من أول الأسبوع وأنا مفتقدة فوفو بشكل كبير جدا أحب أعرفكم ب فوفو هي رفيقة دربي من 5 شهور تقريبا من أول لما أخدت الرخصة
فوفو هي عربيتي حبيبتي واخر اسم ليها واقرب اسم لقلبي هو اسم فوفو والاسم ده جه بعد اسمين لأن اول ما شوفتها سميتها البطيخه لأن لونها أخضر ومكعورة او مكببة (دوروا في القاموس على معنى الكلمات دي انا مش مسؤله )وبعدها سميتها الهمر علشان كنت باخد كمية تريقة رهيبة على فوفو حبيبتي علشان موديلها قديم شوية وكنت بزعل جدا فسميتها همر علشان هي بالنسبة لي همر (وهمرك العارجه تغنيك عن سؤال اللئيم) وفي الأخر جه اسم فوفو من فولكس (شبه عربية مصطفى قمر اللي بتيجي في الاعلان بتاع فيلمه الجديد وعربية احمد حلمي في ميدو مشاكل وافلام واغاني تانيه كتير) المهم هبقى احكيلكم على فوفو اكتر بعدين
النهارده حصل حاجة خلتني احمد ربنا ان فوفو مش معايا
كنا رايحين مكان نتفسح وبعدين كنا قريبين من البحر فاستأذنت بابا نروح نتعشى على البحر وبابا وافق الحمد لله
المهم نزلنا من الكتكوتة (لا الكتكوتة دي تبع بابا لكن فوفو تبعي انا) ولسه بهزر مع ماما وبتكلم معاها وفجأه سمعت صوت رعبني صرييييخ
واحدة بتصرخ بصيت ناحية الصوت لقيت عربية ربع نقل واقفة في نص الطريق بالعرض (علما ان الطريق رايح جاي وضيق يعني ممكن جدا العربية كانت تتخبط)
المهم علشان مطولش عليكم هقولكم ايه اللي حصل بالتفصيل البوست الجاي ان شاء الله
وعلى فكرة أغنية افتكرت الجديده بتاعت محمد حماقي بتبعبر شوية عن اللي حسيت بيه
وخصوصا الكوبليه اللي بيقول ( طب ازاي في حاجات بتموت وتيجي الصدفة تحييها , وافتكرت مسكته في ايدي وايدي خلاص سايباه)
واحدة بتصرخ بصيت ناحية الصوت لقيت عربية ربع نقل واقفة في نص الطريق بالعرض (علما ان الطريق رايح جاي وضيق يعني ممكن جدا العربية كانت تتخبط)
المهم علشان مطولش عليكم هقولكم ايه اللي حصل بالتفصيل البوست الجاي ان شاء الله
وعلى فكرة أغنية افتكرت الجديده بتاعت محمد حماقي بتبعبر شوية عن اللي حسيت بيه
وخصوصا الكوبليه اللي بيقول ( طب ازاي في حاجات بتموت وتيجي الصدفة تحييها , وافتكرت مسكته في ايدي وايدي خلاص سايباه)
والكوبليه ده كان في بالي طول الطريق لبيتنا بعد لما شوفت اللي حصل وكمان أغنية انا وشادي لفيروز
ايه يا بنتى دا؟
ردحذفاحنا مافهمناش حاجه خالص
بتشوقينا يعنى؟؟؟
ماشى ماشى
مستنين البوست الجاى
بس وحياتك ماتأخريه
blue-wave : ايه يا دكتر ايه اللي حصل
ردحذفاها عندك حق انا عارفة ان النهاية مش مفهومة علشان دي مش نهاية البوست
وهو تشويق وفي نفس ذات الواقت علشان البوست كان كبير فكان هيخللي اللي يقرأه يمل ومتوصلوش الفكرة اللي عايزة اوصلها من البوست
وبجد حضرتك كده تستاهل جايزة لأن مدونين كتير شافوا البوست و خافوا يردوا على حاجه مش فاهمينها
وان شاء الله مش هأخر البوست الجاي اسبوع ان شاء الله واكتب باقي البوست :))
شكرا على اول تعليق دائما يا دكتر
هههههههههههههههه
ردحذفحتضحك وبس
هههههههههههههههههه
ههههههههههههههههههههه
ردحذفاللـــهم ارزقني الفوفو بتاعتي واعتقني من بهدلت المواصلات قادر يا كريم
اللهم رد إليهـا فوفو الغاليه سالمــه متعمره متفوله يارب العالمين
afew good men : ربنا يفرحك دايما
ردحذفبس انا مش عارفة بتضحك على ايه؟؟
ده انا قولت واحدة كانت بتصرخ طب
هتضحك ازاي تبقى مجنونه بقى
وبرضه مش هقول ايه اللي حصل الا البوست الجاي ان شاء الله
شكرا ع التعليق مع اني مفهمتش مين اللي هيضحك بالضبط
المحرر الصحفي والشاعر : عمــاد الدين يوســـف : اهلا بيك
ردحذفاللهم أمين بجد بهدلة المواصلات دي حاجة صعبة بس هتتنقل من بهدلة واحدة لعدة بهدلات منها بهدلة الميكانيكي ومنها بهدلة بتاع الكاوتش اللي بقى حاجة اساسية اني اعدي عليه كل يوم
ويا سلام كمان لما تروح البنزينة ومتلاقيش بنزين وبهدلات تانية كتير
واكبر بهدلة فيهم لما تيجي تطلع الرخصة لو لسه مطلعتهاش
اييييييه مش عايزة اعقدك اكتر من كده
ربنا يوعدك بفوفو بنت حلال متتعبش قلبك وجيبك معاها
شكرا على الزيارة الجميلة والدعاء الجميل
الحمدلله على فوفو إنها بخير ويارب دايماً وعلطول تكون في أمن وأمان وبخير وسلامة كمان لؤؤل ,,, وفي أنتظار بقية التقرير الجميل تحياتي وأحترماتي
ردحذفأوكى فى إنتظار بقية الحكاية
ردحذفكل سنة وإنتى طيبة
دمتى بود
تحياتى
مبروك عليكى فوفو وخلى بالك من نفسك وانتى سيقاها
ردحذفده فزورة أكيد :)
ردحذفقمريييييييييتي ليكي تاج هديه جاوبيه
ردحذفL0vElYGh0sT14 : اهلا بيك
ردحذفوبجد حسيت من كلامك انك بتتكلم على مصر مش على فوفو
فوفو مش بخير حاليا هي بتتصلح وبتتجدد بس ان شاء الله كمان شهر هتبقى كويسة الحالة مطمئنة يعني الحمد لله
شكرا على زيارتك الجميلة ونورت المدونة
mohamed ghalia : أهلا بيك
ردحذفوانا هنتظر تعليقك على باقي الحكاية البوست الجاي ان شاء الله
وكل سنة وانتا بخير وصحة وسعادة يا رب
متشكرة جدا على التهنئة الجميلة دي وربنا يبلغنا رمضان يا رب
شكرا على زيارتك الجميلة للمدونة وتعليقك الجميل
appy: الله يبارك فيكي يا قمرايا تسلميلي
ردحذفوانتي كمان خدي بالك وانتي بتسوقي بطوط
بجد سعيدة جدا بردك شكل القلوب عند بعضيها لأني بحاول اشوف اخر بوست ليكي بقالي 3 ايام وكل لما ادخل مدونتك الاقي الخلفية بس من غير اي بوستات مش عارفة في ايه
ان شاء الله المشكلة دي متستمرش كتير علشان وحشني كلامك
funckydoctor: عاش مين شافك يا دكتر
ردحذفهي مش فزورة اوي يعني
ان شاء الله تتحل البوست الجاي
كل سنة وانتا طيب
ورمضان كريم
كيار : مش عارفة اقولك ايه يا نونا
ردحذفكده تدبسيني في تاج
بس انا مقدرش ارفض هدية منك يا قمرايا
شكرا ليكي يا جميلة وكل سنة وانتي طيبة
بس أسلوبك عجبني أوي و ربنا يخليلك فوفوو تتربى في عزك و لا يهمك أن صحابك يتريقوا على فوفو يعني طالما أنت بتحبيها مفيش رأي مهم :) و مستنية بوستك اللي جي عشان أفهم إيه اللي حصل
ردحذفسلااااام
Zanooba (Zeinab sab9n) : أسلوبك الأحلى يا قمرايا وعيونك حلوين علشان كده شوفتي المدونة حلوة
ردحذفبالنسبة لفوفو فصحباتي بيحبوها ومبسوطين بيها المشكلة في تعليقات الناس اللي في الشارع وبعض الناس المحبطين
وهستنى تعليقك على البوست الجاي ان شاء الله
اوعي متجيش بجد هزعل جدا
نورتي البوست والبلوج كله يا زوزو
مش بيقولك حمارتك العارجة
ردحذفلا انا زعلانة كنت عايزة بقية الحكاية
ميرسى ليكى كتير على سؤالك انتى اكتر من اخت
اوعدنا يارب بفوفو ولا توتو ولا سوسو حتى اى حاجه ترحمنا من بهدلة المواصلات هههههههههههههه
ردحذفيارب يرجعلك فوفو بس ابقى خدى بالك وانتى سايقه وذاكرى قانون المرور الجديد هههههه
تحياتى
علاء
اممممممممممم
ردحذفايه التشويق دا
عموما مستنين البوست بسسسسسسرعة
والف مبروك على فوفو اكيد عشرة عمر بقه
ربنا يقومهالك بالسلامة
سلام ياجميل
تحياتى
قمرررررررررر
ردحذفليكي تاج تاني عندي
كده بقوا تاجين جااااااااوبي
كده بردوا يا بنوته بجد شوقتينى اعرف حكاية فوفو والست اللى بتصرخ فى نص الطريق واخيرآ لمسة ايد مين وشادى ايه
ردحذفانا كده بردها لك تعليق مش مفهوم ذى البوست بتاعك ههههههههه
عروسة ننوسة : وانا بقول البلوج نوره زايد ليه اتاري أحلى عروسة ننوسة هنا وأكيد عندك حق فوفو المفسوسة (كاوتشها مفيش فيه هوا) تغنيك عن سؤال اللئيم
ردحذفوانا مقدرش على زعلك يا قمرايا وهنشر الجزء التاني حالا دلوقتي ان شاء الله
والحمد لله اني اطمنت عليكي
وبجد سعيدة جدا وفخورة بكلامك انك بتعتبريني أكتر من أخت لأنه شعوري انا كمان
ربنا يديم الود والمحبة دايما يارب
ومنتظرة كتابك يا كاتبتنا الجميلة
عايش ولكن (علاء): أهلا بيك
ردحذفمين سوسو وتوتو دول تعرفهم ولا ايه انا مش عارفاهم ههههه
ربنا يوعدك بفوفو تبقى زي فوفو بتاعتي كل يوم عند الميكانيكي وبتاع الكاوتش
أمين وانا لسه مجربتش امشي بيها من يوم قانون المرور الجديد علشان كانو هيخدوها امن ونتانة
بس ان شاء الله تتصلح وتبقى كويسة
شكرا على زيارتك الجميلة للبلوج
e_emy
ردحذفمن عنتيني يا ايمي ان شاء الله هنشر الجزء التاني دلوقتي
الله يبارك فيكي يا قمرايا وفعلا هي عشرة سنة وخمس شهور وشوية
أمين يا رب
تسلمي يا قمر على زيارتك الجميلة دي
وهستنى ردك ع البوست الجاي ان شاء الله
كيارا: والله دايما منوراني يا قمرايا
ردحذفتاج تاني طب مينفعش اتبرع بيه لحد محتاجه
اصلي هلبس الاتنين ازاي يعني ههههههه
ماشي يا نونا هدية مقبولة بس اسمحيلي هأجل الاجابة عليه شوية
عصفورة من الشرق :ههههههههههههههههههههه
ردحذفبجد بجد انتي عسولة جدا يا عصفورة انا وشادي اغنية فيروز
وافتكرت اغنية حماقي الجديده وهتعرفي ليه اتكلمت عنهم البوست الجاي ان شاء الله
وان شاء الله هنشر البوست الجاي دلوقتي واللي هيحل اللغز ده
انا عندي كام عصفورة من الشرق يعني هي واحدة بس
تعليقك بجد بجد جميل جدا واسعدني جدا يا قمرايا
وعلى فكرة فهمته هييييييييه
ايه ده انا المفروض اسمى البوست ده انه الحلقة الاولى فى مسلسلمن مسلسلات رمضان اللى جاية على اساس انى مفهمتش و هستنى الحلقة التانية بس متتاخريش علينا .
ردحذفnonni : اسمك جميل جدا جدا
ردحذفايون مسلسل واقعي من جزئين بس
مش 30 حلقة
وكمان احنا قبل رمضان :)
كل سنة وانتي طيبة
وانا فعلا نشرت البوست التاني اول لما تدخلي عالمدونة ان شاء الله هتشوفيه يا قمرايا
هو انا ااقدر اتأخر عليكو برضه
نورتي البوست والمدونة يا نوني وان شاء الله الجزء التاني يعجبك
ماحكتليش أنتى على فوفو ده خاااااااااااالص
ردحذف