الثلاثاء، 20 يناير 2009

حكاية امتحان


خالق الأكوان يا ربــــــــــا تعالى يا عظيما ليس الاك المجيب
يا عظيما ليس الاك الــــــه يا غنيا ليس الاك الحسيب

الكلام ده ملوش علاقه بالموضوع بس مش عارفة ليه الكلام ده عمال يتردد في دماغي زي ما تكون دماغي مشغلة سي دي النشيد ده
********************************

بابا : مالك يا ليدي حاسس انك قلقانة من الامتحان الجاي
ليدي : انا فعلا قلقانه جدا من الامتحان الجاي يا بابا لأن اسئلة الامتحان مبنية على الحفظ وانا مش بحب احفظ فالمشكلة لو حفظت ونسيت كلمة السؤال كله هيطير
بابا : ذاكري بس وخليها على الله
ليدي : ونعم بالله

وبعد شوية
ماما : احنا هنخرج شوية علشان الجو يبقى هادي وتعرفي تذاكري براحتك
انا : قصدك مذاكرش براحتي خدوووووووووني معااااااكو عاااااااااااااااا
ماما : بكرة لما تخلصي امتحان ابقي اخرجي معانا براحتك
انا : لاااااا بكرة ايه هو حد ضامن عمره لبكرة
ماما : مذاكرتك اهم حاجة دلوقتي
انا : المذاكرة دي اخر حاجة الواحد يفكر فيها

وبعد شوية .

تليفوني رن اه اه تررن تررن واللي ردت اه يا عيني صوتها احن
ماما : الو ايوة يا ليدي اخبار المذاكرة ايه
انا : كويسة وبتسلم عليكي يا ماما اندهالك تكلميها ؟
ماما : بطلي هزار واقفلي المدونة وذاكري
انا : يا فقساااااااااني يا ماما بس حضرتك عارفه اني بكرررررررررره الحفظ ومش عارفه اذاكر
********************

المادة اللي جاية بعد كام ساعة دي اسمها مقال او بلغة الاعجميين Essay
وازاي ازاي ازاي اوصفلك يا حبيبي ازاي ان المادة فظيعة ازاي يا حبيبي
مع ان المفروض ده يكون اسهل انطحان بس انا متوجسة خيفة منه (بتكلم بالنحوي ادي اخرة الانطحانات)

هي الأرض بتتكلم عربي الأرض الأرض
حد قال انها بتتكلم عنجليزي لا سمح الله
يعني كده انا بخالف الطبيعية الكونية والجيولوجيا الميتفيزيقية والمصاعد الهوائية التنفسية والأرانب بالملوخية( ولو حد عارف معنى الكلام ده يقوللي )

وايييييييييه انا بكره الانطحانات واقولها لو اتسأل

خير خير ان شاء الله خير
واللي تخاف منه ميجيش احسن منه ان شاء الله

*******************
تحديث : مش عارفة الامتحان كان صعب ولا كويس وانا حليت كويس ولا لأ بس اكيد هعرف لما النتيجة تظهر
الامتحان الجاي notes in linguistics :((((((
في

هناك 20 تعليقًا:

  1. moustapha achraf20 يناير 2009 في 8:48 ص

    ياةةة كانت احلى ايام ايام الأمتحنات دية كان الواحد صباح الفراغ و مورهوش حاجة و طبعا حتقولى لأ طبعا دية ايام و حشة وترجعى تانى تقولى ياةةةة كانت ايام حلوة زمانك بتمتحنى دلوقتى ...اللة معاكى

    ردحذف
  2. هانى زينهم20 يناير 2009 في 3:15 م

    اتريأى براحتك بكرة تندمى على الايام الجميلة دى وتقولى يا ريتها تعود !! صدقينى دى احلى ايامك وبكرة تفتكرى كلامى .

    ردحذف
  3. Lady E20 يناير 2009 في 5:18 م

    Blind Sniper : احلى ايام المحاضرات العاديه او الاجازة مفيش مشكلة لكن ازاي احلى ايام الامتحانات
    يمكن الزمن يثبتلي كلامك او يثبت عكسه بس انا حاليا حاسة ان ايام الامتحانات دي ايام خنيقة

    متشكرة جدا على الدعوة الجميلة دي

    بس قوللي ايه الاسم ده ازاي قناص او صياد اعمى

    ردحذف
  4. شفـقــة و إحســــان20 يناير 2009 في 5:22 م

    بطل دلع وذاكرى عايزين تقديرات

    ردحذف
  5. غير معرف20 يناير 2009 في 5:22 م

    انا كمان بكرها اوىىىىىىىى

    ايام فظييييييييييعه

    بجد اسؤا حالتى النفسيه بتبقى فيها

    ربنا معانا يا لايدى

    ردحذف
  6. Lady E20 يناير 2009 في 5:22 م

    هانى زينهم : والله مش بترييق ماله العربي يعني
    مشكلتي فيه كانت النحو والعروض اهو انا عندي المادة الجاية نحو وعروض بالانجليزي عااااااا

    وحضرتك قبل كده قولتلي عيشي حياتك بكل مراحلها علشان متندميش على مرحلة معشتيهاش
    اهو انا دلوقتي عايشة مرحلة خنيقة وهي مرحلة الامتحانات ومستحيل اندم عليها

    نورتني يا مستر

    ردحذف
  7. Lady E20 يناير 2009 في 5:24 م

    شفقة هانم واحسان بك : انا فعلا اكتشفت اني بتدلع
    وبعدين ماله المقبول ربنا يجعل في وشنا القبول

    نورتيني يا شفشوقتي يا جميلة

    ردحذف
  8. Lady E20 يناير 2009 في 5:26 م

    MaGn0liA... : انا الاتنين في واحد حالتي النفساوية والصحية بتسوء ايام الانطحانات

    ربنا معانا ويوفقنا ياااارب

    نورتيني من بعد غيبة كبيرة يا قمرايا

    ردحذف
  9. حروف20 يناير 2009 في 5:38 م

    هههههههههههه مش عايزةاقوللك قعدت في الامتحان انهردة وفجاة بصوت عالي لقتني بقول يارب هههههههههه معرفش لية جالي احساس الولادةالمتعسرة
    وشويا لقيت امم امم بتقول حسبي الله ونعم الوكيل ههههههههههه
    يارب ارحمنا برحمتك دمتي بالف خير

    ردحذف
  10. Lady E20 يناير 2009 في 5:59 م

    حروف (دلو مرة ثانية وجرح ثاني سابقا) : ههههههههههههه هو ده فعلا الوقت اللي الدعاء فيه بيبقى مستجاب زي الولاده المتعسرة بالظبط
    وبجد في امتحانات مينفعش معاها الا حسبنا الله ونعم الوكيل لأنهم بنتقموا مننا مش بيمتحنونا ولا بعد الامتحان تلاقي ناس مكشرة وناس بتوحد الدعاء على الداكتور اللي حاطط الامتحان

    ربنا يوفقك ويوفقني ويوفق كل الطلبة المطحونين ياااااارب

    ردحذف
  11. e_emy20 يناير 2009 في 8:12 م

    هههههههههه

    والله انتى عسسسسسسسسسسسل

    ربنا معاكى ان شاء الله وتحلى كويس

    وربنا يستر انا تقريبا نفس حالتك دلوقتى
    مش فاهمه حاجه ف اى حاجه ):

    ربنا يستر

    ردحذف
  12. Desert cat20 يناير 2009 في 9:43 م

    ويارتى عملتى ايه فى الامتحان
    يارب تكونى عملتى كويس وان شاء الله تنجحى وبتقدير امتياااز
    بس مش تنسى يبقى عندك واحد بيبسى كنز

    ردحذف
  13. غير معرف20 يناير 2009 في 11:43 م

    يارب تكوني حليتي حلو يا ليدي
    ربنا معاكي يا جميل

    ردحذف
  14. moustapha achraf21 يناير 2009 في 2:01 م

    ياةة من زمان الأسم دة من اعدادية يمكن لية حدوتة بس تخيلى انتى بقى قناص و اعمى ممكن يعمل اية lol

    ردحذف
  15. Lady E21 يناير 2009 في 4:15 م

    e_emy : ربنا يوفقك يا قمرايا
    وان شاء الله ربنا مش هيضيع تعبنا

    نورتيني

    ردحذف
  16. Lady E21 يناير 2009 في 4:19 م

    Desert cat : الحمد لله على كل حال يا كات وبالنسبة للامتياز ده بعيد شوية يعني
    طب قولي مقبول تبقى معقولة شوية
    وبالنسبة للبيبسي ليه استنى لغاية لما النتيجة تظهر لازم اعزمك عليه دلوقتي وخصوصا ان دي اول مرة تزوري المدونة

    وعندك احلى بيبسي كنز لأحلى كات

    ردحذف
  17. Lady E21 يناير 2009 في 4:23 م

    hager za3bal : يا رب يا هاجر يارب
    اول مرة معرفش حليت كويس ولا لا في الامتحان اللي فات ده
    ربنا يوفقك في امتحاناتك وفي حياتك يا قمرايا

    ردحذف
  18. Lady E21 يناير 2009 في 4:34 م

    Blind Sniper :بجد اسم صعب
    بس عمى العين(البصر) مش صعب اوي زي عمى القلب (البصيرة)

    شكرا ليك على المتابعة

    ردحذف
  19. أحمد بكر 21 يناير 2009 في 7:06 م

    ربنا يوفقك
    اقفلى المدونه و زااااااااكرى
    حلوه اوى القصيده بتاعة نحن قوم دى
    دمتى بخير و تقبلى مرورى

    ردحذف
  20. Lady E21 يناير 2009 في 11:01 م

    بيكر(baker) : مين اللي قال مذاكرة

    لالالا المذاكرة دي قبل الامتحان بساعة ولا حاجة

    ربنا يستر

    دمت بخير

    ردحذف