الجمعة، 27 يونيو 2008

أول تدوينة ( المقدمة)









بسم الله الرحمن الرحيم




السلام عليكم ورحمة الله وبركاتة


الحمد لله الذي هدانا لهذا وما كنا لنهتدي لولا أن هدانا


بقالي شهور بفكر أعمل بلوج وبعد تفكير كتير وحيرة كبيرة ( ايه السجع ده هههه ) الحمد لله أخيرا عملت المدونة

وبجد أنا سعيدة جدا أن هيبقى لي أسرة كبيرة من المدونيين والمدونات وعشاق الكتابة والثقافة والفضفضة بوجه عام

لأن الأسرة دي تفكيرها مختلف عن التفكير اللي ماشي حاليا وهو تفكير الطناش والضياع ( وأنا يعني هغير الكون)

أتمنى بجد اننا نجتمع على خير ومفيش حد يجرح في حد أو في المدونة لأن في بنوتات كتير بيعانوا في مدوناتهم من الناس اللي
مش بيعرفوا يفرقوا بين النقد والتجريح والشتيمة , اللي عايز ينتقد حاجة معينة ياريت ينقد معنديش أي مشكلة لكن المشكلة الحقيقة في اللي
مبيعرفوش يعني إيه نقد بناء ؟

هدفي الأول من المدونة الفضفضة بدل ما أكلم نفسي أو الدبدوب بتاعي - لا سمح الله - اتكلم معاكم أحسن ولا ايه
وتبادل الأفكار والثقافة
أما عن اسم المدونة طفلة مش عايزة تكبر ده أكتر اسم قريب مني وقريب من ناس كتير جدا حاسين ان جواهم طفل عنيد بيحاول البقاء


وبيظهر في أوقات كتير وممكن جدا وانا متأكده ان نسبة مش قليلة من الشخصيات العامة والمرموقة وحتى الناس العاديين أطفال مش عايزة

تكبر لكن ساعة الجد جد بنبقى كبار أوي وبنتحمل اي مسؤلية أن شاء الله المدونة تكون ذات قيمة ومحدش يزهق منها

والله ولي التوفيق


lady E







هناك 8 تعليقات:

كـــيــــــــارا يقول...

مبرووووووووووووووووووووووووك ياحبيبه قلبي علي البلوج

وان شاء الله هيكون احلي بلوج

Lady E يقول...

Thanks berto for your wonderful comment

Lady E يقول...

نيمو حبيبتي نورتي البلوج المتواضع ده

الله يبارك فيكي يا قمر

من بعض ما عندكم

غير معرف يقول...

وانا بقول المدونه منورة ليه

اتاارينى فيها

هههههههههه

_________


الف الف مبروك يااميرة على البلوج

ويلا مستنين منك المواضيع الى وعدتينى بيها

وعقبالى انا كماان لما اعمل البلوج بتاعى

ادعيلى..

:(

Lady E يقول...

منور يا هن وعلشان كده انتا اللي هتدفع حساب الكرهبا بتاعت النور ده كله ههههههه

الله يبارك فيك

ومتشكرة جدا على التهنئة الجميلة دي

وفي انتظار البلوج بتاعك ان شاء الله

Rannon يقول...

كلام جميل ومدونة جميلة
احييكي عليها
وهضيفها عندي عشان أتابعها على طول ان شاء الله

وأدينا ينفضفض سوا :)

تحياتي:)

A.H يقول...

بجد انا مش عارف اقول اية دا بجد شيء احسدك عليه و يا ريت انتعرف علي المبدعة الجذابة و انا ان شاء الله سوف انشر هذا البلوج عندي في الكلية تحت اسم لادي اي و بجد شكراااااااااا..

نيللي علي يقول...

مبروك على المدونة (جيه طبعا متأخره3 سنين) بس أنا قررت انى أقرى مدونتك من أول مافتحتيها يعنى من 3 سنين ,يعنى تقريبا كان 25 سنه ياااااااه الايام بتعدى بسرعة ..حبيبى ياأنوس ..