخير لينا
:))
نورتي بلوجر
ومستنين تحكي عن كل اللي ذكرتيه ده
أولا أحب أقولك عودًا أحمد
واني كنت من الناس اللي جت وخبطت ولقت المدونة مقفولة
ربنا يحفظهالك دائمًا يا رب وتفضل مفتوحة بحسك ^_^
في الويك اند القادم ننتظرك تكتبي ولو نبذة عن كل تلميح ^_^
ألف ألف حمداً لله على السلامة يا ليدي نورتي البلوجر من تاني :))
ربنا ييسر لك الأحوال إن شاء الله وتكوني بخير وفرحة وسعادة :))
وكل سنة وانتي وأسرتك الكريمة طيبين وبخير وعيد سعيد عليكم جميعاً بإذن الله :))
أنا مؤمنة بإن البدايات دايما بيبقى ليها سحر خاص .. لكن كنت مفتقدة روحك ف البلوج دى , إنتى سبتى فيها كتير منك " ويمكن عشان كدا رجعت " :)
أنا مستنية حواديتك :))
ويلكم باك ....المهم السي في طلع كويس ولا أي كلام !!!!
شمس النهار : أهلا بيكي يا شموسة وحشتيني ^_^
أيوة فعلا في أماكن كتير عالنت بس بلوجر فيه روح تانيه .
بلوجر منور بيكم
حاضر :)
E73 : أحمد مين يا أنوسة :))
بس ده ميمنعش إني متابعاكي عالفيس ^_^ برغم ان المدونة كانت مقفولة :)
تسلميلي :)
ويمكن قبل الويك إند كمان :)
حمد لله على السلامة
كل سنة وانتي طيبة.. وعيد سعيد :)
P A S H A : الله يسلم قلبك يا باشا ^_^
بلوجر منور بيك وبكل المدونين المبدعين
كل سنة وأنت طيب وبخير وصحة وسعادة
ربنا يجعل حياتك كلها أعياد.
يااااااااااااااااااااااااااااااه
بجد زعلت أوى أوى أوى لما قفلتى المدونة
وحسيت باحباط جامد جدا لدرجة انى انا كمان مبقتش حابة اكتب فى مدونتى قلت لو واحدة زيك قدرت تتخلى عن جزء منها كدا اكيد انا كمان هييجى يوم واعمل كدا
بس بجد فرحانة جدا انك رجعتى بطريقة مش ممكن تتخيليها انك متعرفينيش بس
عودا حمييييييييييييييييييييييييييدا
مستنية كل حرف ليكى
Sarah : البدايات روح جديدة لكن هنا الأصل :)
شكرا على إهتمامك يا سارة ^_^
مهندس / على درويش : ثانكيو ، وحش جدا لدرجة إني إشتغلت في فرع معتمد من فروع كامبريدج الحمد لله :D
قلم رصاص :الله يسلمك
وإنت طيب وبصحة وسعادة
شكرا
فتاة من عالم آخر : بعتذر جدا على أي زعل أو إحباط إتسببت ليكي فيه من غير قصد مكنتش عارفة إن المدونة ممكن تفرق مع أي حد كده ^_^ تسلميلي .
إن شاء الله تفضلي تدوني وتكتبي دائما وأنا متخلتش عن جزء مني أبدا كنت بكتب برضه بس عالفيس وعلى تويتر والكتابه هناك بتخليكي تتعودي على الإختصار في الكتابة خصوصا مع ضيق الوقت والمسؤليات الكتير اللي عندنا كلنا
بس كلامك بجد أسعدني جدا ودي شهادة أعتز بيها وشجعتيني إني أرجع أكتب تاني
دمتي فرحانة وجميلة ومميزة <3
إيه الغيبة دي يا بنتي ؟؟
هو انتي غيبتي علشان ترجعي ولا رجعتي علشان تغيبي ؟؟
لعل المانع خيراً إن شاء الله
P A S H A : شكرا على سؤالك وإهتمامك يا شريف باشا
أديني رجعت تاني ، سلملي على بنت باشا كتير هي فعلا وحشتني وكإني عارفاها بقالي كتير وكتير بفتكر كلامها السلام أمانة .
إرسال تعليق