من شوية بابا بعتلنا رسالة بيقولنا شوفوا تلفزيون سلطنة عمان
جبت قناة سلطنة عمان واتفاجئت أن عمان دلوقتي بتمر بإعصار -مع اننا في الصيف- ولسه هيزيد بكرة ودرجته قويه والاعصار هيبقى في المدن الساحلية وشرق وشمال عمان
عمان مرت قبل كده بإعصار وانا في أولى كلية والاعصار بوظ الاتصالات وقتها وقطع الطرق وبهدل المحلات وغرقها !
وبعد فترة رجعت عمان زي ما كانت وعملوا الطرق تاني وصلحوا الاتصالات
ودلوقتي تاني اعصار
اللي عاجبني بجد انهم بيستعدوا للإعصار وقالوا للناس وادوهم اجازة وأجلوا الامتحانات واللي هيتعرضوا للجزء الكبير من الاعصار خلوهم يخلوا المكان وودوهم أماكن تانية يبقوا فيها أمنين
بس ده ميمنعش ان انا قلبي مخلوع على بابا و كمان على كل أصحابنا وأهلنا العمانين وغيرهم هناك
يارب عديها على خير ، يارب عديها على خير ، يارب عديها على خير
يارب أحفظ بابا واحفظهم جميعا من كل شر وسوء
يارب احمي بابا واحميهم من شر الإعصار
يارب طمنهم وهدئ من خوفهم وصبرهم على الاعصار
يارب ارحمهم برحمتك ، يارب ارحمهم برحمتك ، وأعينهم بعونك واحفظهم بقدرتك انك على كل شيء قدير
اسأل الله العظيم رب العرش العظيم ان يحمي بابا ويحمي الجميع ويحفظهم من كل سوء
ردحذفربنا يحفظهم .. ويعديها على خير
ردحذفوان شاء الله تطمنى على باباكى
اللهم آمن روعهم وأنس وحشتهم وطمئن قلوبهم واحفظهم برحمتك من كل سؤ وردهم سالمين . اللهم آمين
ردحذفإن شاء الله الموقف يعدي على خير وبابا يرجع بألف سلامة
:))
خير ان شاء الله يا إيناس
ردحذفربنا يطمنك عليه وعلي كل أصحابكم وأهلكم هناك ويكون الموضوع بسيط
طمنينا تاني
ربنا يطمنك على والدك ان شاء الله
ردحذفو هتعدى على خير و يرجعلك بالف سلامة
اللهم آمين
ردحذفربنا معاه ومعاهم
وهيستر ان شاء الله
متقلقيش ان شاء الله خير
ان شاء الله ربنا هيحميهم وينجيهم من كل سوء
ردحذفبس انتى ادعى وكترى الدعاء
وطمنينا على عمو
إن شاء الله ربنا هيحفظهم من كل سوء وهيعدى الاعصار على خير و يارب يثبتهم يارب
ردحذفإن شاء الله تطمنى عليهم ويبقى الجميع بخير يارب
امين اللهم امين
ردحذفإن شاء الله ربنا يعديها على خير ..
ردحذفبس غريبه وقت الإعصار ده .. انا فاكره انه جه اعصار من سنه او اتنين تقريبا ..
بس كان مدمر وقطع طرق وغرق عربيات ..
ربنا يعديها على خير وتيجي سليمه بإذن الله ..
ومتقلقيش كده .. الحمدلله انه الإعصار جه ف عمان .. بلد مستعده وعندها امكانيات تحمي الناس نفر نفر ..
امال لو كان جه عندنا ف مصر كان حصل ايه .؟
والله الواحد مكنش هيعرف غير قبل الإعصار بساعات معدوده .. :D
ان شاء الله يعود والدك سالما غانما اليكم
ردحذفالله يحفظ احبتك على خير
دعواتنا معك
gehad mousa
اللهم ما امين
ردحذفاللهم ما امين
الحمد لله الاعصار بقى رياح مدارية وخف جدا وربنا حفظ بابا وكل اللي بحبهم
ردحذفوخلاص دلوقتي مبقاش موجود في عمان
شكرا وربنا يكرمكم يا
قبلاوي
باشا
ليساندرا
Selfmeaning
قلم رصاص
شفقة واحسان
الزهرة البرية
صوت من مصر
بنوتة عادية
جهاد موسى
كيكي انتيمتي
شكرا ليكم وبجد كلامكم ودعائكم هون عليا كتير
وبجد انتوا غاليين عليا جدا
ربنا يكرمكم ويسعد أيامكم