أيون العيد عيدنا وهنعيد غصب عن أي حد وأي حاجه ممكن تضايقنا ومش هنلتفت لأي حاجه مزعلانا
لو رزقك ضيق بس صحتك الحمد لله كويسه يبقى انتا ف نعمة كبيرة أوي ومش مضطر تروح لدكاترة يدفعوك دم قلبك ويستغلوك ويقرفوا فيك ويزهقوك والخ الخ الخ ومش مضطر تاخد دوا غالي وبمواعيد محدده ومش بتعاني ودي نعمه تستحق انك تفرح بيها وتعيد
لو عندك شوية مشاكل صحية في غيرك نايمين على سراير بيقولو عليها بيضا ومش بيقدروا يتحركوا ومش بيقدروا حتى يساعدوا نفسهم لأ وكمان أخر الاخبار ان في ناس مش لاقيه سراير أصلا يبقى انتا احسن بكتير من غيرك وتستحق انك تحس بالعيد
لو اكتشفت كدب وخيانة وغدر وندالة صديق أو قريب أو حبيب ف لسه في 80 مليون غيره وأكيد في ناس جنبك وبيحبوك وبيساعدوك على تخطي ازماتك وانتا كسبت نفسك وبعدت عن غدره وكذبه وهو خسر احساسك بيه وحبك ليه يبقى برضه لازم تفرح وتعيد وتنفخ بلونات كمان
لو متوفقتش في دراستك او شغلك يبقى حاول وحاول وحاول وأكيد هتنجح وتوصل لأن لكل مجتهد نصيب واسعى يا عبدي وانا اسعى معاك وخليها على الله وبطل تنكد على نفسك وتحرم نفسك واللي بيحبوك من العيد
لو ضاعت منك حاجه جميله ف حياتك فتاكد انها لو كانت استمرت مكنتش هتفضل بجمالها وأكيد الجاي أحلى وأجمل بكتييييييييييير حتى لو لسه مش باين ولا شعاع من نوره فمسيرك هتشوف النور وهيملا كل خليه من خلاياك حب وفرحه وأمل ف اوعى تضيع عيدك لأنه مش هيرجع تاني
الدنيا مش بتستمر على حال الحزن بيتبدل فرحه والليل أخره نهار والشده بعدها فرج وطظ ف أي حاجه واي حد مضايقنا او بيفكر انه يضايقنا لأن داين تدان وربك يمهل ولا يهمل يبقى هنقعد نعيط ونكتئب ونبكي على اللبن ف البسكوت ليه خلاص عديها وعيد بقى وحس بالعيد وبلاش نضيع عيد ورى عيد هو يعني ف عمرنا كام عيد ده عمرنا كام سنه بنقضيها في السريع ومش هنقضيه فنكد علشان حاجات وناس متستاهلش
كل سنة وانتم بخير وكتير منكم طيبين وشوية كتير شوريرين :)
وبمناسبة عيد الفطر الكميل كل تعليق يجيب معاه كحكايه وبيتي فورايه وبسكويتايه وشوكولاتايه بالمره :)
وتهنئة خاصة بالعيد لمامتي وبابايا وخالتو اولا
وكيكي وأميرة على كوكو مهجور وشيما وخالتو المصريه وخالتو ستيتة وانوسه عاشقة الاحزان ودودو عاشقة الرومانسية واحساس طفله وديدي اللي وحشتني وselfmeaning وdrama queen و هاجر زعبل وموني و محاسن صابر وبسمة انور وشوكولاته والانجينير ويوسف وللطيوبين الي متابعين مدونتي اما الشوريرين فملهمش تهنئة
اولا انا ليا نص البسكوتات والبوتيفورات اللى هتجيلك فى التعليقات
ردحذفايون دا كان اول تعليق قبل ما ندخل فى الكلام لازم نتفق قولتى اية :)
ردحذفوحشانى وحشانى وحشانى
ازيك يا ليدى اخبارك اية ؟
واية البوست التفاؤلى دا
خلية اوعى تحذفية ولا تعملى تحذيثات عشان لما تقولى بوستات حزينة افكرك بيه
صحيح الدنيا متستهلش ولازم نعيش سعداء مع اللى بنحبهم واللى بيسيبونا دول اكيد مش بيحبونا وكويس اننا نعرف كذبهم وخيانتهم
التوفيق فى الدراسة والشغل محتاج ممجهود لو حصل خلل سهل يتصلح وسهل نحاول تانى
بس الصعب اننا نعيش عمرنا كله نبكى على حاجة واحدة لغاية لما نضيع من حولينا كل حاجة
ربنا ميضرش حد فى صحتة ويشفى كل مريض
كل سنة وانتى طيبة يا ليدى يا قمراية
يارب يكون عيد سعيد عليكى
تقبلى مرورى
ايه ده كل ده هتلم منهم بسكوتات وكحك وبتيفور وشكولاااااااااتة
ردحذفياسااااااااتر
يلا بالهنا والشفتشى
كل سنة وانتى طيووووووووبه يا احلى كتكوتة فى الدنيا
ربنا يخليك ياسكر وعيد سعيد ان شاء الله ومليان شكولاتة يارب
وطااااااااااااار منى اول تعليق
ردحذفاهئ اهئ اهئ
هعديها عشان روح قلبى طفلياة بس
هييييه
ردحذفهييييييييييييييييه
اسمى نزل فى الصفحه الاولى
ياحلاوه ياولاد
ههههههههههههههههههههه
حلو جو التفائل ده
ربنا يزيدك
يارب يجى عليكى العيد الكبير
- بتاع الخرفان ده -
وتكونى متجوزه وجنبك عريس زى القمر
بس اوعى ساعتها تقوليلى هاتى معاكى خروف عيديه
انا بقول اهو
ربنا يسعدك ياحبيبتى
اموووووووووووه
العيد فرحة يا سلام واجمل فرحة ياسلام يجمع شمل قريب وبعيد لااااااا مش دي
ردحذفيا ليله العيد انستينا وجددتي الامل فينا يا ليله العيد اه يا ليلي يا ليلي يا عيني يااااااااا عين لاااااااا مش دي برضه
جانا اهو جانا مرحب مرحب بالعيد هاااااااااااااا هاااااااااا هاااااااااااااااااااااااااا وشوية بلونات بتطير ايه الكليب ده مين فتح التلفزيون :)
كل سنة وانتي قمر يا قمر وايامك سكر زياده:)
انتى يابنت انتى بتهرجى ولا ايييييييييييييه؟ فين ودانك علشان اشدهالك؟ينفع كده انتى فين بتروحى فين بجد:(مفتقداكى بجد فاكره زمان لما كنا بلل نقعد نرد على بعضينا:)
ردحذفوبينى وبينك البوست ده جااالى فى وقته اه والله حسيتك بتطبطبى عليا:)بس تصدقى اه صح.ز
كل سنه وانتى طيبه وعيد سعيد عليكى وعلى كل اللى بتحبيهم يارب وتحققى كل احلامك ويخلى اعيادك كلها اعياد امين يارب :)
كل سنة وانتى طيبة
ردحذفاتفضلى ياستى
"كحكايه وبيتي فورايه وبسكويتايه وشوكولاتايه "
اى خدمة ^_^
كل سنه وانتي طيبه يارب
ردحذفوكيلو كحك خصوصي ليكي
بس زعلانه ليه مش سلمتي عليا مخصوص
ربنا يفرحك دايما يارب
كل سنة وانتى طيبة وعيد سعيد عليكى وعالمدونة وعلى كل اللى قلتيهم فى البوست
ردحذفاللهم اجعلنا من الطيبين:)
شاب فقرى :)
كل سنة وانت طيبة
ردحذفاحب انا الناااس المتفائلة دى
واللى شايفة حياتها باللون الوردى
ربنا يسعدك ويجعل ايامك كلها سعادة وتفاؤل
سعيدة بزياتى ليكى
اكيد مستنية زيارتك
تحياتى لكى
و انتي طيبة يا جميل شفت يوف وسط الأسامي معرفش دة انا و لا لأ ...
ردحذفبس حعتبرها برضه انك بتقولي كل سنة و انتوا طيبين و انا بقولك عيد سعيد عليكي يارب
كل سنه وانتي طيبه
ردحذفكل سنه وانتي سعيده
كل سنه وانتي بألف خير
انا جايب معايا غريبه وبتيفور عشان الكحك تقيل, بس نجيبه مره تانيه
كل سنه وانتي مبسوطه اكتر واكتر ان شاء الله
هييييييييييه اسمي جه في الحلوين الي هنيتيهم
ردحذفطول عمرك كلامك موزون وعاقل
وانا مؤيداكي ف كل كلمه ياليدي
و ع فكره عايزه اقولك انك نورتي مدونتك وكنتي وحشاني اووووووووووووووووي
كل سنه وانتي طيبه ياقمرتي
موووواه
احساس طفلة حبيبتي : تمام يافندم
ردحذفموافقة وهناكلهم مع سومة كمان :)
احساس طفلة حبيبتي تاني :) : موافقة طبعا م الكومنت اللي فات
ردحذفوانتي كمان بجد وحشاااااااااني جدا جدا وكنت مفتقداكي جدا وعلى فكرة لمحت اسمك عالفيس بوك وجيت اضيفك النت استندل معايا وفصل وبعدها ملقيتش اسمك تاني عااااااا
هههههههههه انتي خلاص اخدتي عالنكد مني ولا ايه انا مش على طول نكد بالعكس غالبا بكون مرحه وبهزر وشايفة الحياة بمبي
وبجد بحب كلامك اللي سابق سنه بكتير يا احساس طفلة ما شاء الله عليكي بجد ربنا يكملك بعقلك ويسعدك وطالما اتكلمتي عالدراسة يبقى بطلي كسل وكملي دراستك بقى وانا متأكده انك هتتفوقي ان شاء الله
امين يارب
وانتي طيبة وبخير وصحة وسعادة يا حبيبتي انتي وكل اللي بتحبيهم
أمين يارب عيد سعيد عليا وعليكي وعلى كل المسلمين
طبعا متقبلة مرورك ومش هاديلك مخالفة نياهاهاهاهها
ما شاء الله على التفاؤل الجميل
ردحذفربنا يفتح نفسك على الدنيا كمان وكمان.
كل سنة وانتي بخير وعيد سعيد
طبق كحك وبتيفور ياستي ولا يكون في نفسك حاجة(هو الكلام بفلوس يعني).هههههههههه
ربنا يسعدك يا رب
اجمل التهاني وارق الاماني بحلول عيد الفطر المبارك
ردحذفاعاده الله عليكم وعلينا بالخير واليمن والبركات
راجين من الله ان يديم علينا الاعياد والايام السعيدة
وان تستمر اعيادنا لابد
كل عام وانتم بخير
كل عام وانتم بخير
ردحذفعيد سعيد عليكم وعلى الأسرة الكريمة
تحياتي :)
كل سنة وانتى طيبة
ردحذفتقبل الله منا ومنكم
دمتِ فى سعادة
ايه ده انا طلعت من الشروريين
عاااااااااااااااااااااا
بسم الله الرحمن الرحيم
ردحذفتقبل الله طاعاتكم
وكل عام وانت بخير
جعله الله عيد حب وسعادة وهناء
دمتم بود
بسمة : هههههه يا ساتر مرة واحدة
ردحذفيا ساتر يا ساتر من قنطرة الدفاتر يا عبد القووووي -لو تعرفي مين قنطرة دي قوليلي-
بلاش الأر ده يا بسمة
وبعدين والله العظيم انا مش كتكوووووتة مش عارفه ليه الاسم ده طالع عليا عاااااا
كل سنة وانتي طيوبة وعسولة وحبوبة وبصحة وسعادة يا قمرايا
كل سنة وانتي طيبة
ردحذفوان شاء الله يكون عيد سعيد عليكي وعلى الاسرة الكريمة
عيدم مباارك
ودمتي مبدعة و حولكِ من يحبك ان شاء الله
السلام عليكم
ردحذفكل سنه وانتى طيبه ياقمر وعيد سعيد عليكى وعلى الامة الاسلاميه وبجد وحشتينى قوووووووووووى
ربنا يطمنى عليكى وتكونى فى احسن صحه
ومتشكره قووى على انك لسه فاكرنى
ربنا يوفقك يارب ويسعدك
تحياتى
ايناس
عيد سعيد
ردحذفوعمر مديد
بسمة : طار ف الهوا شاشي وانتي متدريشي يا سومة
ردحذفمنوارني يا جميله
السلام عليكم
ردحذفكل سنه وانتى طيبه يا حبيبتى
عيد سعيد عليكى وعلى كل حبايبك يارب
سامحينى على التقصير
عاشقة الرومانسية : ههههههه أي خدعة اسمك نزل في الصفحة الأولى وبالألوان كمان :)
ردحذفهههههههههههه دودو ربنا يكرمك بلاش الدعوات دي وبعدين اشمعنا عالعيد الكبير يعني ليه هنضحي بالعريس علشان العروسة تعيش ولا ايه نياهاهاها
ومتقلقيش هقولك عايزة جمل عيديه
ربنا يجعلك كل ايامك افراح واعياد يا حبيبتي
نورتيني
مرمر : والأن مع جائزة أحسن فيديو كليب للعيد والمطربة الصاعدة الواعدة مرمرررررررررررر تصفيق حاد :)
ردحذفحلو الريميكس ده يا مرمر
كل سنة وانتي طيوبة وبصحة وسعادة
ويارب كل ايامك وايت تشوكلت
شيما : انا في الحياة الواسعة يا شوشو
ردحذفاييييييييه كانت أياااااااااام :) والله وحشتني انا كمان بس هترجع تاني قريب ان شاء الله دونت ووري
وبجد بجد فرحانه ان البوست عجبك وطبطب عليكي
وانتي طيوبة وبصحة وسعادة يا حبيبتي
اللهم امين ولكي مثل دعائك
محمد : يا سلاااااااااام لا كده هزار
ردحذفابعتهم في البوسطة يا محمد :)
كل سنة وانتا طيب
منار : وانتي طيبة وبخير وصحة وسعادة يا حبيبتي
ردحذفولأ طبعا مقدرش على زعلك يا قمرايا
اديني بسلم عليكي مخصوص أهو
عيد سعيد عليكي وربنا يسعدك ويفرحك ويجعل حياتك كلها اعياد
شاب فقرى : كل سنة وانتا طيب وبخير
ردحذفاللهم امين
دموع القمر : وانتي طيبة يا قمرايا
ردحذفتسلميلي
يوسف : غريبة اومال بيقولو الاسم بيحن ازاي :)
ردحذفتسلم يا يوسف
ويارب عيد سعيد عالجميع
الانجينير : تسلم يا انجينير
ردحذفوحلوين الغريبة والبيتي فور
كل سنة وانتا طيب وبخير وفي احسن حال
موني : انتي دايما من الحلوين والعسولين يا موني
ردحذفتسلميلي يا زميله على فكرة محدش غيري هيذاكرلك دراما وفوناتكس السنة دي ان شاء الله :)
كل سنة وانتي طيوبة وبخير وصحة وسعادة يا قمرايا
دعاء : ههههههههههه مين بس اللي كدب عليكي وقالك ان نفسي مفتوحه عالدنيا يا دودو
ردحذفكل سنة وانتي بخير وصحة وسعادة يا قمرايا
وثانكيو على طبق الكحك والبيتي فور
والكلام مش بفلوس بس لما انزل دمياط ان شاء الله هطالبك بالطبق يا دودو وانتي اللي جبتيه لنفسك يا بنت بلدي نياهاهاههااه
اللهم امين ربنا يسعدنا جميعا
رومانسي : وانتا بخير وصحة وسعادة
ردحذفتامر علي : وحضرتك بخير وصحة وسعادة
ردحذفحضرتك والأسرة الكريمة
محمد غالية : وانتا طيب وبخير وصحة وسعادة
ردحذفاللهم امين
عيب عليك متقولش كده انتا من أطيب الطيبين - احسبك على خير ولا ازكي على الله احدا -
احمد سعيد بسيوني : اللهم امين
ردحذفوانتا بخير وصحة وسعادة
♥ Am fOpa'D ♥ : وانتي طيبة وبخير وصحة وسعادة يا قمرايا انتي وأسرتك الكريمة
ردحذفتسلميل يا قمرايا وليكي مثل دعائك
عاشقة الأحزان : وعليكم السلام ورحمة الله وبركاته
ردحذفوانتي طيبة وبصحة وسعادة يا انوسة
وطبعا فاكراكي
ربنا يكرمك ويرضى عليكي يا قمرايا
تسلميلي
قيس بن الملووووح : وعيد سعيد على حضرتك
ردحذفربنا يكرمك
نورتني
ليس فقيرا من يحب : وعليكم السلام ورحمة الله وبركاته
ردحذفوانتي طيبة وبخير وصحة وسعادة يا حبيبتي
تسلميلي يا قمرايا
نورتيني
لو ضاعت منك حاجه جميله ف حياتك فتاكد انها لو كانت استمرت مكنتش هتفضل بجمالها وأكيد الجاي أحلى وأجمل بكتييييييييييير حتى لو لسه مش باين ولا شعاع من نوره فمسيرك هتشوف النور وهيملا كل خليه من خلاياك حب وفرحه وأمل ف اوعى تضيع عيدك لأنه مش هيرجع تاني
ردحذفكل سنة وانتى طيبة
ويارب دايما بخير
العيد عيد برغم كل شىء
ومسير اللى راح يرجع او ربنا يبعت احسن منه
تحياتى ليكى
شاب فقرى