النهاردة كنت بسمع نجوم اف ام وجت أغنية لنادر نور اسمها جربت في الأول مكنتش مركزة مع الكلمات بس لفت انتباهي كلام الأغنية من اول محتاج أقولك كلمتين ... وبجد بعديهم همشي
واعذرني يعني عشان يمكن تسمعني بس ماتفهمشي
أصل الكلام ده فيه حاجات تتحس بس ما تتقالشي
فروحت قعدت ع الكنبه علشان اسمع باقي الأغنية بتركيز بالمناسبة الكنبه اسمها Love Seat
معلومة جديده عن كنبتنا أي خدعه :)
المهم سمعت باقي الأغنية ولقيتها بجد تحفففففه وتكرم عليا النت الخنيق وعرفت اعمل داون لود للأغنية واسمعها كذا مرة وللأسف كلماتها واقعية جدا
وخصوصا :
جربت لما يكون حزين تبقى أنتا مش قادر تنام ؟
وان حد قال انه اتجرح تلقى الدموع سابقه الكلام ؟
هو يادوب يقول ال أه وانتا اللي بتحس الألام
والمشكلة لو حاسس بالمشاعر دي نحية حد وهو مش حاسس بكل ده
او ممكن يبقى حاسس ومطنش وبرضه بيجرح فيك
رأيي المتواضع ان لما حد يحب كل الحب ده ويبقى حب من طرف واحد يبقى احسن حاجه يبعد ويحاول ينسى والأيام هتداوي جراحه زي ما اول كوبليه في الأغنية بيقول :
أرجوك كفايه ومتقولهاش انا همشي وابعد من نفسي
وفي اخر الأغنية بعد كل العذاب اللي الحبيب حس بيه وشافه بيقول لحبيبه الخنيق
جرب آلامي وابقى قول هتحس ايه لما تعيشها
لحظة بقى يعني اللي محسش بكل الحاجات اللي في الأغنيه هيحس ازاي بكل الآلام دي ؟؟؟؟؟
--------------------------------
كلام على جنب : نصيحة صغنونة محدش يفكر يقرأ رواية غادة الكاميليا أو اي رواية كئيبة ومؤلمه وقاسيه زيها علشان هيجيله اكتئاب فورا وهيشوف الدنيا من غير الوان حتى من غير الأسود والأبيض
اسسسسسسسسسسسسسسسسسكتى مش الريدر بايظ عند البشر كلهم:) يعنى البوست ده مظهرش عند حد بس على ميييييييييييين قفشته:))
ردحذفوانا كمان بوستى نزل ومظهرش فى الريد ومعظم المدونين كده,,انا اعتقد ان حد لاعب فى الريدر زى مهيلعبوا فى الساعه:)
ندخل على البوست..شوفى ياستى هى مشاعر قاسيه جداااا مع انى مجربتهاش الحمد لله بس فى راى الشخصى يعنى لو واحده تتحب الحب دا كله وهى مش بتحب حد, ومتديش نفسها فرصه تحسه تباه حماره:)
اصلى مع مبدأ خدى اللى بيحبك ومتخديش اللى بتحبيه....:))
good morninig lady:
ردحذفwas looking for something on google that lead me to ur blog and ii checked it out its sounds like a nice blog
the thing is that i do love somone who doesnt love me back and it realy hearts
reagrds and take care
bye
by the way not all the coudge called love seat
ردحذفbasicaly love seat when its only for two people
regards again
مش سمعت الاغنيه
ردحذفبس عشان خاطرك اسمعها ;)
كويس انك قولتى على غاده الكاميليا اصل اسمها كان عاجبنى وكنت بفكر القى نظره عليها هههههههههههههههههههه
انا بصراحة رايى ان الى يحب حد ميضيعش و قت و يروح يقوله لو ما وافقش يبقى يحاولينسى و ربنا هيرزقة بالى يقدرة
ردحذفماهي الدنيا كده نحب ناس مش بتحبنا وهما اصلا بيحبوا ناس مش حاسه بيهم وادينا بنلف في دواير والدنيا تلف بينا وفي الاخر محدش بياخد غير نصيبه واكيد ربنا شايل لكل واحد الاحسن ليه
ردحذفازيك ياقمرايه ياسكره
ردحذفمسمعتهاش بس انا حالا هسعمها عشان عارفه ان زوقك عالي اوي
وكل سنه وانتي طيبه
اذيك ياقمر
ردحذفكل سنه وانتى طيب
انا ما سمعتش الاغنيه بس اكيد هسمعها واتعايش معاها
انتى زوقك هايل ياقمر ربنا ما يحرمنيش منك يارب
مودتى
رمضان كريم
ازيك يا ليدى وحشتينى
ردحذفكويس انك قلتيلى اصل كنت منزله غادة الكاميلياوبقالها اسبوعين كل يوم افكر اقراها وسومة متسمحليش :)
الاغنية بقى سمعتها
هى كلمتها جميلة بس باقيها لا
ولا صوت ولا موسيقى
يمكن عشان كدا محستهاش
بس اى حب يصاحبة الم من الحبيب
من بدايتة لازم ينتهى
مش لازم نستنى المرحلة دى
هو الحب بيكون اقوى ويجبرنا على البقاء والتحمل وهو دا الواقع فأى حد اصلا مش بيقدر الامنا ولا يحس بيها وهو اللى بيكون جارحنا يبقى اكيد مش حاسس بحبنا ولا هيحس بيه
يارب تكونى بخير
تقبلى مرورى
الحب من طرف واحد بهدله وقلة قيمه
ردحذفوأحسن للي يلاقى نفسه في ذلوك الموقف انه يخلع وبلاش قلة قيمة
واللى بيبيع الناس اللى بتحبه بتلف الايام وبيحتاج لهم ومش بيلاقيهم
واصون كرامتى من قبل حبى غصب عن عين التخين
انا كمان الأغنيه دى شدتنى اوى
ردحذفمسمعتش الاغنية قبل كده ومليش في الكلام ده
ردحذفبس عجبني اووي حكااية الصوفا واسمهااا
لووف سييت,,,حلوو,,,:d
كل سنة وانتي طيووبة
لا يشعر بالالم الا من به جرح
ردحذف---
كل سنة وانتى طيبة يا جميلة ورمضان كريم علينا جميعا
شيما حبيبتي : ايون ايون عرفت موضوع الريدر ده بس اهم حاجه انك قفشتي البوست :)
ردحذفلو واحد تتحب او واحد يتحب مش لو واحدة بس يا شيما وبعدين الموضوع مكلكع وعايز رغي كتير
وبعدين بلااااااش بلاش مبدأ خدي اللي يحبك ومتخديش اللي بتحبيه ده لأن اعتقد ان الزوجة بتصبر على زوجها علشان بتحبه لكن لو مش بتحبه هتصبر عليه وتعيش معاه ليه !! اوكي خدي اللي يحبك بس عالأقل تبقي مرتاحه ليه ومتقبلاه وشايفة ان ممكن العشرة تخليكي تحبيه :)
منوراني دايما يا شيما ومبروك عليكي الصواريخ الجاديدة
سالي : فرحانة انك كتبتي بالانجليش بس مش عارفة ليه مش عايزة ارد بالانجليش :)
ردحذفشكرا على رأيك الجميل عن البلوج يا قمرايا
وفعلا الحب من طرف واحد مؤلم جدا جدا جدا
نورتيني
سالي : ههههههههه ماشي يا سالي شكرا على التوضيح مع اني عارفة المعلومة دي بس يمكن حد غيري مكنش يعرفها
ردحذفشكرا ليكي
Bent Men ElZaman Da !! : على فكرة في أغنية أحلى منها اسمها فاكر كلامك
ردحذفاسمعيها وأكيد هتعجبك :)
بالنوسبة لغادة الكاميليا فكويس انك مألقيتيش نظرة عليها
نورتيني وكل سنة وانتي طيبة
بيكر(baker) : زي ما كلمات الأغنية بتقول
ردحذفأصل الكلام ده فيه حاجات تتحس بس ما تتقالشي
اللي بيحب حد صعب انه يصارحه وخصوصا لو مش متأكد من حبه
أميرة علي كوكب مهجور : دايما ننتهي لمطرح ما ابتدينا طيور العمر تايهه في عتمة المدينة بتدوووووور :) قولتي أغنية بحب اسمعها يا مرمر
ردحذفواكيد ربنا سبحانه وتعالى شايل لكل واحد الأحسن ليه
ديالا : الحمد لله يا دودو
ردحذفتسلميلي يا قمرايا بعض ما عندكم
وانتي طيبة وبخير وصحة وسعادة
عاشقة الأحزان : وانتي طيبة وبخير وصحة وسعادة يا انوس
ردحذفما بلاااااااش اسمعي أغنية فاكر كلامك أحلى لأنك لو سمعتي جربت هتتضايقي ومودك هيقلب في ثانيه وهتدعي عليا فبلااااش تسمعيها عاااااااا
وربنا ميحرمنيش منك يا قمرايا والله أكرم
احساس طفلة محبة للرومانسية بس واقعية : الحمد لله يا رومانسية
ردحذفولازم تشكري سومة كتير جدا انقذتك من الرواية وانتي رومانسية ورقيقة وأكيد كنتي هتعيطي وتكتئبي لما تقرأي الرواية وده اللي حصل معايا لما قرأتها بكرررررره الفرااااق وخصوصا بالنهاية المأساوية دي ان مارجريت ماتت بمرض السل لواحدها وهي بتتمنى تشوف ارمان حبيبها ولو ثانيه ومشافتوش وماتت عاااااااا عاااااااا عاااا
والحب مرتبط بالعذاب والشوق والدموع وقمة السعادة والرومانسية والفرحة يعني م الأخر جنان :)
اما عن كلامك فأكيد اللي مش بيحس بألامنا عمره ما هيحس بيها
نورتيني
إيمان : أيون أيون
ردحذفغصب عن عين التخين والرفيع كمان :)
blue-wave : ده على اساس انها مغناطيس ؟ :)
ردحذف♥ Am fOpa'D ♥ : ههههههه أي خدعه عرفت بالصوفا بتاعتنا
ردحذفوانتي طيوبة وبخير وصحة وسعادة يا قمرايا
موناليزا : فعلا
ردحذفوانتي طيبة وبخير وصحة وسعادة يا موناليزا
والله أكرم