أخيرا وبعد عناء عرفت اعمل أب لود لصورة من صور رحلتي من مسقط لمصر -الصورة اللي فوق دي- وده طبعا بعدما صغرتها علشان بلوجر يتكرم ويتعطف عليا ويعملها أب لود
النت عندي بطيء وانا عندي برد للمرة التانيه على التوازي في أقل من شهر :) وكله من روفي بنت عمي اللي كانت عمالة تعطس على طول وانا بلعب معاها وبجري وراها بالمناديل وكمان من تغيير الجو وبكده المناعة اللي عندي مش شايفة شغلها كويس وأي برد او انفلونزا ماشيين بيتفسحوا بتنادي عليهم زي ما تكون رادار وبيلقط الانفلونزا والبرد
المشروب اللي فوق ده تشوكلت كريم من ستاربكس كنت في مطار البحرين ترانزيت وكان قدامي ستاربكس وطيارتنا اتأخرت ساعة فوق الساعتين الترانزيت فطلبت التشوكلت كريم ومع اني جربته قبل كده في عمان لكن في البحرين طلع احلى بكتييييير نفس الطعم بس التلج كان مجروش كويس - حلوة اللغة العربية الفصحى دي -
ولأن المشروب ده رائع وفوق الفظيع وبيحسن المود ومفيش ستاربكس في دمياط وانا مفتقداه وكمان ستاربكس مصر مبيعرفوش يعملوه كويس فأنا بهدي لأي حد هيشوف البوست ده كوباية التشوكلت كريم اللي فوق دي وللي بيحبوا القهوة بهديهم موكا فرابتشينو وربنا يسهل وأخف واكتب تاني بعيدا عن التهييس
------------------
ملحوظة مسحت البوست اللي فات واحتفظت بالتعليقات وبشكركم من كل قلبي على تعليقاتكم اللي حاليا مش هقدر ارد عليها
اااااااه
ردحذفتصدقى فكرنى بالسنداى بتاع ماك
وحشنى برده
ومقبولة منك الايس كريم ده بما انى بموت فيه :)
يارب اكون اول تعليق يارب يارب
ردحذفشوكولاتة وكمان من ستار باكس لطفك يارب كل اللي جربوا ستار باكس برا قالوا ان ستار باكس مصر تقريبا كده بيبيهملوش أي لازمة
ردحذفسلامتك ياقلبي
كان نفسى اعرف اول تعليق ولا لاء نفسى ارجع ايام الرخامه بس يلا مافيش نصيب
ردحذفارجع بقا اشوف البوست اصلى الايس كريم اغرانى
اولا كده الف سلامه عليكى
ردحذفوبالبرد دا نقلك شرفتينا
ومافيش حته طيب
اى حته يعنى اصل الجو حر اوووى
علل : " موكا فرابتشينو" ؟؟
ردحذفأنا أه باعشق القهوة بس استحالة أغضب ربنــا هههههههههه
متشكرين على الآيس كريم وألف سلامة
خالص تحياتي
حمد الله علي السلامة
ردحذفمصر نورت
وموافقة علي الهوت شوكلت بس من غير كريمة
:))
الف سلامه عليكى يا ايناس
ردحذفويارب تبقى احسن ان شاء الله :))
سلامة قلبك من كل شر و ان شاء الله تتحسني و الفاصل مش يطول اكتر من لحضات ^_____^
ردحذففرابتشينوا!!!
ردحذفدي قنااااااااابل؟!!!
هههههههههه
عموما اعمل حسابي بأي وضع
واهو كله في سبيل مصر وثورة يناير
:)
يعني لو عايز من دة...اروح مطار البحرين و اطلب واحدة و لا ايه؟
ردحذفتحياتي
Miss LoZa : بالهنا والشفا يا لوزتي
ردحذفنورتيني
بنت قلبي : اول مكرر يا بنوتة :))
ردحذفشوكولاتة : ههههههه أيون عارفه انك من عشاق الشوكولاتة يا شوكولاتة :) وخصوصا الهازل نات :)) كل لما كنت بجيبها كنت بفتكرك :)
ردحذفستاربكس زيه زي اي فرع لسلسة مطاعم بره وجوه مصر عندك كمان بيتزا هت وكنتاكي بره مصر غير جوه مصر للأسف
تسلميلي يا حبي
انا عاووز من دا ياحزووومبل انا عاوز منننننن داااااااااا:)
ردحذفيارب تيجي بالسلامه
موش عارفه دلتى البوست اللي فات اهئ
ردحذفيلا المهم
انا الصراحه مبحبش طول الوقت اقول وانا كمان بس مضطرة انا كمان عندى برد للمرة تالته ومش هيخلص لان كل البيت واخده وبرد الصيف فظيع رهيب مريب
لذلك الله معك والف سلامه عليكى
هديتك مقبوله بموت في الآيس
رغم عدم حبي لستار باكس لانى طبعا مجربتش اللي بره :):)
ربنا يشفيكى ويعافيكى ويبسطك :)
السلام عليكم ورحمه الله
ردحذفسعيده يكون اول رد ليه بعد غياب يكون على موضوع فى اىس كريم وقهوه شئ بيطير العقل ..ربنا يشيفكى من البرد ..وربنا يسعد ايامك وينولك اللى فى بالك