عااااااااااااااااااا وكمان عااااااااااااااااااا عاااااااااااااااااااااااا
بيقولو اللي جوزها يحبها الشمس تطلع لها عاااااااااااااااا
امبارح قولت اساعد مامتي حبيبتي في شغل البيت وامري لله يلا اهو نكسب ثواب برضه
وفعلا فضلت اغسل في الغسيل 10 ساعات ونص من غير مبالغة مع ان في الوقت ده كله الناس ممكن تغسل غسيل جمهورية مصر كلها
ومع ان كمان مكنش في هدوم كتير عايزة تتغسل يعني الغسالة مكنتش مليانه اصلا
ودلوقتي اوفاجأ بمطر مطر يعني سيووووووووووول نازله عالغسيل وهو منشور عاااااااااااا يا خسارة العشر ساعات ونص يا غسيل
ليه كده يا غسيل يعني انا قصرت معاك في ايه ؟؟ ده انا حتى غسلتك ب بونكس نضافة ريحة توفير بريحة الياسمين
وبكلوركس الوان بريحة الورد يعني جنينة يقوم المطر ينزل عالهدوم ويبوظها عاااااااااا يا الهي رحمتك
دايما لما ماما بتطلب مني حاجة بقولها هنشر البوست وأجي
فبتقولي مفيش مرة تقوليلي انشر الغسيل
اديني غسلت الغسيل والدنيا مطرت عاااااااااااااااااااااااا عااااااااااا
وفي النوهاية احب أقول اللي جوزها يحبها الدنيا تمطر لها - غيرت المأثورة-
والا كده يبقى سيادة جوز المستقبل المجهول مش بيحبني اومال انا ليه حاسة انه بيحبني
ما علينا
سلام
حتى اليوم اللى تفكرى تنشرى الهدوم فيه الدنيا تمطر عليها؟؟
ردحذفاقول ايه بس يا اخواتى؟
اكيد ماما هتقولك من النهاردة ملكيش دخل بأى حاجه تخص البيت ارحملها لانها كده هتغسل الهدوم بنفسها تانى ..
ربنا يستر على جوز المستقبل
ايه ده؟
ردحذفهو انا اول تعليق؟؟
خلاص ع البراكة
ههههههههههههههههههههههه
ردحذفهيا بتبقى اقدام اصلها:))
مسدس صغير : ايه نظرة الشماتة دي يا مسدس عاااااا
ردحذفواضح ان السحاب مطر علشان اتأثر علشاني غسلت هدوم :)
وجوز المستقبل اكيد مامته داعيه عليه في ساعة اجابة بالدوخة المستعجله
blue-wave : ياااااااه فرحان فيا اوي كده ليه يا دكتر عااااااا
ردحذفماشي ماشي الله يسامحك
قليل البخت يلاقي المطرة مع الغسيل
ردحذفما ينوب اللي بيغسل الا بلبلة هدومه
يادي الشيلة ويادي الحطة راح على غسالة ورجع على مطرة
كفاية كده ونشاطركم الغسيل وربنا يجعله اخر نشير في جو مطير
ماهى دى ميزة حب الزوج بقى
ردحذفإللى جوزها يحبها الشمس تطلعلها و تنشف الغسيل
يا بنتى المطره مش عاجبها غسيلك
ردحذفشكلك كنت غسلاه من غير نفس
علشان كده قالت تأكد على الغسيل
زياده ميه يعنى
معلش ياليدى ..
ردحذفممكن يكون المطر حس ان العشر ساعات مش كفاية ..:D
وان شاء الله زوجك هايكون بيحبك ..
دُمتِ وغسيلك طيبين ..
ستيته حسب الله الحمش : تسلميلي يا دكتر على المشاركه الوجدانيه
ردحذفهو ممكن يكون اخر نشير ليا نياهاهاهاها
قبلاوى : نو ابسلوتلي اللي جوزها يحبها الدنيا تمطر لها :)
ردحذفإيمان : فكرة برضه
ردحذفانا فعلا كنت بغسل الغسيل من غير نفس زي ما بيقولو تقضية واجب عرفتي منين؟؟ :)
لجين أبو الدهب : تقريبا هو ده احساس المطر ساعتها :)
ردحذفوياااارب ربنا يستجيب دعوتك ويرزقني بزوج يحبني ويتقي الله فيا
دمت بخير وفي حفظ الله
ههههههههههه
ردحذفده كله زعل وعياط
هو الظاهر ان السحاب هو ايللي عيط لما لقى الغسيل بعد عشر ساعات ونص نفسى اعرف ازاى
شكله كده كان عايز يكمل ال24 ساعة
ههههه يا سيتى جت على عشر ساعات ونص تانين
سلام يا قمر
(وش بيشمت وبيطلع لسانه)
ردحذفهئ هئ هئ هئ هئ
متتخيليش مدى السعاده لما الموقف ده بيحصل لاي حد
أصل انا بصراحه بحس ان اللي بيغسل ده بيعمل مجهود كبير والعمليه في الحقيقه مش محتاجه ده كله
يعني لو يدوبك بيدور مفتاح الغساله ويحص مسحوق وخلاص
ونشير الغسيل مش بياخد 5 دقايق
طبعا ده كلام واحد بره الموضوع
هئ هئ هئ هئ
بس لما بيكون في غسيل بيكون في حالة طوارئ غريبه انا مش فاهمها لغاية دلوقتي
عشان كده لما الدنيا تمطر أو يقوم تراب بحس بالشماته (وش شيطان صغغن)
هئ هئ هئ هئ
نيهاااااااااااااااااهاهاها
بنوتة : اومال ايه هو الغسيل ااقل منها لما اهتم بيه 10 ساعات ونص ههههه
ردحذفنورتيني يا قمر
Eng. Ahmed Abo El-Ella هيء هيء ونياهاهاها كمان فين طنط مامتك تشوف ردك ده
ردحذفع العموم ربنا يوعدك وتجرب تغسل وتشوف الغسيل هيبقى سهل ولا صعب
على فكرة طول ما انتا بره الموضوع بتفتكره سهل ومش عايزة افكرك بكوباية الليمون نياهاهاها