بداية موفقة لعام جديد والحمد لله قضيت الساعة الأولى من 2012 في الصلاة والدعاء والروحانيات سعيدة أنا بهذا العام "الزوجي" فأنا أحب الأعداد الزوجية أكثر من الفردية ففيها مشاركة وحب وود أو هكذا أشعر ...
في الصباح هنئت زميلاتي بالعام الجديد وعلى غير العادة أيقظتني زميلتي "رنت عليا" لتوقظني "وأنا أساسا كنت صحيت" والطبيعي انني اوقظها كل يوم :)
تمنت لي زميلة أمنية طيبة في العام الجديد وقالت لي : سنة سعيدة عليكي و تتجوزي السنة دي وكان ردي صادما بدلا من أجاملها فقولت لها على الفور : معتقدش :)
مر اليوم الأول وأنجزت امتحانات الصغار التي سيمتحنونها اليوم وأيضا قبضت أول راتب لي في المدرسة
راتبي برغم بساطته الا انني اشعر ان الله وضع فيه البركة وشعرت أنه فعلا 10 أبرك من 100 وحينما يرزقنا الله يرزق بلا حدود ويعوضنا بالبركة والسعادة
ذهبت أيضا لمحل " ماكس" وأشتريت ملابس جديدة للعام الجديد :)
وبرغم أن اليوم وغدا سأكون وسط دوامة لا أعرف الوانها ولا مداها بعد بسبب امتحانات اللغة الانجليزية اليوم للصغار وغدا للكبار وأعلم جيدا انهم "هيطلعوا عيني" لكنني أحببت 2012 من بدايتها كما يقولون الجواب بيبان من عنوانه
أرجو أن تستمري على نفس الوتيرة يا 2012 وأرجو أن تترفقي بأمهات الشهداء وتطيبي جراحهم
24 my comments:
كل عام وأنتِ بخير
ورائع استقبالك للعام الجديد بالصلاة والمناجاة لعل الله سبحانه بان يبارك لكِ في عامك مع كل من تحبين ..
نعم هذا صحيح .. قد يكون الراتب متواضع لكن الاصل في بركته وطريقة صرفه .. وسأل الله سبحانه بان يمنحك حسن التصرف فيه ويزيد في رفعه مستقبلا
بوست جميل به أمل وحب صادق للاسرة والاصدقاء وللحياة
نزلتى موضوع جديد قبل ما اقرأ بلا نييله :))
المهم اللهم آمين تكون سنه علي نفس الوتيره والحب والجمال دة ويطبطب علي قلوب امهات الشهداء
اتمنالك عام جديد سعيد في راحه بال واستقرار ^_^
كل سنه وانتى طيبه يا ايناس
وسنه سعيده عليكى ان شاء الله :))
lady E
يا بنت الايه ! يا بختك انا ابتديت بقى وانا عمال اسمع مشاكل الناس لما طوهقت !
بس يلا بقى الشغل
انا بحب برده الارقام الزوجية على فكرة .. بحسها حلوة وقابلة للتوزيع على اكتر من واحد !!
رنت بس ههههههههههههه يا عينى !!
ايه يا فندم الاحباط دا ان شاء الله تتجوزى بالعند فيكى بقى ههههههههه
ربنا يقويكى يارب تعرفى .. نفس المبدأ دا جالى فى حلم .. تصورى والله لسه كنت بحكى لوالدتى عن حلم قولت فيه الكم كلمة دول !
هههههههه انتى متاكدة انهم 10 بس !! ال محل ماكس ال !
ان شء الله هتكون سنة جديدة سعيدة على الجميع يارب وبالنسبة للاطفال انا بعشقهم اوى !
كل سنة وانتي طيبة وبخير وصحة وسعادة
السلام عليكم
كل عام انتى بخير
ان شاء الله ربنا يحقق كل الامنيات الجميلة
دومتى بخير
نوستى :)
كل سنة وانتى طيبة وبخير يا رب
وان شاء الله السنة دى تكونى متجوزة (بالعافية هنجوزك) ههههههههه
يا رب امتحان الكبار يعدى على خير
ومبروك على المرتب واللبس الكتيييت :)
ان شاء الله تكون سنة سعيدة و جميلة على الجميع باذن الله
بس احب اذكر حضرتك انها على الرغم من انها سنة زوجية الا انها برضة 366 يوم يعني سنة كبيسة
ربنا يستر
ربنا يجعلها سنة خير
كل سنة و انتى طيبة و جميلة :)
كل سنة وأنتى طيبة ياأنوس, يارب تكون سنة سعية عليكى, وتخدى خبرة فى شغلك الجديد, ويارب يباركلك فى مرتبك ياحبيبة قلبى:)
ابن السور : وانت بخير وسعادة يا ابن السور
اللهم أمين
شكرا لأمنياتك ودعواتك الطيبة ولك مثلها
أسعدني تعليقك
rona ali : بلا نيله كان السنة اللي فاتت :)
اللهم امين
وليكي مثل دعواتك الطيبة يا رونتي يا جميلة :)
نورتيني
Bent Men ElZman Da !! : وانتي بخير وصحة وسعادة يا دينا
سنة سعيدة وجميلة علينا كلنا ان شاء الله ويارب نحقق احلامنا فيها :)
AhMeD RaDy : مفيش أحلى من أنك تحل مشاكل الناس خصوصا لو كنت في شغلك هي حاجة تزهق ساعات بس بتحس انك ساعدت الناس وأنجزت
مش كده برضه الأرقام الزوجية جميلة
ايوة بنصحي بعض بالرنات :)
ههههههههههه هيحصل في يوم من الأيام ان شاء الله بس مش شرط السنة دي انا ورايا دبلومة وتدريس
اللهم أمين
كل سنة وانت بخير
شمس النهار : وانتي طيبة وبخير وبصحة وسعادة يا شموسة ياجميلة
نورتيني وسعيدة اني شوفتك في مدونتي تاني بعد غياب
مدونة رحلة حياه : وعليكم السلام
وانت بخير يا محمد
اللهم أمين
دمت بخير وسعادة
Miss LoZa : لوزتي :)
وانتي بخير وصحة وسعادة يارب :)
هههههههههه ده انتي يا لوزة مش انا :)
الحمد لله عدى على خير
الله يبارك فيكي وعقبال ما تتخرجي وتشتغلي يا جميلة
عام جديد سعيد ان شاء الله
كل سنه وانتي طيبه ياقمر
ويارب تكون سنه حلوا عليكي
AHMED SAMIR : اللهم أمين
سنة كبيسة؟ 366 يوم سعادة "تفائلوا بالخير تجدوه يا أ.أحمد :)
Tears : اللهم أمين
وانتي طيبة ورائعة يا تيرز يا مستنيرة
نيللى : حبيبة قلبك صح هههههههههههه
المشكلة ان الناس بتقول اللي مش في قلبها وده اسمه نفاق وحقد خفي
هاني النجار : اللهم امين
دمت بخير
sony2000 : وانتي طيبة وجميلة يا سوني :)
وعليكي يا قمرايا
إرسال تعليق