الأربعاء، 23 فبراير، 2011

ايه الغباء ده؟

مش عارفة مين الغبي تحديدا في شركة الإتصالات هنا اللي فصل عليا النت وأنا بشوف الفيديو ده عاليوتيوب

http://www.youtube.com/watch?v=D_olIAALNuc&feature=related
ودي مش أول مرة النت يفصل وأنا عاليوتيوب بشوف النوعية دي من الفيديوهات
بس كويس رب ضارة خير ان شاء الله انا مكنتش ناوية أعلق عالخطاب الأهبل الأخير بتاع الرز المعمر لكن بعدما شوفت الفيديو ده حسيت اني عايزة أقول تيييييييييييييييييييييييييييييييييت والإحساس ده مش بيجيلي كتير الا لما أشوف غباء بس أنا مؤدبة ومش هقول تيت عالنت هقول في سري بس وربنا عالظالم والمفتري
بيقولها في الفيديو انتي ليبية ولا من مصر يعني ايه؟ حد يفهمني قصده ايه ؟يمكن أكون فهمت غلط وبعدين أنا طول عمري مقتنعة ان اللبس حرية شخصية اللي ماشية بالبيكيني زي اللي ماشية بالنقاب مش من حق أي حد يعترض حريتهم بتغاظ أوي من الحركة دي طيب من حقك تعرف هوية اللي بتكلمك جيب أي واحدة تشوف وشها في مكان مقفول وبعدين تقولك انها فعلا واحدة وان دي فلانة بنت فلان مش هو اللي يكشف وشها وهو عارف كويس اوي ان بلده نظام قبائل وعيب أوي ان واحدة تكشف وشها قدام أي راجل غريب مش العدد المهول ده من الرجالة :(
أما عن الخطاب فمش هعلق عليه هسيب الزمن هو اللي يحكم بعد كده ع الكلام اللي اتقال في خطاب امبارح
ربنا معاهم


أما عن مصر فالحياة ماشية ببطء أوي بالمناسبة حد فرحان ان الصاوي بقى وزير السخافة وشالو ألدو جابوا شاهين والاتنين أكيد مش نافعين مع كل التقدير للصاوي على الساقية بس ميستحقش الوزارة

هناك 8 تعليقات:

أع ـقل مـ ج ـنـونــة يقول...

القذافي دا
حسبي الله ونعم الوكيل فيه وفي امثاله
يارب يتعذب ويتهان في الدنيا قبل الآخرة
اللهم انصر الشعب الليبي يارب

بالنسبة للصاوي

انا مفرحتش برده لما عرفت انه بقي وزير
عملنا ايه من اسقاط نظام رجال الاعمال عشان يتحطلنا وزير رجل اعمال برده؟

مع التقدير وكل التقدير للساقية :)

MaNoO يقول...

ليس عليه حرج ولا تعليق على شىء يصدر منه وتيييييت تييييت كمان انا بس مستغرب علينا كشعوب والله احنا ازاى كنا صابرين عليهم كل دا والله مانا فاهم دا واحد غبى بيحكم شعب كان بيحكم ازاى اصلا وعلى فكره مش دا اللى تشرحى على تصرفاته التمييز والعنصريه لان هو نفسه بنى ادم مش هيفهم
عن مصر برغم البطء متفائل ويمكن أقل احنا متسرعين شويه واقول برده ان دا حقنا وعن الصاوى انا مع رأيك جدا
هو متميز وساقيه الصاوى وزاره ثقافه لوحدها لكن ...يوجد احق منه للوزاره

illusionist يقول...

يا نهار اسود

انا ملقطتش الفيديو ده وسط المساخر اللى شوفتهاله فى المؤتمرات والخطب

هو الواحد جاله اكتئاب من شويه

ربنا يخرب بيته و يجحمه

الواحد مش مصدق ازاى ده انسان حى من البنى ادمين اللى بيمشوا على رجلين

كل مدى ومدى الاسكور بتاع الكره ناحيته بيعلى

وقال ناس طالعه تندد بفتوى اهدار دمه

المفروض اللى يعترض ويدافع عنه يتهدر دمه معاه عشان نخلص من عصر الاغبياء اللى منتضر ده

مهو من كتر ما خللوا فى كرسى الحكم مخهم تخن زى كروشهم

اه نسيت اقول

صباحك خير

VÖltaa يقول...

ده واحد كان عايز يلغى يوم الجمعة !

وقال بما ان الرجل ذكر إذن فهو لايحيض !

وقال للمرأة حق سواء كانت ذكرا ام انثى !

وقال الكبيرة بقى : بر الوالدين اهم من طاعة الوالدين !!

مستنية ايه من متخلف زيه


..
عصبنى الفيديو ده على فكرة

نيللى يقول...

بصى بالنسبه لعم القذافى .. اللى وقع التاريخ سهوا من نفوخو ده المفروض يروح السرايا الصفرا

اما الحال فى مصر اللى بيحصل ده طبيبعى لان فساد 30 سنه عشان تتطهرى عاوز وقت

اما بالنسبه للصادوى مش هقدر احكم عليه غير لما اشوف عيعمل ايه

Bent Men ElZaman Da !! يقول...

تصدقى تيت دى قليله عليه :D
بجد راجل مجنون ايه الدماغ دى
ده لو كان فى دماغ يعنى !

sony2000 يقول...

ههههههههههه
عوذا ايه من اهبل
واقرع
وقذافي

miada ref3at.. يقول...

يخرب بيت سنينه..ايه الجرأه اللى هو فيها دى..
سيبووونى عليه اخلص منه القديم والجديد..ده مش بنى آدم ابدا ابدا..
وحسبى الله ونعم الوكيل فيه وفى اللى زيه اللى يفكر فى يوم انه يعمل فى شعبه كده ..استفزنى كتير بجد ربنا ياخده..

وبالنسبه للوزراء..احنا عاوزين حد يحس بينا وداق المر زينا مش رجل اعمال..
هيعملنا ايه رجل الاعمال..مايخلوه فى اعماله ويجيبو حد متفرغ لمطالب الشعب..