حاسة اني انشغلت في العالم الافتراضي اوي لدرجة اني نسيت حاجات كتيرة جميلة بره النت وبره العالم اللي صنعناه من خيالنا جميل اننا نصنع احلام وعالم في خيالنا لكن لما الخيال دا يطغى على الواقع يبقى لازم نفكر ان في اولويات في حياتنا اهم من المدونة وساعتها لازم نبعد علشان نعرف ايه الحقيقة وايه الخيال
اتمنى الاقي ليدي اللي بقت غريبة عني ووحشتني جدا
طب ايه؟؟
ردحذفالفترة دي قد ايه؟؟
مستنيينك متتأخريش علينا
وإبقى طلي علينا
لالالالالالالالالالا
ردحذفبقى مش هنسمحلك تبعدى
ترتبى أوراقك وترجعى أوك
فى إنتظارك
:S
ردحذففي ايه ياليدي ايه الكلام ده يابنتي
:(
لا ماينفعش بجد هزعل منك اوي وكلنا هنزعل على فراقك
بالله عليكي بلاش :(
بتهزرى اكيد صح
ردحذفطيب احنا مش فى ابريل
ولا دى مفاجئة
لو مفاجئة يبقى غير سعيدة نهائيا
بجد يا ليدى العالم دا صحيح احنا صنعناه
بس لية خيالى انتى بتعبرى عن رأيك وحياتك وعمر دا مكان خيال
اذا كان الحكاية اولويات فانتى عندك حق بس رتبى اولوياتك بحيس ان يكون فى وقت للمدونة كل فترة
بلاش تكتبى بوستات كتير وتعلقى على بوستاتنا كتير خليها كل فترة بس متغبيش نهائي كدا
وفى كل الاحوال ربنا يوفقك
تقبلى مرورى
والله نفس الاحساس بتاعي لما اندمجت اوي في عالم الانترنت وبحاره العميقه ووديانه الفسيحه ، حسيت اني توهت عن نفسي شوية
ردحذفلكن مش لدرجة اني اتغيرت الحمدلله
لكن للأسف الأثر السلبي للاندماج ده كان على حساب بعض الملكات والمواهب التي انعم الله بها علي ومنها الرسم والكاريكاتير والكتابه بشكل طبيعي بالورقه والقلم بدل النقر على لوحة المفاتيح التي تفتقد لأي احساس في الدنيا
عموما فكرة كويسة ان الانسان يقف مع نفسه كل فترة كده ويراجع حساباته لتقييم ما فات منها حتى يستطيع المواصلة في مشواره على ارض صلبه
واهو كله تغيير جو وتجديد نشاط
المهم ان حضرتك لاتبتعدي عن التدوين
دمتي في حفظ الله
ليدى انا بحبك اوى بليز بلاش تقفلى المدونة خليها مفتوحه واكيد هترجعى
ردحذفكل واحد فينا بيبقى محتاج وقت يعيد فيه حسابته ومن حقك تاخدى الوقت دة بس بلاش تتاخرى علينا
هتوحشينى
تحيـ بسبس ـاتى
الله ع المفاجاة احلوة دى!!!!!
ردحذفبصى ياستى انا فاهماكى كويس اوى اوى ليه؟؟؟؟
عشان انا عندى الحاله وفعلا بعدت فترة لقيت نفسى بعمل حاجات كتير اوى والحمد الله دلوقتى رجعت خليت انا الى اسيطر ع العالم ده مش هو الى يسيطر عليه!!!!!
وفعلا جاه فى بالى انى احجب المدونة لاول مرة لكن بالتدريج لقيت ان المدونة ليها جوانب مشرقه
هو احنا ممكن تقولى نضجنا تدوينين***
بس دى الحدوتة ياستى ولمة تخرجى من الحاله دى هتقولى كيكى كان عندها حق!!
ربنا يحفظك يانونتى
طيب هتغيبي عننا اد ايه وليه يارب تكوني بخير وياريت تطمنينا عليكي بسرعة ومستنينك
ردحذفايوة هو صحيح عالم افتراضي
ردحذفبس بنقول فيه افكارنا وبنشارك الناس افكارها
لو حاسة انه اخدك من حياتك يبقى حددي اوقات معينة للمدونة علشان متسرقكيش من حياتك
لكن مش تسيبيها كده خالث مالث يا ليدي
الشوطة وصلت حداكم ولا اييييييييه
ردحذفان شاء الله هتلاقى ليدزى اللى غايبة عنك من زمان وساعتها هتقولك مش هتخسرى حاجة لو توازنى بين عالمك الواقعى وعالمك الخيالى
ليدي
ردحذفصدقيني عالم النت احسن كتير من عالم الي بره
العالم الي بره وحش اوي
ياريت ترجعلنا من غير اي جراح يارب ياليدي
يعنى مش هتيجى تانى والا دى فتره وهتعدى :(
ردحذفلا بجد ماينفعش كده
حاولى بس ترتبى دماغك وحياتك شويه
بس تيجى تانى :(
والنبىىىىىىىىىى :(
ياخراشتى هى دى المفاجاه اللى عماله تقولى انك حاسه انها هتيجى:) ايه الطعامه دى؟؟؟؟
ردحذفشوفى انا معااااكى جداااا ان مينفعش نعيش حياتنا كلها على النتمش المدونه وبس لا النت واصحابه وكل الكلام ده..
علشان كده هقولك قللى جدولك حددى ميعاد معين تنزلى فى بوستاتك او تدخلى فى وقت معين تشوفى الردود والوقت ده وركزى فى كلامى الوقت ده مش بتعملى فيه حاجه فى حياتك غالبا يعنى مش بتخرجى فيه مثلا وهكذا بمعنى انا مثلا بقعد ابتداء من 2 لحد صلاه الفجر وبعدين اصلى واقوم..وهكذا...
مينفعش نعيش حياتنا كتابه وبسسسسسسسسسسسس...صحصح ياقمر بس مش معنى كده اننا نقفل ونشطب لا احنا نقلل ونحط جدول.معلش فى الاول هتحسى بالاعارض الانسحابيه للادمان:) بس بعد كده عادى هتتعودى ان وقت معين بس هو اللى بقعد فيه:)
عووووووووووودى ياهامييييس.بس عودى بعقل من غير ما النت يخلينا منعرفش نعيش حياتنا..:)
السلام عليكم
ردحذفوالله ازعل قوووى منك لو عملتيها وقفلتيها
دا انا عملت البوست الجديد مخصوص عشانك
يلا بقا منتظراكى ياقلبى
بحبك قوووى
انا حاسه بيكى جداااااااااا
ردحذفوبأيدك فى الخطوه دى بس بشرط انك متتوقفيش عن التدوين انتى بس تنظمى الموضوع ويكون مجرد نشاط اسبوعى لكن غياب دائم لا وبرضوا انشغال عن حياتك الحقيقيه لا
ربنا معاكى وتلاقى ليدى وتقابليهال وتكون فى حال أحسن مما تتخيلى
أنا زعلانة جدا جدا؛؛؛ بأه أغيب يومين الويك إند أرجع آلاقيكي قفلتي !!!؟؟
ردحذفكده بدون مقدمات ؛ ده أنا عندي حاجات كتير كنت عاوزه أحكيهالك ، يعني مثلا : خبطت سواق تاكسي وبوظت عربيته وعربيتي كمان وقضيت طول النهار إمبارح أنا و ماما في الشارع لما جاتلي ضربة شمس ؛ لكن ربنا ستر ، قدر ولطف .علي فكرة أنا عرفت إنك برج الدلو زيي ؛ وبيقولوا إن البرج ده السنة دي حظه حلو !!؟؟ كذب المنجمون ولو صدقوا ، بس أهو نتفائل شويه ؛؛
شوفي يا ليدي خدي وقتك ، بس أنا واثقة إنك مش هتقدري تسغني عننا وإحنا كمان ؛ وأهي فرصة يبقي عندك أخبار تحكيهالنا مرة واحدة ؛ ولغلية الهدنة دي ما تخلص قبلاتي وتحياتي
ديدي
سلاموا عليكوا ...
ردحذفالعوافي ...
يا اخونا يالي هنا ...
مش معقول اول مرة اجي فيها يتحط قدامي يافطة مكتوب فيها شطبنا ...
فين حسن الضيافة بالظبط ...
انا قاعد لحد ما تجيبولي الشاي ...
و مستني ...
متفق لكن مينفعش تسيبى التدوين
ردحذفوازني امورك
ردحذفوالأصلح لحياتك هو الصح
ربنا معاك
ياريت ترجعلنا بسرعة
ردحذففى إنتظارك
وحياه الى فات ارجعى يافتكات!!!
ردحذفكع كع كع
لا متطوليش كتير
ردحذفارجعى بسررررررررعة
صحيح النت والعالم الافتراضى بيعبدنا كتير عن الحياة الواقعية بس احيانا بيكون احلى
هنستناكى
ايه الاخبار؟؟
ردحذفyarb tlakeha wtrg3y lena balf slama yamraya htw7shena
ردحذفيعنى دى فتره وتعدى ولا ايه؟
ردحذفطيب انا هاعتبرها اجازه
وفى انتظارك ياقمر
بس بلاش تغيبى كتير هه؟
طيب قولى حاجة
ردحذفاخبارك اية ؟
يارب تكونى بخير
:(
اوعى تطولى وتغيبى عننا وانتى بتكتشفى نفسك
ردحذفRannon : هههههه انا اللي طب ايه ؟؟
ردحذفلو اعرف ان البوست دا هيخليكي ترجعي تعلقي في المدونة كنت كتبته من زمان
وحشتيني اوي
واي خدعه متاخرتش اهو :)
mohamed ghalia : الحمد لله رتبتها
ردحذفتسلم يا محمد
MǿиY El-Shreef : موني حبيبتي عرفتي نقطة ضعفي
ردحذفبالله عليكي وهزعل منك وانا مقدرش على زعلك :)
مبروك التخرج من الثانوية العامية وعقبال ما اقولك يا زميلة لما تدخلي اداب انجليش ان شاء الله
احساس طفلة محبة للرومانسية بس واقعية : لا احنا في يوليو نياهاهاها وبعدين لا تقلقي حتى في ابريل مش بكذب :)
ردحذفانا فعلا بعبر عن رأيي بس بقول عالم خيالي لأن للأسف مش كل الناس واضحة وصريحة فبتلاقيهم بيجملوا نفسهم اوي لدرجة الخيال
وفي كل الاحوال ربنا يوفقنا جميعا :)
سلميلي على سومة
قلم رصاص : هو سواء شئنا ام ابينا خلاص العالم الالكتروني بقى جزء من حياتنا وانا الحمد لله متغيرتش لكن حسيت اني مفتدة روحي وحسيت ان العالم دا سرقني بس الحمد لله الفترة دي مستمرتش كتير
ردحذفوبجد احساس الكتابة بالقلم دا احساس تاني خالص
ربنا يكرمك ودمت في حفظ الله